Yɔn 10:28 - Ȧŋlemrȧnɛ Ȧfu

²⁸ ka i sɔŋ ŋa aŋesəm thəbana; ɔwa aŋ ba hɛ kədinɛ thȧnkȧŋ, ɔwa wuni o wuni ɔ gbəli hɛ kathi ŋa ka kȧta kȧmi.

Yɔn 10:28 ပူးပေါင်းရင်းမြစ်များ

Mark 13:22

kotȧy-e aKrayst ayem yi anȧbi ayem aŋ tə yokanɛ, aŋ tə yɔ ɛmisali yi tȧy təkabanɛ, kȧmȧ bepi pə gbəli yi-e, aŋ tə yɛthəs aŋthith.

Luk 23:46

Ka Yisɔsȧŋ ɔ sel ɛrɔŋ yi rim rəbɔli rəkɔm, ɔ pa, Kas ka mi-e, ka mȧta ma mu i lȧnki aŋesəm a mi. Ma ɔ po pa ȧte-e, ɔ ternɛ.

Yɔn 10:29

ƆKas kȧmi ɔwe sɔŋ ŋa ro mi, ɔ yi ubana uthasi bɛ; ɔwa wuni o wuni ɔ gbəli hɛ kathi ŋa ka kȧta ka ɔKas kȧmi.

Yɔn 11:25

Yisɔsȧŋ ɔ pa ro ŋɔŋ, Minɛ yi kȧyokanɛ, yi aŋesəm: kɔn ɔwe mə lanɛ mi, hali ɔ po fi, ɔ tə kȧl kəli:

Yɔn 14:19

Pə tiyȧ ras alɔkɔ agbut, ɔwa ȧdȧru rə nənk hɛ mi sɔ: kɛrɛ nia nə tə nənk mi: pəkasifɛ i kəli, nia nə tə kəli sɔ.

Yɔn 17:2

mɔ mȧ mə sɔŋ kɔ afɔsɔ ka afəm bɛ, kȧmȧ ɔ sɔŋ aŋesəm thəbana ka ŋaŋ aŋa mə sɔŋ kɔ.

Yɔn 18:9

kȧmȧ ȧrim rə lasər ara ɔ fɔf kəpa, Ka ŋaŋ aŋa mə po sɔŋ mi i tha dim hɛ ukin.

Yɔn 3:36

Kɔnɔ ɔwe mə lanɛ ka ɔWan ɔ ba aŋesəm thəbana: kɛrɛ wuni ɔwe mə te lanɛ ka ɔWan-e, ɔ ba hɛ kənəŋk aŋesəm; kɛrɛ rabaŋ ra Kuru rə rensa kɔ.

Yɔn 4:14

kɛrɛ wuni o wuni ɔwe mə mun ȧmȧnt ama i ti sɔŋ kɔ-e, rəmun rə wop hɛ kɔ sɔ thəbana; kɛrɛ ȧmȧnt ama i ti sɔŋ kɔ mə tə səkɛ rəfɔr ra mȧnt rokor kɔŋ, ara mə gbuthɛ ka aŋesəm thəbana.

Yɔn 5:24

Tɛntɛnɛ i kanɛ nu, Kɔnɔ ɔwe mə təl ȧrim ra mi, ɔwa ɔ lanɛ ɔwe som mi-e, ɔ ba aŋesəm thəbana, ɔ ba hɛ tə kəsɔthɔ mətheri; kɛrɛ ɔ po thas rəfi kəkɔ ka aŋesəm.

Yɔn 6:27

Te thɔrɔ ta adarədi ara mə dinɛ, kɛrɛ thɔrɔ ta ȧdarədi ara mə tiyȧ haŋ ka aŋesəm thəbana, ara ɔWan ka wuni ɔ tə sɔŋ nu: kotȧy-e kɔnɔ Kuru ɔKas ɔ po mathlɛ.

Yɔn 6:37

Ŋaŋ bɛ aŋa ɔKas ɔ sɔŋ mi aŋ tə der ro mi; ɔwa kɔnɔ ɔwe mə der ro mi i bȧl hɛ kɔ rokaŋ hali.

Yɔn 6:47

I kanɛ nu tɛntɛnɛ, Ɔwe lanɛ mi ɔ ba aŋesəm thəbana.

Yɔn 6:68

Saymɔn Pita ɔ wosa, ɔ pa, Pa ka kanɛ mə sə kɔ-e? Munɔ mə ba ȧsim ta aŋesəm thəbana.

Mȧyɔs ma aŋsom 7:59

kaŋ ləməs Stifɛn-əŋ məsar, mɔ mɔ ramnɛ, ɔ pa, Mariki Yisɔs malanɛ aŋyina a mi.

AŋRomans 5:17

Pəkasifɛ bepi-e, salata aŋhakɛ ŋa wuni kin rəfi rə gbəka asabu ŋa ɔkin-e, pə tha gbethi ŋaŋ aŋa sɔthɔ ȧŋboŋa ȧbana ŋa Kuru dɛ yi ȧŋboya ŋa malompi aŋ tə gbəka ka aŋesəm, asabu ŋa ɔkin Yisɔs Kraystȧŋ.

AŋRomans 5:2

ka ɔwe sə sɔthɔ roŋ rə kəlanɛ ka ȧŋboŋa ŋa Kuru ro sə təmȧ. Ɔwa ta pə bɔnɛ su salata kagbak ȧmerȧ ka aŋyiki ŋa Kuru.

AŋRomans 5:21

kȧmȧ mɔ ahakɛ aŋ gbəka salata rəfi, yaŋ sɔ aboŋa aŋ gbəka salata mȧlompi kəkɔ ka aŋesəm thəbana asabu ŋa Yisɔs Krayst ɔMarki kȧsu.

AŋRomans 5:9

Tiyȧŋ ma a sɔŋ su məmari ka-ake salata mȧtir mɔŋ-e, pə tha gbethi a tə kisis su kəwur ka rabaŋ ra Kuru salata aŋesəm ŋɔŋ.

AŋRomans 6:23

kotȧy-e ȧŋrȧm ŋa ahakɛ aŋ yi rəfi, kɛrɛ ȧŋboya ŋa Kuru aŋ yi aŋesəm thəbana rokor ka Yisɔs Krayst ɔMarki kȧsu.

AŋRomans 8:1

Tiyȧŋ mətheri mə gbəli hɛ sɔ yi ta ȧtȧ ŋaŋ aŋa yi rokor ka Yisɔs Kraystȧŋ, aŋa mə te kɔth ka mafela ma madɛr, kɛrɛ ka ɔYina məsəm.

AŋRomans 8:29

kotȧy-e ŋaŋ aŋa Kuru ɔ po thith thəpaŋ, ɔ ba mabotəs mati kȧmȧ aŋ taŋanɛ ka mȧbȧlȧnɛ ma ɔWan kɔŋ, kȧmȧ ɔWan kɔŋ ɔ yi ɔbaki kətɔŋ ka awɔnt agbȧthi.

AŋFilipai 1:6

Ka i lanɛ ti ɔbaksər kəpa, kɔnɔ ɔwe po təp məpanth məfinɔ rokor ka nu-e, ɔ tə pons ma haŋ ka ȧŋrey ŋa Yisɔs Krayst.

2 AŋThɛsȧlonika 2:13

Kɛrɛ saŋ sə yi kəsɔŋ mɔmɔ lɔkɔ o lɔkɔ ka Kuru ta ȧtȧ nu, awɔnt abɔthər ŋa ɔMarki, pəkasifɛ Kuru ɔ po thith nu kȧbi ɔtəpɛr tə kəsɔthɔ kəkisi rə kəsəməs kɔ Yina məsəm dɛ yi kȧlanɛ ka tȧteŋ.

1 Timɔthi 1:16

Kɛrɛ a nəŋka mi ȧney, minɛ ɔwe tha yi uləs bɛ, kȧmȧ Yisɔs Krayst ɔ gbəli tɔri kamuyu kɔŋ kəwoni, mɔ amɔl ta ȧtȧ ŋaŋ aŋa ba kəlanɛ kɔ kədarəŋ kati, salata aŋesəm thəbana.

2 Timɔthi 1:12

Ɔwa ta ȧte sɔ i sɔmpanɛ mȧtȧy ame; kɛrɛ i lap hɛ, pəkasifɛ i tȧrȧ ɔwe i po lanɛ, ɔwa i lanɛ kəpa tɛntɛnɛ ɔ gbəli bɛnɛ ara i po maŋkər kɔ haŋ ka ȧŋrey ŋati.

AŋHibru 7:25

Tiyȧŋ ɔ gbəli kisis ŋaŋ fewu aŋa der ka Kuru kətȧŋȧnɛ ro ŋɔŋ ma ɔ yi ukəli thȧnkȧŋ tə kənɛmthɛnɛ ta ȧtȧ ŋaŋ.

1 Pitar 1:5

aŋa a po bɛnɛ ka aŋfɔsɔ ŋa Kuru asabu ŋa kəlanɛ kəkɔ ka kakisi ȧke a yi tə kəŋaibi ka marey mələpsɔ.

1 Yɔn 1:2

a tɔri aŋesəm, ɔwa saŋ sə po nəŋka ŋi rəfɔr, ɔwa sə seri ta ŋi, ka sə tɔri nu aŋesəm thəbana aŋa yi ka ɔKas, yi aŋa a po tɔri su;

1 Yɔn 2:19

Ŋaŋ aŋ po wur ro su, kɛrɛ aŋ yi hɛ ta ȧtȧ su; kotȧy-e, bepi aŋ yi naŋ ta ȧtȧ su, aŋ tə tiyȧ naŋ ro su: kɛrɛ aŋ wur ro su, kȧmȧ pə tɔrinɛ kəpa ŋa bɛ, aŋ yi hɛ ta ȧtȧ su.

1 Yɔn 2:25

Ɔwa aŋlahiri aŋa ɔ lahiri su ŋa yi aŋesəm thəbana.

1 Yɔn 5:11

Maseri meme, kəpa Kuru ɔ po sɔŋ su aŋesəm thəbana, ɔwa aŋesəm aŋe aŋ yi ka ɔWan kɔŋ.

Yud 1:1

Yud, ȧŋbɔy ŋa Yisɔs Krayst, yi ɔwɔnt ka Yeməs, ka ŋaŋ aŋa a muti, ȧŋbɔthər ŋa Kuru ɔKas, yi aŋa a bɛnɛ ta Yisɔs Krayst;

Yud 1:21

bȧkər nu ka mabɔthər ma Kuru, nə kəlianɛ ȧŋney ŋa ɔMarki kȧsu Yisɔs Krayst aŋa mə sɔŋ su aŋesəm thəbana.

Yud 1:24

Ɔwa ɔwe gbəli bɛnɛ nu kəte yɛthȧ, ɔwa ɔ təmər nu kəte ba apora rodi ka ayiki ŋɔŋ yi məbɔnɛ məbana;