AŋƐfisɔs 5:23 - Ȧŋlemrȧnɛ Ȧfu

²³ ȧtesoma-e ɔwos ɔ yi rȧbomp ra ɔrani, hali mɔ Krayst ɔ yi rȧbomp ra aŋchɔch, pə yi mɔ-e, ȧŋdɛr ŋɔŋ. Ɔwa kɔnɔ gbeŋ ɔ yi ɔKisis kati.

AŋƐfisɔs 5:23 ပူးပေါင်းရင်းမြစ်များ

Mȧyɔs ma aŋsom 20:28

Tiyȧŋ botnɛ nu, ɔwa kȧl tȧmtȧmnɛ ta akuthi bɛ ka aŋa ɔYina məsəm ɔ po bot nu aŋkəlɛnɛ-e, kȧmȧ nə wɔnthər aŋchɔch ŋa ɔMarki aŋa ɔ po wai ka mȧtir mɔŋ gbeŋ.

1 AŋKɔrenth 6:13

Ɛyɛt ɛdi ɛ yi ta akor, ɔwa akor kə yi ta ɛyɛt ɛdi; kɛrɛ Kuru ɔ tə yɔ yi bɛ ɛ tiyȧ fu. A bɛmpa hɛ ȧŋdɛr ta kərəp, a bɛmpa ŋi ta ɔMarki; dɛ yi ɔMarki ta ȧŋdɛr.

AŋƐfisɔs 4:15

Kɛrɛ sə yi tə kəfɔf tȧteŋ ka məbɔthər, kȧmȧ sə tɛŋa do rɔŋɔŋ ka mȧtȧy bɛ, ɔwe yi rȧbomp ra su, Krayst kɔn kɔnɔnɛ.

AŋƐfisɔs 5:24

Ɔwa mɔ mȧ aŋchɔch aŋ sanɛ ka Kraystȧŋ, yaŋ arani aŋ yi tə kəyɔ ka aŋwos ŋaŋ rə tȧy o tȧy.

AŋKɔlɔsi 1:18

Kɔnɔ yi rȧbomp ra ȧŋdɛr, pə yi mɔ aŋchɔch. Kɔnɔ yi ɔtəpɛr sɔ, dɛ yi ɔWan utɔtɔkɔ kəwur kətɔŋ ka aŋfi, kȧmȧ pə gbəli yi rə tȧy o tȧy ɔ ba matəma mətɔtɔkɔ.

1 AŋThɛsȧlonika 1:10

dɛ yi tə kəkar ɔWan kɔŋ kəwur ro riana-e, ɔwe ɔ po yokas ka rafi, pə yi mɔ-e Yisɔs ɔwe po kisis su ka rabaŋ ara ba kəder.

Kȧŋȧibinɛ 19:7

Maŋ yasanɛ nu rə kəsel məbɔnɛ məthasər. Ɔwa maŋ sɔŋ kɔ nu ayiki, ȧtesoma-e kanantə ka kaLɔmɛ kəfɛth kə po bek, ka ɔbɛra ufath ɔ po bɛnɛnɛ.

Kȧŋȧibinɛ 5:9

kaŋ leŋ aleŋ afu, kəpa, Munɔ mə yi ubeki tə kəgbasi ȧkȧfȧ, yi tə kəsim ɛmȧthlɛ; kotȧy-e a po fai mu sathka, ɔwa mə po bani afəm ka Kuru kətȧŋȧnɛ ka mȧtir ma mu, pə yi mɔ-e afəm kəwur kətɔŋ ka təkomra, yi tənt, yi afəm, yi təbona bɛ.