Yɔn 10:3 - Ȧŋlemrȧnɛ Ȧfu

³ Ɔbumər ɔ kanthɛ kɔ kadare; ɔwa talɔmɛ aŋ təl ȧrim rɔŋ, ɔwa ɔ tela talɔmɛ tɔŋ ka ames maŋ, ɔ wurɔ ŋa rokaŋ.

Yɔn 10:3 ပူးပေါင်းရင်းမြစ်များ

Yɔn 10:14

Minɛ yi ɔtɔl talɔmɛ ufinɔ, i tȧrȧ talɔmɛ ta mi, ɔwa talɔmɛ ta mi aŋ tȧrȧ mi,

Yɔn 10:16

Ɔwa i ba təlɔmɛ təlɔm, aŋa te yi ka kawɔrɛ ake: ŋaŋ sɔ i ba kəkara, ɔwa aŋ tə təl ȧrim ra mi: ɔwa aŋ tə yi kuthi kin, aŋ tə ba ɔtɔl kin.

Yɔn 10:4

Bepi ɔ po wurɔ talɔmɛ tɔŋ bɛ-e, ɔ təmȧ ŋa kədi, ɔwa talɔmɛ aŋ tȧŋ kɔ; ȧtesoma-e aŋ tȧrȧ ȧrim rɔŋ.

Yɔn 10:9

Minɛ yi kadare: bepi wuni o wuni ɔ wɔŋ ka kȧta ka mi-e, ɔ tə kisi, ɔwa ɔ tə wɔŋ, ɔ tə wur, ɔ tə bəp ɛwɔnth.

Yɔn 6:37

Ŋaŋ bɛ aŋa ɔKas ɔ sɔŋ mi aŋ tə der ro mi; ɔwa kɔnɔ ɔwe mə der ro mi i bȧl hɛ kɔ rokaŋ hali.

Yɔn 6:45

A po gbal ka mȧgbal ma Aŋnȧbi kəpa, Kurɔŋ ɔ tə thəksa ŋa bɛ. Wuni o wuni ɔwe po təlȧ ɔKas, ɔwa ɔ thəkəs ro ŋɔŋ, ɔ tə der ro mi.

AŋRomans 8:30

Ɔwa ŋaŋ aŋa ɔ po thith thəpaŋ, ŋaŋ sɔ ɔ muti; ɔwa ŋaŋ aŋa ɔ muti-e, ɔ sɔŋ ŋa məmari; ɔwa ŋaŋ aŋa ɔ sɔŋ məmari-e, ɔ kȧl yikis ŋa.

1 AŋKɔrenth 16:9

Ȧtesoma-e, a kanthɛ mi kədare kəbana ro məpanth məgbathi mə yi, ka atheranɛ agbȧthi aŋ yi ri sɔ.

AŋFilipai 4:3

I nɛmthɛnɛ mu sɔ, ɔmar kȧmi ubɔthi lanɛ, kȧmȧ mə mar afəm abom aŋa po mar mi ka ȧkɛra kəfinɔ ka Kuru-e, yi Klɛmɛnt sɔ, dɛ yi aŋmar a mi alɔm aŋa ba ames maŋ ka ȧkȧfȧ ka aŋesəm.

AŋKɔlɔsi 4:3

Ramnɛ nu sɔ ta ȧtȧ su, kȧmȧ Kuru ɔ kanthɛ su roŋ ta ȧrim, kȧmȧ sə gbəli taməs aŋgbundu ŋa Kraystȧŋ, ta aŋa minɛ i yi ka tɔrɛntha.

2 Timɔthi 2:19

Halisa ɔtəmər wa Kuru ɔ təmȧ kəŋkəŋ, ɔwa ȧŋmȧthlɛ ŋati ŋi aŋe, kəpa, ƆMariki ɔ tȧrȧ aŋfəm ŋɔŋ gbeŋ. Ɔwa sɔ-e, Ta wuni o wuni ɔwe bont ȧŋes ŋa Kraystȧŋ ɔ gbapɛ mȧkənə.

1 Pitar 1:12

Ka a tɔri ŋa kəpa pə yi hɛ aŋ yɔnanɛ, kɛrɛ aŋ yɔna su salata mȧtȧy mati ama a po lɔma nu ka-ake, kətȧŋȧnɛ ka ŋaŋ aŋa kawandi nu ȧkɛra kəfinɔ ka ɔYina məsəm kəwur ro riyana. Ɔwa aŋmȧleka aŋ fela tə kəsɔthnɛ mȧtȧy ame.

1 Yɔn 4:6

Saŋ sə yi ta Kuru: ɔwe tȧrȧ kɔ ɔ təlȧ su; kɛrɛ kɔn ɔwe te yi ta Kuru ɔ təlȧ hɛ su. Ka ȧte sə tȧrȧ ɔgbaskɛ wa aŋyina ka təteŋ, yi aŋyina ŋa rəyem.

3 Yɔn 1:14

Kɛrɛ i bot ȧmerȧ kəpa sə tə yeŋk nəŋkanɛ, ɔwa sə tə fɔf der yi derȧŋ.

Kȧŋȧibinɛ 20:15

Ɔwa wuni o wuni ɔwe te ba ȧŋes ŋɔŋ ka ȧkȧfȧ ka aŋesəm-e, a tǝ fitha kɔ ka ȧŋbonka ŋa nȧnt.

Kȧŋȧibinɛ 3:20

Kəla i təmȧ ka kadare, i gbȧtgbȧt. Bepi wuni o wuni ɔ təl ȧrim ra mi, ɔwa ɔ kanthi kadare, i ti wɔŋ, i ti di yi kɔn, dɛ yi kɔn ɔ tə di yi minɛŋ.

Kȧŋȧibinɛ 7:17

Kotȧy-e kaLɔmɛ kəfɛth ɔwe təmȧ rodi ka kawaŋ ka rȧbȧy ɔ tə yi utɔl ka ŋaŋ, ɔ tə kɔtha ŋa ka təfɔr ta mȧnt ma aŋesəm; ɔwa Kuru ɔ tə nasi ȧmȧntər bɛ ka ɛfɔr yaŋ.”