AŋƐfisɔs 3:2 - Ȧŋlemrȧnɛ Ȧfu

² bepi nə po təl ta mapanth ma kəkɔtha ȧŋboŋa ŋa Kuru ama a maŋkər mi ta ȧtȧ nu-e;

AŋƐfisɔs 3:2 ပူးပေါင်းရင်းမြစ်များ

Mȧyɔs ma aŋsom 13:2

Ɔwa mɔ mə aŋ bȧtho ɔMarki, aŋ kȧl wop asum, ɔYina məsəm ɔ pa, Gbaski Banabasȧŋ yi Sɔlȧŋ ta ȧtȧ mi ta mapanth ama i tela ŋa.

Mȧyɔs ma aŋsom 13:46

Ka Pɔl yi Banabasȧŋ aŋ fɔf yi kəmintha, kaŋ pa, Pə ba kəyi kəpa a mɔtha tɔri nu ȧrim ra Kuru; kɛrɛ ma nə pɛnsa ri-e, nə gbək ti kəpa nə bek hɛ tə kəsɔthɔ aŋesəm thəbana-e, sə tə lafthɛ ka tȧbona təlɔm.

Mȧyɔs ma aŋsom 22:21

kɔ pa ro mi, Kɔnɛ, ȧtesoma-e i ti som mu ɔbɔli poŋ ka tȧbona təlɔm.

Mȧyɔs ma aŋsom 9:15

Kɛrɛ ɔMarki ɔ pa ro ŋɔŋ, Kɔnɛ, kotȧy-e ɔ yi rəka rəthith ta ȧtȧ mi, tə kəkera ȧŋes a mi rodi ka tȧbona təlɔm, yi abȧy, yi aŋwuth ŋa Isrɛl.

AŋRomans 1:5

Ka ɔwe sə po sɔthɔ aboŋa yi mapanth ma ɔsom tə kəyɔ afəm ŋa tȧbona bɛ aŋ sanɛ rə kəlanɛ salata ȧŋes ŋɔŋ.

AŋRomans 11:13

kotȧy-e i fɔfȧnɛ nu na tȧbona təlɔm pəkasifɛ minɛŋ i yi usom ka tȧbona təlɔm, ɔwa i kolo matəma ma mi;

AŋRomans 12:3

kotȧy-e, salata ȧŋboŋa aŋa a sɔŋ mi-e, i pa ka wuni o wuni ɔwe yi kətɔŋ ka nu, ta ɔ te nanɛnɛ pəthas ȧtȧ ɔ yi tə kənanɛ; ta ɔ nanɛ gbo rə ȧmerȧ akəthɛgbɛ, ukin o kin mɔ mȧ Kuru ɔ poŋ thuntha kɔ kȧlanɛ.

1 AŋKɔrenth 4:1

Nə yi tə kəkəli su mɔlɔ ma ɛbɔy ya Krayst aŋa mə kɔtha ɛgbundu ya Kuru.

AŋKȧletia 1:13

kotȧy-e nə po təl ta mayi ma mi thəpaŋ ka andina ŋa aŋYuda, kəpa pəthas alɔm bɛ i sɔmpar aŋfəm ŋa Kuru tə kələsər ŋa;

AŋƐfisɔs 1:10

Kȧmȧ pəyi, mȧ ȧŋlɔkɔ aŋ lasər-e, ɔ gbəli thonkla mȧtȧy bɛ rɔkin rokor ka Krayst, pə yi mȧtȧy ama yi ro riana-e, dɛ yi ama yi ka raru-e.

AŋƐfisɔs 3:7

A səki mi ȧbɔy ŋa ȧkɛra kati kətȧŋȧnɛ ka ȧŋboya ŋa ȧŋboŋa ŋa Kuru-e, aŋa a sɔŋ mi kətaŋ ka kagbəli ka aŋfɔsɔ ŋɔŋ.

AŋƐfisɔs 3:8

Do rɔmi-e, ɔwe yi uyay thɔŋ bɛ ka aŋsəm-e, a maŋkər ȧŋboŋa aŋe kȧmȧ i kawandi ka tȧbona təlɔm rayola rəninis ra Krayst,

AŋƐfisɔs 3:9

dɛ yi kȧmȧ i yɔ afəm bɛ aŋ nənk ko yi mabotəs ma aŋgbundu aŋa a po maŋk ka ȧŋmerȧ ŋa Kuru kȧbi ka ɔtəpɛr wa ȧdȧru, ɔwe po bɛmpa ɛyɛt bɛ ka Yisɔs Kraystȧŋ.

AŋƐfisɔs 4:21

bepi pə yi ti yathi kəpa nə po təlȧ kɔ, ka a po thəksa nu mɔ tȧteŋ tə yi rokor ka Yisɔsȧŋ.

AŋƐfisɔs 4:7

Kɛrɛ a sɔŋ su kin o kin aboŋa kətȧŋȧnɛ ka anthuntha ŋa ȧŋboya ŋa Krayst.

AŋKɔlɔsi 1:4

ma sə po təl ta kȧlanɛ ka nu ka Yisɔs Krayst, dɛ yi mabɔthər ama nə ba ta aŋsəm bɛ,

AŋKɔlɔsi 1:6

Ȧrim rati rə bek do rɔnu mɔ mȧ rə po yɔ ka ȧdȧru rəlolok bɛ. Ɔwa rə kȧl wurɔ ŋani mɔ mə rə yɔ do rɔnu kȧbi ka ȧŋrey ma nə mɔtha təl, ɔwa nə mɔtha tȧrȧ ȧŋboŋa ŋa Kuru təteŋ;

1 Timɔthi 1:11

ȧtȧ yi mɔlɔ min yi ȧkɛra kəfinɔ ka ɔKuru ka aruba, ȧke a po maŋkər ro rɔmi.

1 Timɔthi 1:4

Thalɔm kȧmȧ aŋ te sua ɛləns ka ɛmump yi ɛbȧrki ɛte ba ɔthalnɛ salata tȧkomra təbana, ɛyɛ mə kȧrȧ gbo məsɔkanɛ; beta ti, ta aŋ rusəm aŋfəm ka tȧteŋ yi ka ɛpa ya kȧlanɛ. Yaŋ mə yi tə kəyɔ.

1 Timɔthi 2:7

Ȧtesoma-e a po thith mi tə kəyi ukawandi yi usom, (i fɔf tȧteŋ ka Krayst, rəyem thahɔ); dɛ yi ukarmɔkɔ ka tȧbona təlɔm ka kȧlanɛ yi tȧteŋ.

2 Timɔthi 1:11

Ka a səki mi ugbay kawandi salata ȧkɛra kəfinɔ ka Kuru, yi usom, yi ukarmɔkɔ ka tȧbona təlɔm.