Yɔn 1:29 - Ȧŋlemrȧnɛ Ȧfu

²⁹ Ka ȧŋrey alɔm-e, Yɔnȧŋ ɔ nənk Yisɔsȧŋ ɔ der ro ŋɔŋ, ɔ pa, Kəli kaLɔmɛ kəfɛth ka Kuru ɔwe mə sara aŋhakɛ ŋa ȧdȧru!

Yɔn 1:29 ပူးပေါင်းရင်းမြစ်များ

Mathiu 1:21

Ɔ tǝ kom wath uruni. Ɔwa mǝ yi tǝ kǝbont kɔ ŋes Yisɔs, kotȧy-e kɔnɔ mǝ kisis aŋfǝm ŋɔŋ ka ɛhakɛ yaŋ.

Mathiu 20:28

mɔ mǝ ɔWan ka wuni ɔ te der kȧmȧ a yɔna kɔ, kɛrɛ tǝ kǝyɔna afǝm, dɛ yi tǝ kǝsɔnd aŋesǝm ŋɔŋ tǝ kǝbani afǝm alai.

Yɔn 1:35

Ka ȧŋrey alɔm-e, Yɔnȧŋ ɔ təmȧ yi aŋkarande ŋɔŋ ŋarəŋ:

Yɔn 1:36

ɔ kəli Yisɔsȧŋ mɔ mɔ kɔth-e, ɔ pa, Kəli kaLɔmɛ kəfɛth ka Kuru!

Yɔn 1:43

Ka ȧŋrey alɔm-e, Yisɔsȧŋ ɔ yema kɔnɛ ro Kalili, kɔ bəp Filipȧŋ: ka Yisɔs ɔ pa ro ŋɔŋ, Tȧŋ mi.

Yɔn 2:1

Ka ȧŋrey aŋa bekȧ məsas-e met ma kənantȧ mə yi ro Kena ake ro Kalili; ɔwa ɔkara ka Yisɔs ɔ yi ri:

Yɔn 3:16

Ȧtesoma-e ya Kurɔŋ ɔ bɔthər ȧdȧru, haŋ ɔ sɔnd ɔWan kɔŋ ɔ kom gbo son, kȧmȧ wuni o wuni ɔwe lanɛ kɔ ɔ te dinɛ, kɛrɛ ɔ sɔthɔ aŋesəm thəbana.

Yɔn 4:42

aŋ pa ka ɔbɛra, Ka ake sə lanɛ, pə yi hɛ salata tapa ta mu; kotȧy-e saŋ sə po təlȧ kɔ, ɔwa sə tȧrȧ kəpa təteŋ ɔwe ɔ yi ɔKrayst ɔKisis ka ȧdȧru.

Yɔn 6:51

Minɛ yi kabo kəkəli ȧke wur ro riyana; bepi wuni o wuni ɔ di kabo ake, ɔ tə kəli thəbana: ɔwa kabo ȧke mə i sɔŋ kə yi aŋdɛr a mi, ta aŋesəm ŋa ȧdȧru.

Mȧyɔs ma aŋsom 13:39

ɔwa ka kȧta kɔŋ wuni o wuni ɔwe lanɛ ɔ sɔthɔ məmari ka mȧtȧy bɛ-e, ka ama nə te gbəli sɔthɔ məmari ka ȧŋthɔ ŋa Mosis.

Mȧyɔs ma aŋsom 8:32

Ɔwa ɔdɛr ka mȧgbal məsəm ro ɔ karaŋ ri are, A kera kɔ mɔ kəlɔmɛ tə kəfai; Ɔwa mɔ kəlɔmɛ kəfɛth rodi ka ɔwe ma fon kɔ Yaŋ ɔ te wurɔ dim.

1 AŋKɔrenth 15:3

kotȧy-e i po laŋklia nu ka ɔtɔtɔkɔ ȧtȧ minɛ sɔ i po sɔthɔ, kəpa Krayst ɔ po fi ta ɛhakɛ ɛ su mɔ mə mȧgbal ma Kuru mə pa;

2 AŋKɔrenth 5:21

kotȧy-e ta ȧtȧ su a səki kɔ ahakɛ, pə yi mɔ kɔn ɔwe te la tȧrȧ ahakɛ bɛ; kȧmȧ saŋ sə gbəli səkɛ mȧlompi ma Kuru rokor kɔŋ.

AŋKȧletia 1:4

ɔwe sɔndnɛ ta ɛhakɛ ɛ su, kȧmȧ ɔ tafi su ka ȧdȧru rələs are, mɔ mə mȧselɔ ma Kuru yi ɔKas kȧsu mə yi;

AŋKȧletia 3:13

Krayst ɔ po bani su ka ȧŋranka ŋa ȧŋthɔ, ma ɔ po səkɛ uranka ta ȧtȧ su; kotȧy-e a po gbal kəpa, Wuni o wuni ɔwe a gbak ka ŋənt-e, uraŋka wɔŋ;

1 Timɔthi 2:6

ɔwe sɔndnɛ tə kəbani afəm bɛ, ka a seri ti ma ȧŋlɔkɔ ŋati aŋ bek.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

AŋHibru 1:3

ɔWan ɔwe kɔnɔ yi ɔgbɛntha wa aŋyiki ŋa Kuru-e, dɛ yi mȧbȧlȧnɛ gbeŋ ma rawuni ra Kuru rɔŋ, ɔwa kɔnɔ mə bȧksər tȧy o tȧy ka ȧrim ra aŋfɔsɔ ŋɔŋ. ƆWan ɔwe, ma ɔ po fethər su kəwur ka ɛhakɛ ɛ su-e, ɔ yirȧ ka kȧta kədiɔ ka aŋyiki ŋa Kuru rokɔm.

AŋHibru 2:17

Tiyȧŋ pə yi ɔlompi kȧmȧ a yɔ kɔ mɔ aŋwɔnt ŋɔŋ rə koko bɛ, kȧmȧ ɔ gbəli yi ufode ɔwe ba ȧney, ubɔthi lanɛ ka mȧtȧy ma Kuru, kȧmȧ ɔ gbəli nɛmthɛnɛ ta ɛhakɛ ya aŋfəm.

AŋHibru 9:28

Ya pə yi sɔ-e, Krayst ɔ po sɔndnɛ win tə kəsara ɛhakɛ ya afəm agbȧthi; ɔwa ɔ tə kȧl tɔrinɛ kȧbeka mȧrəŋ, pə yi hɛ salata ɛhakɛ, kɛrɛ tə kəkisis ŋaŋ aŋa mə kəlianɛ ta atɔŋ.

1 Pitar 1:19

kɛrɛ salata mȧtir məkɛŋ ma Kraystȧŋ, mɔ kəlɔmɛ kəfɛth ɔwe te ba apora bɛ.

1 Pitar 2:24

Kɔnɔ kati gbeŋ ɔ sara ɛhakɛ ɛ su ka ȧŋdɛr ŋɔŋ ka ȧŋpənki kȧmȧ saŋ ma sə yi sa afi ka ɛhakɛ-e, sə gbəli yi sa akəli ka mȧlompi, ɔwa a yenkəs nu ka tȧsam tɔŋ.

1 Pitar 3:18

kotȧy-e Kraystȧŋ ɔ po thɔŋ nakasi win haŋ thəbana ta ɛhakɛ, ɔlompi ɔ sɔmpanɛ ta aŋkənȧ, kȧmȧ ɔ gbəli kȧrȧ su ka Kuru. A dif kɔ ka madɛr, kɛrɛ a kəlis kɔ ka ɔYina.

1 Yɔn 2:2

ɔwa kɔnɔ yi asathka tə kəsɔŋ anɛmthɛnɛ ta ɛhakɛ ɛ su: ɔwa pə yi hɛ gbo ta ɛyɛ su, kɛrɛ ta ɛhakɛ ya ȧdȧru bɛ.

1 Yɔn 3:5

Ka nə tȧrȧ kəpa Krayst ɔ tɔrinɛ tə kənɔy ɛhakɛ ɛ su; ɔwa ahakɛ aŋ yi hɛ ro ŋɔŋ.

1 Yɔn 4:10

Mabɔthər mi ame, pə yi hɛ kəpa saŋ sə po bɔthər Kuru, kɛrɛ kɔnɔ ɔ po bɔthər su, kɔ somra ɔWan kɔŋ tə kəyi asathka ta kənɛmthɛnɛ ta ɛhakɛ ɛ su.

Kȧŋȧibinɛ 1:5

dɛ yi kəwur ka Yisɔs Kraystȧŋ, ɔwe yi ɔSeri ubɔthi lanɛ, ɔWan utɔtɔkɔ kəwur kətɔŋ ka aŋfi; dɛ yi ɔGbəka ka aŋbȧy bɛ nɔru. Ta kɔn ɔwe bɔthər su-e, ɔwe po bani su ka ɛhakɛ ɛ su kətȧŋȧnɛ ka mȧtir mɔŋ gbeŋ-e,

Kȧŋȧibinɛ 12:11

Kɛrɛ aŋ tham kɔ ka mȧtir ma kaLɔmɛ kəfɛth, yi ka ȧrim ra maseri maŋ; ɔwa aŋ sɔnd ɛŋesəm yaŋ haŋ ka rəfi.

Kȧŋȧibinɛ 13:8

Ɔwa ŋa bɛ aŋa yirȧ ka ȧdȧru aŋ tə bȧtho kɔ, pə yi mɔ-e, ŋa bɛ aŋa te ba ames maŋ ka ȧkȧfȧ ka aŋesəm ka kaLɔmɛ kəfɛth, ɔwe a fai sathka kȧbi ka ɔtəpɛr wa ȧdȧru.

Kȧŋȧibinɛ 14:1

Ka i kəli, ɔwa kəlo, kəLɔmɛ kəfɛth ɔ təmȧ ka kateŋ ka Sayɔŋ, dɛ yi afəm ɛwul kɛmɛ kin təgba tərəŋ yanlɛ aŋ təmȧ yi kɔn, afəm ŋaŋ aŋa ba ȧŋes ŋɔŋ yi ȧŋes ŋa ɔKas kɔŋ ka mabuŋ maŋ.

Kȧŋȧibinɛ 14:10

ɔkati a tə kȧl ba kəmun mawayn ma rabaŋ da Kuru-e, ara a po kus ka ampɔthi ŋa rabaŋ dɔŋ kəte kuluŋ; ɔwa a tə sɔmpar kɔ rə nȧnt dɛ yi sɔlfɔ rodi ka aŋmȧleka asəm, dɛ yi ka kȧbəprȧnɛ ka kaLɔmɛ kəfɛth.

Kȧŋȧibinɛ 14:4

Aŋe, ŋa yi aŋfəm aŋa te pulkinɛ rə afəm abom; ȧtesoma-e aŋ yi agbəraŋ mɔ afanɛ. Aŋe-e, ŋa tȧŋ kaLɔmɛ kəfɛth dɛr o dɛr rə ɔ kɔnɛ. Aŋe-e aŋ yi abani kətɔŋ ka afəm a kəpet mɔ mȧkomi mətɔtɔkɔ ta Kuru dɛ yi ta kaLɔmɛ kəfɛth.

Kȧŋȧibinɛ 15:3

kaŋ leŋ aŋleŋ ŋa Mosis ȧŋbɔy ŋa Kuru, dɛ yi aŋleŋ ŋa kaLɔmɛ kəfɛth, kaŋ pa, Mayɔs ma mu mə yi məbana dɛ yi məkabanɛ ɔMarki Kuru ka afɔsɔ bɛ; asoŋ ta mu tə yi təlompi yi təteŋ, munɔ ɔBȧy ka ɛyamana.

Kȧŋȧibinɛ 17:14

Aŋ tə tim kaLɔmɛ kəfɛth, kɛrɛ kaLɔmɛ kəfɛth ɔ tə tham ŋa; kotȧy-e kɔnɔ yi ɔMarki ka amarki, dɛ yi ɔBȧy ka abȧy; ɔwa ŋaŋ sɔ aŋa tȧŋ kɔ, aŋ tə tham dɛ yi kɔn, ȧtesoma-e aŋ yi atela, yi athith, dɛ yi abɔthi lanɛ.

Kȧŋȧibinɛ 19:7

Maŋ yasanɛ nu rə kəsel məbɔnɛ məthasər. Ɔwa maŋ sɔŋ kɔ nu ayiki, ȧtesoma-e kanantə ka kaLɔmɛ kəfɛth kə po bek, ka ɔbɛra ufath ɔ po bɛnɛnɛ.

Kȧŋȧibinɛ 19:9

kɔ kanɛ mi, Gbal ȧte, Afəm ŋa aruba ŋaŋ, aŋa a tela ka ȧmet ma kȧnȧntȧnɛ ka kȧLɔmɛ kəfɛth. Kɔ pa sɔ do rɔmi, hɔ, Ȧsim atəteŋ ta Kuru, ti ȧte.

Kȧŋȧibinɛ 21:14

Ka anthatha ŋa kȧpet aŋ ba mətəmər tɔfɔt mȧrəŋ ro a gbal ames ma aŋsom tɔfɔt ŋarəŋ ŋa kaLɔmɛ kəfɛth ka Kuru.

Kȧŋȧibinɛ 21:27

Kɛrɛ tȧy tələs tə gbəli hɛ wɔŋ di thəbana, thalɔm ɔwe yi unɔkɔ, thalɔm uyem; kɛrɛ ŋaŋ gbo son aŋa ba ames maŋ ka ȧkȧfȧ ka aŋesəm ka kaLɔmɛ kəfɛth.

Kȧŋȧibinɛ 21:9

Ka ukin ka aŋmȧleka tȧmthədɛrəŋ aŋa ba ɛbɔl tȧmthədɛrəŋ ya ɛfithina tȧmthədɛrəŋ ɛləpsɔ-e, ɔ kanɛ mi hɔ, Der anɔ kȧmȧ i tɔri mu ɔbɛra ufath ɔwe yi mɔ-e ɔrani ka kaLɔmɛ kəfɛth.

Kȧŋȧibinɛ 5:6

Ka i kəli, ɔwa kəlo, kətɔŋ ka kawaŋ ka rȧbȧy yi ɛwuka akəli ŋanlɛ, dɛ yi aŋbȧki-e, i nənk kaLɔmɛ kəfɛth ɔ təmȧ, ka pə bȧlȧnɛ mɔ a po fai kɔ sathka. Ɔwa ɔ ba ɛlɛn tȧmthədɛrəŋ, dɛ yi ɛfɔr tȧmthədɛrəŋ, ɔwa ɛye yi ɛyina tȧmthədɛrəŋ ya Kuru ɛyɛ a po somra ka ȧdȧru bɛ.

Kȧŋȧibinɛ 5:8

ɔwa ma ɔ po gbasi akafa-e, ɛwuka ŋanlɛ yi aŋbȧki kəgba ŋanlɛ aŋ fumpɔ rodi ka kȧLɔmɛ kəfɛth, ukin o kin ɔ ba agbulu, dɛ yi ɛlanka ya mȧbɔŋɔ ɛla ɛgboŋgbo ɛyɛ yi mɔ tȧramnɛ ta aŋsəm.

Kȧŋȧibinɛ 6:1

Ɔwa i nənk ma kaLɔmɛ kəfɛth ɔ sim ȧŋmȧthlɛ ȧtɔtɔkɔ, ka i təlȧ ukin ka ɛwuka akəli ŋanlɛ ɔ pa rə rim mɔ rɛŋ, Der kəli.

Kȧŋȧibinɛ 6:16

kaŋ pa ka tȧteŋ dɛ yi ka ɛgbalaŋ-e, Fumpər su kȧmȧ nə maŋk su ka ɛfɔr ya kɔn ɔwe yirȧ ka kawaŋ ka rȧbȧy, dɛ yi ka rabaŋ da kaLɔmɛ kəfɛth.

Kȧŋȧibinɛ 7:14

Ka i pa do rɔŋɔŋ, “Pa, munɔ tȧrȧ.” Kɔ kȧl kanɛ mi hɔ, “Aŋe-e, aŋ wur ka ansɔmpanɛ abana, kaŋ po yak ȧsuma taŋ, ɔwa aŋ po fethər ti ka mȧtir ma kaLɔmɛ kəfɛth.

Kȧŋȧibinɛ 7:17

Kotȧy-e kaLɔmɛ kəfɛth ɔwe təmȧ rodi ka kawaŋ ka rȧbȧy ɔ tə yi utɔl ka ŋaŋ, ɔ tə kɔtha ŋa ka təfɔr ta mȧnt ma aŋesəm; ɔwa Kuru ɔ tə nasi ȧmȧntər bɛ ka ɛfɔr yaŋ.”