Yɔn 1:14 - Ȧŋlemrȧnɛ Ȧfu

¹⁴ Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 1:14 ပူးပေါင်းရင်းမြစ်များ

Mathiu 1:16

ka Yekɔbȧŋ ɔ kom Yosɛf ɔwos ka Meri ɔwe kom Yisɔsȧŋ, ɔwe a bont Krayst.

Luk 2:11

kotȧy-e a po koma nu thonɔŋ ka kȧpet ka Debid uKisis ɔwe yi Krayst ɔMarki.

Luk 2:7

Ɔwa ɔ kom ɔwan kɔŋ utɔtɔkɔ uruni, kɔ rapər kɔ totha təbɔli, ɔ bot kɔ dɛr ro mə a bot ɛdi ya ɛsɛm, ma aseth ayiyanɛ alɔm aŋ te sɔ yi ta ȧtȧ ŋaŋ-e.

Luk 9:32

Kɛrɛ mərey mə bȧk Pitaŋ yi aŋa yi yi kɔnɔ; kɛrɛ maŋ po thəmɛ-e, aŋ nənk aŋyiki ŋɔŋ yi aŋfəm ŋarəŋ aŋa təmȧ yi kɔnɔŋ-e.

Yɔn 1:1

Ka ɔtəpɛr Ȧrim rə yi, ɔwa Ȧrim rə yi rɛ Kuru, ɔwa Ȧrim rə yi Kuru.

Yɔn 11:40

Yisɔsȧŋ ɔ pa ro ŋɔŋ, I kanɛ hɛ mu naŋ kəpa, bepi mə lanɛ mə tə nənk aŋyiki ŋa Kuru-i?

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 14:9

Yisɔsȧŋ ɔ pa ro ŋɔŋ, Filip, ma i po yi alɔkɔ awoni ro nu, mə tha tɛ hɛ mi-i? Wuni o wuni ɔwe po nənk mi ɔ po nənk ɔKas sɔ: to munɔ mə pa-e, Tɔri su ɔKas-e?

Yɔn 17:22

Aŋyiki aŋa mə po sɔŋ mi, i po sɔŋ ŋa ŋi, kȧmȧ aŋ ba ȧmerȧ ŋin, mɔ mə saŋ sə ba ȧmerȧ ŋin;

Yɔn 17:24

Pa, aŋfəm aŋa mə po sɔŋ mi, i yema kȧmȧ ŋaŋ sɔ aŋ yi ro minɛŋ i yi; kȧmȧ aŋ nənk aŋyiki a mi aŋa mə po sɔŋ mi: ȧtesoma-e mə bɔthər mi yeŋka a bot ɔtəmər wa ȧdȧru.

Yɔn 18:37

Payletȧŋ pa ro ŋɔŋ, Mə yi mən ubai-i? Yisɔsȧŋ ɔ pa Aŋko, mə pa tȧteŋ, i yi ubȧy. Ta ȧte tə a kom mi, ɔwa ta ȧŋsabu aŋe tə i der ka ȧdȧru, kȧmȧ i gbaki ta tȧteŋ. Wuni o wuni ɔwe yi ka tȧteŋ ɔ təl ȧrim ra mi.

Yɔn 2:11

Aŋe ŋa yi aŋtɔtɔkɔ ka ɛmisali ɛyɛ Yisɔs ɔ yɔ, ɔwa ɔ yɔ ŋi ro Kena ake ro Kalili, ɔ tɔri aŋyiki ŋɔŋ, ɔwa aŋkarande ŋɔŋ aŋ lanɛ kɔ.

Yɔn 3:16

Ȧtesoma-e ya Kurɔŋ ɔ bɔthər ȧdȧru, haŋ ɔ sɔnd ɔWan kɔŋ ɔ kom gbo son, kȧmȧ wuni o wuni ɔwe lanɛ kɔ ɔ te dinɛ, kɛrɛ ɔ sɔthɔ aŋesəm thəbana.

Yɔn 3:18

Ɔwe mə lanɛ kɔ-e ɔ sɔthɔ hɛ mətheri, kɛrɛ ɔwe te lanɛ kɔ-e, a po kɔ sɔŋ mətheri, pəkasifɛ ɔ tha lanɛ hɛ ka ȧŋes ŋa ɔWan ka Kuru ɔ kom gbo son.

Yɔn 6:51

Minɛ yi kabo kəkəli ȧke wur ro riyana; bepi wuni o wuni ɔ di kabo ake, ɔ tə kəli thəbana: ɔwa kabo ȧke mə i sɔŋ kə yi aŋdɛr a mi, ta aŋesəm ŋa ȧdȧru.

Yɔn 8:32

ɔwa nə tə tȧrȧ tȧteŋ, ɔwa tȧteŋ tə tə yɔ nu nə yi awuth akom.

Mȧyɔs ma aŋsom 13:33

kəpa Kuru ɔ po lasər ŋi ka aŋwuth a su ma ɔ yokas Yisɔsȧŋ; mɔ mə a gbal ti sɔ ka ȧŋSam aŋa bekȧ yɛrəŋ, Munɔ mə yi ɔWan kȧmi uruni; ka ȧŋrey aŋe kə i kom mu.

AŋRomans 8:3

kotȧy-e ȧtȧ ȧŋthɔ aŋ te gbəli yɔ, maŋ yi ayay asabu ŋa madɛr-e, Kuru ɔ yɔ ti ma ɔ somra ɔWan kɔŋ ka mȧbȧlȧnɛ ma ȧŋdɛr ŋa wuni ka ahakɛ-e, tə kəyi sathka ta salata ahakɛ, kɔ ŋapas ahakɛ ka madɛr;

AŋRomans 9:5

Ŋa ba aŋkas, ɔwa ŋa ba sɔ ɔKrayst kətȧŋȧnɛ ka rawuni kəpet, ɔwe yi rokɔm ka bɛ, uruba wɔŋ ka Kuru thəbana. Amina.

1 AŋKɔrenth 15:47

Ɔwuni utɔtɔkɔ ɔ wur ka ȧŋthɔf, wuni ka kəbof wɔŋ; kɛrɛ ɔwe bekȧ ŋarəŋ ɔ yi ɔMarki ɔwe wur ro riyana.

2 AŋKɔrenth 12:9

Kɛrɛ ɔ pa ro rɔmi, ȧŋboŋa a mi aŋ yi abeki mu, kotȧy-e aŋfɔsɔ a mi aŋ yi agbenthis ka mȧrȧnt. Tiyȧŋ pə bɔnɛ mi tə kəkolonɛ ka mȧrȧnt ma mi, kȧmȧ aŋfɔsɔ ŋa Kraystȧŋ aŋ rensa mi.

AŋKȧletia 4:4

kɛrɛ ma ɔlasər wa ȧŋlɔkɔ aŋ poŋ bek-e, Kuru ɔ som ɔWan kɔŋ ɔwe wuni bom ɔ kom-e, ɔwa a kȧl kom kɔ ka ȧŋthɔ ratha-e,

AŋƐfisɔs 3:8

Do rɔmi-e, ɔwe yi uyay thɔŋ bɛ ka aŋsəm-e, a maŋkər ȧŋboŋa aŋe kȧmȧ i kawandi ka tȧbona təlɔm rayola rəninis ra Krayst,

AŋKɔlɔsi 1:19

kotȧy-e, pə bɔnɛ ɔKas kȧmȧ ɔlasər ɔlolok wa rawuni ra Kuru ɔ gbəli yianɛ do rɔŋɔŋ.

AŋKɔlɔsi 2:3

ma pə yi a maŋk do rɔŋɔŋ atɛŋ ta kȧtemp dɛ yi kȧtara tȧy bɛ.

AŋKɔlɔsi 2:9

kotȧy-e do rɔŋɔŋ ɔlasər wa Kuru Məsaba bɛ ɔ bȧkər.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

AŋHibru 1:3

ɔWan ɔwe kɔnɔ yi ɔgbɛntha wa aŋyiki ŋa Kuru-e, dɛ yi mȧbȧlȧnɛ gbeŋ ma rawuni ra Kuru rɔŋ, ɔwa kɔnɔ mə bȧksər tȧy o tȧy ka ȧrim ra aŋfɔsɔ ŋɔŋ. ƆWan ɔwe, ma ɔ po fethər su kəwur ka ɛhakɛ ɛ su-e, ɔ yirȧ ka kȧta kədiɔ ka aŋyiki ŋa Kuru rokɔm.

AŋHibru 1:5

kotȧy-e ka wurɔ ureke Kuru ɔ fɔf thȧnkȧŋ sim təwunɔŋ kəpa, Munɔ mə yi ɔWan kȧmi, thonɔŋ i po kom mu-e? Thalɔm, I ti yi ro rɔŋɔŋ uKas, ɔwa kɔnɔ ɔ tə yi ɔWan ka mi-e?

AŋHibru 10:5

Tiyȧŋ ma ɔ der ka ȧdȧru, ɔ pa, Sathka dɛ yi aboya mə fela hɛ, Kɛrɛ mə bɛnɛnɛ adɛr ta ȧtȧ mi.

AŋHibru 2:11

kotȧy-e ɔwe səməs yi ŋaŋ aŋa ɔ səməs-e, aŋ ba ɔKas kin; tiyȧŋ ɔ lap hɛ tə kəbont ŋa awɔnt,

AŋHibru 5:5

Ɔwa ya pə yi sɔ-e, Kraystȧŋ kɔnɔ thithanɛ hɛ matəma ma kasəki ufode ubana; kɛrɛ ɔwe kanɛ kɔ, Munɔ mə yi ɔWan kȧmi, Thonɔŋ i po kom mu. Kɔnɔ thith kɔ.

1 Yɔn 4:14

Ɔwa saŋ sə po nənk ka sə seri ti kəpa ɔKas ɔ po somra ɔWan tə kəyi ɔKisis ka ȧdȧru.

1 Yɔn 4:9

Ka ȧte mabɔthər ma Kuru mə tɔrinɛ ro rɔsu, ma ɔ somra ɔWan kɔŋ ɔ kom gbo son ka ȧdȧru, kȧmȧ sə ŋesəm ro ŋɔŋ.

2 Yɔn 1:7

kotȧy-e afəm ayaŋfa agbȧthi aŋ po wɔŋ ka ȧdȧru, hali ŋaŋ aŋa te gbithanɛ kəpa Yisɔs Krayst ɔ po der ka madɛr. Ɔwe ɔ yi uyaŋfa yi ukraist uyem.

Kȧŋȧibinɛ 19:13

kɔ lopra ruma ara a po wɔnsir mətir; ɔwa ȧŋes ŋɔŋ nə yi ȧRim ra Kuru.

Kȧŋȧibinɛ 21:3

Ka i təlȧ sɔ rim rəbana ara wur ka kawaŋ ka rȧbȧy, rə pa, Kəla, ɔyirȧ wa Kuru ɔ yi rɛ afəm a kəpet, ɔwa ɔ tə yirȧ kətɔŋ ka ŋaŋ-e, ɔwa aŋ tə yi aŋfəm ŋɔŋ, ka Kuru kɔn kɔnɔnɛ ɔ tə yi rɛ ŋaŋ, ɔwa ɔ tə yi ɔKuru ka ŋaŋ gbeŋ.