AŋƐfisɔs 5:15 - Ȧŋlemrȧnɛ Ȧfu

¹⁵ Tiyȧŋ gbɛŋgbɛnɛ nu kəthɛgbɛ to mȧ nə kɔth-e, kȧmȧ pə te yi mɔ afəm apənk, kɛrɛ ta pə yi mɔ atempi.

AŋƐfisɔs 5:15 ပူးပေါင်းရင်းမြစ်များ

Mathiu 10:16

Kǝla, i som nu mɔ tǝlɔmɛ kǝtɔŋ ka tȧthɔlu. Tiyȧŋ, yi nu na atempi yereŋ mɔ ɛbok, ɔwa yi nu na athɔfǝl bɛm mɔ tǝpǝrǝm.

Mathiu 25:2

Antamath aŋ yi atempi, ɔwa aŋtamath aŋ yi apǝŋk,

Mathiu 27:24

Ka Pailatȧŋ ma ɔ nənk kǝpa ɔ gbǝli hɛ koko-e, kɛrɛ atotok aŋ tǝp kǝfumpɔ-e, ɔ gbasi mȧnt ɔ yak mȧta mɔŋ rodi ka ȧruniya bɛ, ɔ pa, Minɛ min paŋi tȧy ka mȧtir ma ɔwuni lompi ɔwe. Kǝlɛnɛ ti nu.

Mathiu 27:4

ɔ pa, I po yɔ ahakɛ pǝkasifɛ i po sɔnd mǝtir mǝpaŋi tȧy. Kɛrɛ ŋaŋ, aŋ pa, To ȧte tǝ yi ro rɔsu-e? Munɔ ba kǝkǝlȧnɛ ti.

Mathiu 8:4

Ka Yisɔsȧŋ ɔ pa ro rɔŋɔŋ, Botnɛ kȧmȧ mǝ te kanɛ ti wuni o wuni, kɛrɛ kɔnɛ mǝ tɔrinɛ ka aŋfode, kȧmȧ mǝ wurɔ asathka ȧte Mosisȧŋ ɔ yamari tǝ kǝyi mǝseri ro ŋaŋ.

Luk 24:25

Ka Yisɔs ɔ pa ro rɔŋaŋ, O naŋ apənk, nə ba ɛmerȧ ɛlel tə kəlanɛ bɛ ȧte aŋnabi aŋ po pa.

1 AŋKɔrenth 14:20

Awɔnt, te nu yi afɛth rə ȧmerȧ, kɛrɛ rə məgbɛŋanɛ yi nu təlɛnth; ɔwa ka kəsɔthnɛ yi nu mɔ afəm abȧki.

AŋKȧletia 3:1

O naŋ aKaletia aŋa te ba kətemp kəbeki-e, kanɛ serəs nu-e kȧmȧ nə te wop tȧteŋ, kədarəŋ ka a po tɔri nu gbafəth kəpa a po tȧŋ Krayst ka akənt kəpəŋkinɛ-e?

AŋKȧletia 3:3

Nə yi ȧte ba kətemp haŋ-i? Ma nə təp ka ɔYina nə gbəli yi agbenthis kətaŋ ka mȧyɔs ma mȧdɛr-i?

AŋƐfisɔs 5:2

Kɔth nu ka məbɔthər mɔ Krayst sɔ ɔ po bɔthər su, kɔ sɔndnɛ ta ȧtȧ su sathka dɛ yi aboya ŋa abɔnt afɔlfɔl ka Kuru.

AŋƐfisɔs 5:33

Kɛrɛ ta ɔruni o runi ɔ bɔthər ɔrani kɔŋ mɔ mɔ bɔthərnɛ; ɔwa ɔrani ɔ yi sɔ tə kəyikis ɔwos kɔŋ.

AŋFilipai 1:27

Kɛrɛ yɔ nu kȧmȧ mȧyɔs ma nu mə yi məgbɛt ta ȧkɛra kəfinɔ ka Kraystȧŋ; kȧmȧ pə yi-e, bepi i der kori nu, thalɔm i bəpər hɛ, i gbəli təl ta mȧyɔs ma nu, kəpa nə təmȧ kəŋkəŋ ka mȧyi min dɛ yi ȧmerȧ ŋin tə kətim ta kȧlanɛ ka ȧkɛra kəfinɔ ka Kuru.

AŋKɔlɔsi 1:9

Ȧtesoma-e saŋ sɔ, kȧbi ka ȧŋrey aŋa sə po təl ti-e, sə tey hɛ bɛ tə kəramnɛ dɛ yi kənɛmthɛnɛ ta ȧtȧ nu, kaŋka nə la yi kȧtȧrȧ ka mȧselɔ mɔŋ, rə kətemp dɛ yi kətara tȧy bɛ rə ɔYina.

AŋKɔlɔsi 4:5

Kɔth nu rə kətemp rodi ka ŋaŋ aŋa te lanɛ, ɔwa botnɛ nu to mə nə kianɛ ȧŋlɔkɔ.

1 AŋThɛsȧlonika 5:15

Kəli ti nu kȧmȧ wuni o wuni ɔ te kala tələs ta tələs; kɛrɛ tȧŋ nu mȧtȧy məfinɔ lɔkɔ o lɔkɔ ukin ka ulɔm, dɛ yi ka afəm bɛ.

1 Timɔthi 6:9

Kɛrɛ afəm aŋa fela rəyola aŋ tə fumpɔ ka agbɔns yi məgbət, yi ka ɛfela ɛləs ɛgbathi ɛyɛ mə kera afəm ka kadinɛ.

AŋHibru 12:25

Bumnɛ nu kȧmȧ nə te pɛnsa ɔwe mə fɔf. Kotȧy-e bepi aŋbȧki a su aŋ pamp hɛ kəwur ka anthalər maŋ pɛnsa kɔn ɔwe fɔf nɔru-e, to saŋ mə sə gbəli kisi bepi sə su hɛ kɔ ɛləns ɔwe fɔf kəwur ro riyana-e?

Yeməs 3:13

Kanɛ yi utempi yi utara tȧy kətɔŋ ka nu-e? Ta ɔ tɔri ti ka ŋesəm alompi, yi ka məyɔs mətempi rə ȧmerȧ athoranɛ.

1 Pitar 1:22

Ɔwa ma nə poŋ thɔŋ gbəransnɛ rə kəsanɛ ka tȧteŋ kəkɔ rə məbɔthər məgbenthis mȧ rȧwɔnt, kətȧŋ ka ɔYina məsəm, kəli nu kȧmȧ nə bɔthərȧnɛ asɔbɛ rə ȧmerȧ ȧferȧ,

Kȧŋȧibinɛ 19:10

Ka i sanɛ ka ȧtatək tɔŋ tə kəbatho kɔ, kɛrɛ ɔ pa, Te yɔ yi, minɛŋ sɔ i yi ukos mu ȧbɔy, dɛ yi ukos ka aŋwɔnt mu aŋa ba maseri ma Yisɔs. Bȧtho Kuru, kotȧy-e maseri ma Yisɔs mə yi aŋyina ŋa kanabi.