1 Te ba ti, tansanɛ Kuru mɔ afɛth abɔthər.
kȧmȧ nǝ yi aŋwuth ŋa ɔKas ka nu ɔwe yi ro riyana. Kotȧy-e ɔ yɔ aret rɔŋ rǝ putǝr ka aŋlǝs yi ka aŋfinɔ, ɔ somra akɔm ka aŋlompi yi ka aŋkǝnȧ.
Tiyȧŋ yi nu agbenthis mɔ mǝ ɔKas ka nu ɔwe yi ro riyana ɔ yi ugbenthis.
Kɛrɛ ŋa bɛ aŋa malanɛ kɔ-e, ɔ sɔŋ ŋa mamari tə kəsəkɛ awuth ŋa Kuru, hali ŋaŋ aŋa lanɛ ka ȧŋes ŋɔŋ:
ɔwa ba nu məthɔth dɛ yi ȧney ɔkin ka ulɔm; tera nu ukin dɛ yi ulɔm mɔlɔ min mɔ mə Kuru ɔ poŋ tera nu salata Krayst.
kȧmȧ nə gbəli yi apaŋi tȧy, kəte ba məthɛkɛ, mɔ aŋwuth ŋa Kuru aŋa te ba apora kətɔŋ ka rəkomra rəgbərəfanɛ dɛ yi rəkənɛ-e, ɔwa nə yi tə kəgbɛntha kətɔŋ ka ŋaŋ mɔ ɛmothȧ nɔru.
Te ba ti, mɔ anthith ŋa Kuru, asəm dɛ yi abɔthər-e, wɔŋ nu ȧŋmerȧ ŋa ȧney, məthɔth, ȧmerȧ athoranɛ, athɔfəl, dɛ yi kəmuyu kəwoni.
Abɔthər, bepi Kuru ɔ bɔthər su yaŋ, saŋ sɔ sə yi tə kəbɔthəranɛ.
