AŋƐfisɔs 6:21 - Ȧŋlemrȧnɛ Ȧfu

²¹ Kɛrɛ kȧmȧ naŋ sɔ nə gbəli tȧrȧ mȧtȧy ma mi dɛ yi ȧtȧ i yɔ-e, Tikikɔs ɔwɔnt ubɔthər dɛ yi ubɔthi lanɛ ka ɔMarki, ɔ tə tɔri nu mȧtȧy bɛ.

AŋƐfisɔs 6:21 ပူးပေါင်းရင်းမြစ်များ

Mȧyɔs ma aŋsom 20:4

Ɔwa Sopita ɔwe ro Beriya, Aristarkɔs yi Sɛkɔndɔs ŋa ro Thɛsalonika, Kayɔs ɔwe ro Dabi, yi Timɔthi-əŋ, dɛ yi Tikikɔs yi Trofimɔs ŋa ro Asia sɔ aŋ paya kɔ.

1 AŋKɔrenth 4:17

Te ba ti i som Timɔthi ro rɔnu-e, ɔwe yi ɔwan kȧmi ubɔthər, rɛ yi ubɔthi lanɛ ka ɔMarki, ɔwe ba kəkala ɛmerȧ ɛ nu ka asoŋ ta mi ȧtȧ yi ka Krayst, mɔ mə i thəksa dɛr o dɛr ka aseth o seth aramnɛ.

AŋFilipai 1:12

Kɛrɛ awɔnt, i yema kȧmȧ nə tȧrȧ kəpa mȧtȧy ama po sɔmpa mi mə po səkɛ kəmar kȧmȧ ȧkɛra kəfinɔ ka Kuru kə bȧsər kɔ rodi,

AŋKɔlɔsi 1:7

mɔ mȧ nə po thəkəs ka Ɛpafras, ȧbɔy ukos a su ubɔthər. Kɔnɔ yi uyɔ məpanth ubɔthi lanɛ ka ɔMarki ta ȧtȧ su.

1 Timɔthi 4:6

Bepi mə tɔri mȧtȧy ame ka aŋwɔnt-e, mə tə yi ȧbɔy ŋa Yisɔs Krayst ubɔthi lanɛ, urusəm ka ȧsim ta kȧlanɛ yi ka mathəksa ma ȧkɛra kəfinɔ ȧke mə poŋ thɔŋ wop.

2 Timɔthi 4:12

I po somra Tikikɔs ro Ɛfisɔs.

Taytɔs 3:12

Ma i somra Artimɔs thalɔm Tikikɔs ro rɔmu-e, mɛm tə kəder ro rɔmi ro Nikapɔlis, kotȧy-e i po botəs tə kəyira ri ka ȧŋlɔkɔ ŋa ɔtaŋk.

Faylimɔn 1:16

pə yi hɛ mɔ utar sɔ-e, kɛrɛ pəthasi utar, mɔ uwɔnt ubɔthər ta ȧtȧ mi gbeŋ, kɛrɛ pə tha gbethi ta ȧtȧ mu, uwɔnt wɔŋ ka rawuni kəpet dɛ yi ka ɔMarki.

1 Pitar 5:12

I somra ȧŋreka agbut aŋe ka kȧta ka Silfenɔs, ɔwɔnt su ubɔthi lanɛ, tə kəbaksər tabuth ta nu, yi tə kəseri kəpa ȧtȧ i po tɔri nu tə yi ȧŋboŋa atəteŋ ŋa Kuru. Təmȧ ri ɔbaksər.

2 Pitar 3:15

Ɔwa tȧrȧ nu kəpa kamuyu kəwoni ka ɔMarki kə yi kəkisi; hali mɔ mə Pɔlȧŋ, ɔwɔnt ubɔthər ɔ po gbalər nu ka kȧtemp ȧke a po sɔŋ kɔ.