Yɔn 1:9 - Ȧŋlemrȧnɛ Ȧfu

⁹ ȧŋmothȧ ȧtəteŋ aŋ yi, aŋa mothər wuni o wuni, ɔwe mə wɔŋ ka ȧdȧru.

Yɔn 1:9 ပူးပေါင်းရင်းမြစ်များ

Mathiu 6:23

Kɛrɛ bepi rafɔr ra mu rǝ yi rǝlǝs-e, aŋdɛr a mu bɛ aŋ tǝ la asum. Tiyȧŋ bepi ȧŋmothȧ aŋa yi mu aŋ yi asum-e, ȧŋsum ŋati a bana!

Luk 11:36

Bepi aŋdɛr a mu aŋla ɔwaŋ-e mə ba hɛ asum hali, mə tə la ɔwaŋ bɛ, mɔ mə amotha aŋ gbɛntha aŋ sɔŋ mu ɔwaŋ.

Yɔn 1:4

Aŋesəm aŋ yi ro ŋɔŋ: ɔwa aŋesəm aŋ yi ȧŋmothȧ ŋa afəm.

Yɔn 1:7

Ɔwe ɔ der ta məseri, tə kəseri ta ȧŋmothȧ, kȧmȧ afəm bɛ aŋ lanɛ salata kagbaki kɔŋ.

Yɔn 12:46

I der mɔ amotha ka ȧdȧru, kȧmȧ wuni o wuni ɔwe mə lanɛ mi-e, ɔ ba hɛ tə kətia ka ȧŋsum.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 15:1

Minɛ yi ralek rəgbeŋ, ɔwa ɔKas kȧmi kɔnɔ yi ɔbaf.

Yɔn 6:32

Ka Yisɔsȧŋ ɔ pa ro ŋaŋ, I kanɛ nu tɛntɛnɛ, pə yi hɛ Mosisȧŋ ɔwe sɔŋ nu kəbo kəwur ro riyana; kɛrɛ ɔKas kȧmi ɔ sɔŋ nu kabo ka tȧteŋ kəwur ro riyana.

Yɔn 7:12

Ka ȧsuniya aŋ fɔfəthanɛ ɔgbȧthi ta atɔŋ: alɔm aŋ pa, Ɔ yi wuni finɔ; alɔm aŋ pa, Pə yi hɛ yi, ɔ pəŋis gbo afəm.

1 Yɔn 1:8

Bepi sə pa sə ba hɛ ahakɛ, sə pəŋəsnɛ, ɔwa tȧteŋ tə yi hɛ ro su.

1 Yɔn 2:8

Halisa I gbalər nu sɔ ayamari afu, aŋa yi tȧteŋ ro ŋɔŋ yi ro nu; pəkasifɛ ȧŋsum aŋ thas, ɔwa ȧŋmothȧ ȧtəteŋ aŋ gbɛntha ka-ake.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.