AŋƐfisɔs 4:25 - Ȧŋlemrȧnɛ Ȧfu

²⁵ Tiyȧŋ gbapɛ nu rəyem, ɔwa ta wuni o wuni ɔ fɔf tȧteŋ ka ɔfatanɛ kɔŋ; ȧtesoma-e sə yi məlaŋktha ukin ka ulɔm.

AŋƐfisɔs 4:25 ပူးပေါင်းရင်းမြစ်များ

Yɔn 8:44

Nia nə yi ka ɔkas ka nu Sethani, ɔwa ɛfela ya ɔkas ka nu yɛ nə yema yɔ. Ɔ yi udif kȧbi ka katəp, ɔ təmȧ hɛ ka tȧteŋ, pəkasifɛ tȧteŋ tə yi hɛ ro ŋɔŋ. Ma ɔ fɔf rəyem-e, ɔ fɔf ta atɔŋ: ȧtesoma-e uyem wɔŋ, yi ɔkas kati.

AŋRomans 12:5

yaŋ sɔ saŋ, hali sə yi sa agbȧthi, sə yi adɛr ŋin rokor ka Krayst, ɔwa kin o kin ɔ yi alaŋktha ŋin ta alɔm.

1 AŋKɔrenth 10:17

Ɔwa mɔ mȧ kabo kə yi kin-e, saŋ sɔ hali ma sə yi sa agbȧthi-e, sə yi adɛr ŋin. Kotȧy-e saŋ bɛ sə po yeranɛ ka kabo kin kati.

2 AŋKɔrenth 7:14

kotȧy-e bepi i gbək ɛyonka ta salata nu do rɔŋɔŋ-e, i ba hɛ ti məlap; kȧbi ma mə sə po fɔf tȧy o tȧy ro rɔnu ka tȧteŋ, yaŋ sɔ a fir kagbək kȧsu ɛyonka rodi ka Taytɔs kə yi tȧteŋ.

AŋƐfisɔs 4:15

Kɛrɛ sə yi tə kəfɔf tȧteŋ ka məbɔthər, kȧmȧ sə tɛŋa do rɔŋɔŋ ka mȧtȧy bɛ, ɔwe yi rȧbomp ra su, Krayst kɔn kɔnɔnɛ.

AŋƐfisɔs 4:22

Kama nə bus aruma ra rawuni kur yi matanɛ ma nu thəpaŋ ara mə bȧr gbo ləsərnɛ ka ɛmilɛ ɛyaŋfa.

AŋƐfisɔs 4:31

Gbapɛ nu ȧmerȧ aroŋkəth-e, rəbaŋ-e, məthɛkɛ-e, kəthoŋka thoŋka dɛ yi ȧmerȧ aləs tətəp bɛ,

AŋƐfisɔs 5:30

Pəkasifɛ sə yi malaŋktha ma ȧŋdɛr ŋɔŋ.

AŋKɔlɔsi 3:8

kɛrɛ ka-ake gbapɛ nu mȧyɔs ame bɛ; rȧbaŋ-o, kȧbansa-o, ɛnanɛ ɛləs-o, kȧfɔf ȧŋes ŋa Kuru yȧ yay-o, yi ɛfɔf ɛnɔkɔ kəwur ka tasəŋ ta nu.

AŋKɔlɔsi 3:9

Te nu yemsanɛ, ma nə po bus ɔwuni kur yi mȧyɔs mɔŋ,

1 Timɔthi 1:10

ta arəpi, ta ŋaŋ aŋa yɔ aŋhakɛ ŋa aŋSɔdɔm-e, ta anthila afəm-e, ta ayem dɛ ta aŋa mə sɔŋ məseri ma rəyem-e, yi ta tȧy o tȧy ȧtȧ mə pɛnsa tȧteŋ;

1 Timɔthi 4:2

ta salata tȧyem ta aŋfəm abaŋ dəbuth, aŋa pəyi a ləsər aŋsɔŋ ŋaŋ yi afat asȧnk.

Taytɔs 1:12

Ukin ka ŋaŋ, hali unabi ka ȧŋbona ŋaŋ gbeŋ, ɔ pa hɔ, AŋKrit aŋ yi ayem lɔkɔ o lɔkɔ, aŋ yi mɔ-e təsɛm təbaŋ, afəm awɔnthi ayay ŋaŋ.

Taytɔs 1:2

Ka kagbak ȧmerȧ ka aŋesəm thəbana, ȧke Kuru-e, ɔwe gbəli hɛ yema, ɔ po lahiri kȧbi ka ɔtəpɛr wa ȧdȧru;

AŋHibru 12:1

Tiyȧŋ ma ayama abana ŋa məseri aŋ kampər su yaŋ-e, maŋ gbapɛ nu koko ara mə bɛnt su, dɛ yi aŋhakɛ aŋa mə thiŋkər su katkat, ɔwa maŋ gbukɛ nu rə kəmuyu kȧgbȧkȧnɛ ȧke mə a bot rodi kȧsu.

Yeməs 1:21

Tiyȧŋ gbapɛ nu mȧnɔkɔ yi məthasərnɛ ma mələs bɛ, ɔwa rə ȧmerȧ athoranɛ malanɛ nu ȧrim ara a tɛpər nu-e, ara gbəli kisis rafəm ra nu.

1 Pitar 2:1

Tiyȧŋ gbapɛ nu məgbɛŋanɛ, yi akansoŋ, yi ɛpa ɛkȧrȧfu kȧrȧfu, yi kətut, dɛ yi kəforthȧnɛ bɛ;

Kȧŋȧibinɛ 21:8

Kɛrɛ ŋaŋ aŋa ba rənes yi ante lanɛ, dɛ yi aŋləs-e, yi ŋaŋ aŋa dif kəsias-e, yi aŋfəm arəpi, dɛ yi anthupəs-e, yi ŋaŋ aŋa ramnɛ ɛyɛt ɛbumərnɛ, dɛ yi afəm ayem bɛ-e, aŋ tə ba ɛgbap yaŋ ka ȧŋbonka ŋa nȧnt dɛ yi salfər. Rafi ara bekȧ mȧrəŋ, riyȧŋ.

Kȧŋȧibinɛ 22:15

Ȧtesoma-e, maȧən-o, aŋmɛn-o, aŋfəm arəpi-o, aŋfəm adif-o, ŋaŋ aŋa ramnɛ ɛyɛt ɛbumərnɛ-o, dɛ yi wuni o wuni ɔwe bɔthər rəyem-o, ama ɔwe fɔf rəyem, ŋa bɛ aŋ yi rokaŋ ka kȧpet.