Yɔn 1:45 - Ȧŋlemrȧnɛ Ȧfu

⁴⁵ Filipȧŋ ɔ bəp Nathaneɛl, kɔ pa ro ŋɔŋ, Sə po fir kɔ, ta ɔwe Mosisȧŋ ka aŋthɔ, yi Aŋnȧbi aŋ gbal, Yisɔs ɔwe ro Nasarɛth, ɔwan ka Yosɛf.

Yɔn 1:45 ပူးပေါင်းရင်းမြစ်များ

Mathiu 10:3

Filipȧŋ, Barthɔlɔmiyuȧŋ, Thɔmɔsȧŋ yi Mathyɔŋ, ɔthonkla ɛfȧk. Yemǝsȧŋ, ɔwan ka Alfiɔs, yi Thȧdiyɔsȧŋ.

Mathiu 13:55

Ɔwan ka ɔkamdɛr kɔn tha ɔwe-i? Ɔwa a bont hɛ ɔkara kɔŋ Meri-i? Aŋwɔnt ŋɔŋ, ŋa tha yi Yemǝs, Yosef, Saymɔn yi Yudaŋ-i?

Mathiu 2:23

kɔ der, ɔ yirȧ ka kȧpet ȧke ma tela Nasarɛth; kȧmȧ ȧrim ra ɔnȧbi rǝ lasǝr ara pa, A ba kǝbont kɔ uNasarɛth.

Mathiu 21:11

Ka ȧsuniya tǝ pa, Yisɔsȧŋ, ɔnȧbi ka ro Nasarɛth ake ro Kalili, kɔnɔȧŋ.

Mark 14:67

Ma ɔ nənk Pitaŋ ɔ saya-e, ɔ kəli kɔ kɔ pa, Munɔ sɔ mə sa yi yi Yisɔsȧŋ ɔwe ro Nasarɛth.

Mark 6:3

Ɔkamdɛr thahɔ ɔwe-i? Ɔwan uruni ka Meri, ɔwɔnt uruni ka Yeməs, Yoses, Yuda yi Saymɔnȧŋ-i? Ɔwa aŋwɔnt ŋɔŋ abɛra aŋ yi hɛ sɔ nɔ yi saŋ-i? kaŋ ba məbaŋ ta atɔŋ

Luk 18:37

kaŋ kanɛ kɔ kəpa Yisɔs ɔwe ro Nasarɛth-e, kɔnɔ mə thas.

Luk 2:4

Yosɛfȧŋ sɔ ɔ wur ro Nasarɛth ka ȧŋthɔf ŋa ro Kalili, ɔ kɔ ro Yudiya ka kȧpet ka Debid ȧke a bont Bɛthlihɛm, ȧtesoma-e ɔ yi ka ȧŋseth yi ȧŋbɔnshɔ ŋa Debid,

Luk 2:48

Ɔwa maŋ nənk kɔ-e, aŋ kabanɛ; ka ɔkara kɔŋ ɔ pa ro ŋɔŋ, Wan kȧmi, to som mɔ yɔ su yaŋ-e? Kəla, ɔkas ka mu yi minɛŋ, sə thɛns mu rə asoli abana.

Luk 24:27

Ɔwa, kətəp ka Mosis yi aŋnabi bɛ, ɔ sɔkəs ɛmerȧ yaŋ ka mȧgbal bɛ ama a gbal ta atɔŋ.

Luk 24:44

kɔ pa ro rɔŋaŋ, Ȧsim ta mi ti ȧte, ȧte i la kanɛ nu ka ȧŋlɔkɔ aŋa i yi ras yi naŋȧŋ kəpa mȧtȧy bɛ mə ba tə kəlasər ama a gbal ta ȧtȧ mi ka aŋthɔ ŋa Mosis, yi ka aŋnabi, yi ka ȧŋSams.

Luk 3:23

Ma Yisɔs kɔn kɔnɔnɛ ɔ təp mapanth mɔŋ ɔ ba təren kəgba tɔfɔt; aŋfəm aŋ nanɛ ɔ yi ɔwan ka Yosɛf ɔwe yi ɔwan ka Heli,

Luk 4:22

Ɔwa aŋfəm bɛ aŋa bəpər-e, aŋ fɔf finɔ ta atɔŋ, ɔwa aŋ kabanɛ ta ȧsim təfinɔ ȧte wur ka kȧsəŋ kɔŋ; aŋ yif, Ɔwan uruni ka Yosɛf kɔn thahɔ ɔwe-i?

Yɔn 1:44

Filipȧŋ ɔ wur ro Bɛthsayda, kȧpet ka Andru yi Pitaŋ.

Yɔn 12:21

Aŋ der ka Filip, ɔwe ro Bɛthsayda ake ro Kalili, aŋ kanɛ kɔ, Pa, sə yema nənk Yisɔsȧŋ.

Yɔn 14:8

Filipȧŋ ɔ pa ro ŋɔŋ, Pa, tɔri su ɔKas, ɔwa pə tə bek su.

Yɔn 18:5

Aŋ wosa, Yisɔsȧŋ ɔwe ro Nasarɛth. Ka Yisɔs ɔ pa ro ŋaŋ. Minɛ ɔwe. Ka Yudasȧŋ sɔ ɔwe sɔnd kɔ-e, ɔ təmȧ yi ŋaŋ.

Yɔn 18:7

kɔ yif ŋa sɔ, Kanɛ mə nə thɛns-e? Aŋ pa, Yisɔsȧŋ ɔwe ro Nasarɛth.

Yɔn 19:19

Ka Payletȧŋ ɔ gbal məgbal, ɔ yɔ aŋ bot ma ka akənt kəpəŋkinɛ. Ɔ gbal, YISƆSȦŊ ƆWE RO NASARƐTH, ƆBȦY KA AŊYUDA.

Yɔn 21:2

Saymɔn Pitaŋ, yi Thɔmɔsȧŋ ɔwe a bont Didimɔs, yi Nathaneɛl ɔwe ro Kena ake ro Kalili, yi aŋwuth aruni ŋa Sɛbidi, yi aŋkarande ŋɔŋ alɔm ŋarəŋ, aŋ yi dɛr ɔkin.

Yɔn 6:42

kaŋ pa, Yisɔsȧŋ kɔn tha ɔwe, ɔwan ka Yosɛf-əŋ, ɔkas kɔŋ yi ɔkara kɔŋ sə tara-e, to som mɔ pa ka-ake, Minɛŋ i wur ro riana-e?

Yɔn 6:5

Ma Yisɔsȧŋ ɔ nənk kəpa runiya rəbana rə der ro ŋɔŋ-e, ɔ pa ka Filip, Reke mə sə wai təbo kȧmȧ aŋe aŋ di-e?

Yɔn 6:7

Filipȧŋ ɔ pa, Təbo ta mɔlɔ ma ɛpɔn tȧmthədɛrəŋ tə bek hɛ ŋa, kȧmȧ wuni o wuni ɔ sɔthɔ kəlɔl.

Mȧyɔs ma aŋsom 10:38

Rə tɔri kəpa Kurɔŋ ɔ reŋ Yisɔsȧŋ ɔwe ro Nasarɛth ɔYina məsəm yi afɔsɔ; ɔ kɔth kɔth dɛr o dɛr kəyɔ ɔfinɔ, ɔ yenkəs aŋfəm bɛ aŋa Sethani mɔ sɔmpa, kotȧy-e Kurɔŋ ɔ yi yi kɔn.

Mȧyɔs ma aŋsom 2:22

Naŋ aŋfəm ŋa ro Isrɛl, təl nu ȧsim ȧte. Yisɔs ɔwe ro Nasarɛth, wuni ɔwe Kuru ɔ po lomi kətɔŋ ka nu rə məyɔs ma afɔsɔ yi mȧtȧy məkabanɛ yi ɛmisali ɛyɛ Kuru ɔ yɔ ka kȧta kɔŋ kətɔŋ ka nu, mɔ naŋ gbeŋ nə po tȧrȧ.

Mȧyɔs ma aŋsom 22:8

Ka i lasi i pa Mun kanɛ-e Pa? kɔ pa ro mi, Minɛ yi Yisɔs ɔwe ro Nasarɛth ɔwe mȧ mə sɔmpa.

Mȧyɔs ma aŋsom 26:9

Tə tɛntɛnɛ min minɛnɛ i la nanɛ kəpa i yi tə kəyɔ tȧy təgbȧthi ȧtȧ yi təpeskɛ yi ȧŋes ŋa Yisɔs ɔwe ro Nasarɛth.

Mȧyɔs ma aŋsom 3:6

Kɛrɛ Pitaŋ ɔ pa, Akala ȧferȧ yi abɔŋɔ i ba hɛ, kɛrɛ ara i ba i ti sɔŋ mu ri. Ka ȧŋes ŋa Yisɔs Krayst ɔwe ro Nasarɛth, kɔth.