AŋƐfisɔs 4:29 - Ȧŋlemrȧnɛ Ȧfu

²⁹ Te nu selɔ rim o rim rələs rə wur ka tasəŋ ta nu, kɛrɛ fɔf gbo sim təfinɔ ȧtȧ mə yi təbeki tə kəsɔŋ aboŋa ka ŋaŋ aŋa mə təl.

AŋƐfisɔs 4:29 ပူးပေါင်းရင်းမြစ်များ

Mathiu 5:16

Yɔ nu kȧmȧ ȧŋmothȧ a nu aŋ gbɛntha rodi ka aŋfǝm, kȧmȧ aŋ nənk mȧyɔs ma nu mǝfinɔ, ɔwa aŋ yikis ɔKas ka nu ɔwe yi ro riyana.

Luk 4:22

Ɔwa aŋfəm bɛ aŋa bəpər-e, aŋ fɔf finɔ ta atɔŋ, ɔwa aŋ kabanɛ ta ȧsim təfinɔ ȧte wur ka kȧsəŋ kɔŋ; aŋ yif, Ɔwan uruni ka Yosɛf kɔn thahɔ ɔwe-i?

Yɔn 1:37

Ɔwa aŋkarande ŋarəŋ aŋ təl ma ɔ fɔf, kaŋ tȧŋ Yisɔsȧŋ.

AŋRomans 14:19

Tiyȧŋ maŋ taŋanɛ nu mȧtȧy ama mə sɔŋ məthɔfəl, yi mȧtȧy ama mə tempəs ukin yi ulɔmȧŋ.

AŋRomans 15:2

Ta kin o kin kȧsu ɔ thesis ɔfatanɛ kɔŋ ta ȧtȧ yi təfinɔ tə kətempəs kɔ.

1 AŋKɔrenth 14:19

Kɛrɛ kətɔŋ ka aŋchɔch i tha fela tə kəfɔf sim tamath rɛ yi kȧtȧrȧ kȧmi kȧmȧ i gbəli thəksa alɔm sɔ-e, pəthas sim ɛwul tɔfɔt rə kənt kətel.

AŋƐfisɔs 4:12

salata kagbenthis ka aŋsəm, ta mapanth ma kəbatho dɛ yi tə kəbaksər ȧŋdɛr ŋa Krayst.

AŋƐfisɔs 4:16

Ɔwa kəwur do rɔŋɔŋ ȧŋdɛr bɛ aŋ gbɛptanɛ ka matɔsanɛ ma akotir o kotir kati mɔlɔ ma mapanth məmari mati mə yi-e, kaŋ bȧk dɛ yi aŋ bȧrnɛ ka mȧbɔthər.

AŋKɔlɔsi 4:6

Yɔ kȧmȧ mafɔf ma nu mə yi rə aboŋa mɔ mə a bɔthəs rəka rɛ mɛr lɔkɔ o lɔkɔ, kȧmȧ nə tȧrȧ to mə nə yi tə kəgbaki wuni o wuni.

1 AŋThɛsȧlonika 5:11

Tiyȧŋ maŋanɛ nu, ɔwa bȧkəsȧnɛ nu mɔ mə nə tɛntɛ kəyɔ.

1 Pitar 2:12

Kɔth nu ɔlompi kətɔŋ ka tȧbona təlɔm kȧmȧ pə yi, hali aŋ tɛntɛ bont nu afəm aləs-e, maŋ nənk mȧyɔs ma nu məfinɔ, ka ȧŋrey ŋa asɔmpanɛ aŋ tə yikis Kuru Məsaba.

1 Pitar 3:1

Ya pə yi sɔ naŋ arani sanɛ nu ka aŋwos a nu gbeŋ, kȧmȧ pə yi-e, bepi alɔm aŋ wop hɛ ȧrim ra Kuru-e, aŋ tə lafthɛ, kəte ba ȧrim salata mafinɔ ma aŋrani ŋaŋ;

2 Pitar 2:18

kotȧy-e ka kafɔf kəkolonɛ ka ŋaŋ aŋ gbɔns ka mafela ma madɛr, yi ka maləs maŋ tə kəsapəranɛ ŋaŋ aŋa yema po wur ka aŋfɔsɔ ŋa afəm ayɛthȧ.