AŋƐfisɔs 1:20 - Ȧŋlemrȧnɛ Ȧfu

²⁰ ȧke ɔ yɔ ka ȧŋgbȧp ŋa Krayst, ma ɔ yokas kɔ ka rafi, kɔ yɔ kɔ ɔ yirȧ ka kȧdiyɔ kɔŋ ka ɔyira wa riyana,

AŋƐfisɔs 1:20 ပူးပေါင်းရင်းမြစ်များ

Mathiu 26:64

Ka Yisɔsȧŋ ɔ pa ro ŋɔŋ, Mǝ po pa ti, kɛrɛ i kanɛ nu, alɔkɔ alɔm nǝ ba kǝnǝnk ɔWan ka wuni ɔ yirȧ ka kȧta kȧdiyɔ ka afɔsɔ, ɔ tǝ der ka tǝrǝnt tǝfera ka ȧkuru.

Mathiu 28:18

Ka Yisɔsȧŋ ɔ der ɔ fɔfȧnɛ ŋa, ɔ pa, A po sɔŋ mi afɔsɔ bɛ ro riyana yi ka ȧdȧru.

Mark 14:62

Ka Yisɔs ɔ pa, Minɛŋ, ɔwa nə tə nənk ɔWan ka wuni ɔ yirȧ ka kȧta kədiɔ ka afɔsɔ, ɔ tə der ka tarənt təfera ta ȧkuru.

Mark 16:19

Ɔwa kədarəŋ ka ɔMarki Yisɔsȧŋ ɔ po fɔfȧnɛ ŋa-e, a ŋata kɔ rokɔm ro riyana, kɔ yirȧ ka kȧta kədiɔ ka Kuru.

Yɔn 10:18

Wuni o wuni ɔ nɔy hɛ mi ŋi, kɛrɛ min minɛnɛ i sɔndnɛ. I ba afɔsɔ tə kəsɔnd ŋi, ka i ba afɔsɔ tə kəkal gbasi ŋi. Aŋyamari aŋe i sɔthɔ kəwur ka ɔKas kȧmi.

Yɔn 10:30

Minɛŋ yi ɔKas sə yi ukin.

Mȧyɔs ma aŋsom 10:40

Ka Kuru ɔ yokas kɔ ka ȧŋrey aŋa bekȧ məsas, ɔwa ɔ tɔri kɔ gbafəth,

Mȧyɔs ma aŋsom 26:8

kɔyɛŋ mə nənk ti tȧy tȧŋ yi tətui lanɛ bepi Kurɔŋ ɔ yokas aŋfi-e?

Mȧyɔs ma aŋsom 4:10

ta naŋ bɛ yi aŋfəm ŋa ro Isrɛl bɛ, nə tȧrȧ kəpa, ka ȧŋes ŋa Yisɔs Krayst ɔwe ro Nasarɛth ɔwe nə tȧŋ ka akənt kəpəŋkinɛ-e, ɔwe Kuru ɔ yokas ka rəfi, ka ȧŋes ŋɔŋ gbeŋ ɔlaŋgba ɔwe ɔ təmȧ rodi ka nu uyeŋki mədɛr.

Mȧyɔs ma aŋsom 5:31

Kɔnɔ Kuru ɔ po ŋata ka kȧta kɔŋ kədiɔ tə kəyi uBȧy yi uKisis tə kəsɔŋ Isrɛl kathupi yi kȧlȧprɔ ka ɛhakɛ.

AŋRomans 1:4

kɛrɛ ka ɔYina ka məsəm-e, kȧyokanɛ kɔŋ ka rȧfi kə tɔri kəpa ɔ yi ɔWan ka Kuru tɛntɛnɛ rə afɔsɔ.

AŋRomans 8:34

Kanɛ yi tə kəsɔŋ ŋa mətheri-e? Pə yi Krayst Yisɔs ɔwe fi, aŋko, ɔwe kȧl yokanɛ ka rəfi, ɔwe yi thɔŋ ka kȧdiyɔ ka Kuru, ro mɔ nɛmthɛnɛ ta ȧtȧ su.

AŋƐfisɔs 1:3

Sə ruba Kuru Məsaba ɔKas ka ɔMarki kȧsu Yisɔs Krayst ɔwe po ruba su rɛ yi ɛruba ɛyɛ ro Yina bɛ ka ɔyira wa riyana rokor ka Krayst.

AŋFilipai 3:10

Kaŋka gbo i gbəli tȧrȧ kɔ yi aŋfɔsɔ ŋa kakal yokanɛ kɔŋ ka rafi, tə kəyeranɛ ȧŋsɔmpanɛŋ ŋɔŋ, ɔwa sɔ-e, kȧmȧ i fi hali mɔ kɔnɔ ɔ fi.

AŋKɔlɔsi 1:16

kotȧy-e, ka aŋyɛthɛ ŋɔŋ ɔ təpi ɛyɛt bɛ, ɛyɛt ya ro riyana, yi nɔru, ɛyɛ mȧ sə nəŋka rəfɔr dɛ yi ɛyɛ mȧ sə te nənk, pə yi təbȧy-o, təthɔf-o, ɛbomp-o, thalɔm agbəka-o; a təpi ɛyɛt bɛ do rɔŋɔŋ dɛ yi kətȧŋȧnɛ kɔŋ.

AŋKɔlɔsi 3:1

Tiyȧŋ bepi a po yokas nu yi Kraystȧŋ, thɛns mȧtȧy ama yi rokɔm, ro Krayst ɔ yirȧ ka kȧdiyɔ ka Kuru.

AŋHibru 1:3

ɔWan ɔwe kɔnɔ yi ɔgbɛntha wa aŋyiki ŋa Kuru-e, dɛ yi mȧbȧlȧnɛ gbeŋ ma rawuni ra Kuru rɔŋ, ɔwa kɔnɔ mə bȧksər tȧy o tȧy ka ȧrim ra aŋfɔsɔ ŋɔŋ. ƆWan ɔwe, ma ɔ po fethər su kəwur ka ɛhakɛ ɛ su-e, ɔ yirȧ ka kȧta kədiɔ ka aŋyiki ŋa Kuru rokɔm.

AŋHibru 10:12

Kɛrɛ ɔfode ɔwe-e, ma ɔ po sɔŋ sathka ta ɛhakɛ win haŋ thəbana, ɔ yirȧ ka kȧta kədiɔ ka Kuru.

AŋHibru 13:20

Ɔwa ka-ake kaŋka ɔKuru ka mȧthɔfəl ɔwe poŋ yokas ɔMarki kȧsu Yisɔs ka rəfi-e, ɔTɔl talɔmɛ ubana; kətȧŋȧnɛ ka mȧtir ma aŋlemranɛ athəbana-e,

AŋHibru 2:9

Kɛrɛ sə nənk kɔn ɔwe a bɛmpa roratha ka aŋmȧleka ta alɔkɔ agbut, hali Yisɔs, ɔwa a pɔlɔ kɔ ka-ake rə ayiki abana asabu ŋa anakasi ŋa rəfi, kȧmȧ pə re yi ka ȧŋboŋa ŋa Kuru-e, ɔ gbəli tham rəfi ta wuni o wuni.

1 Pitar 1:3

Ta aruba aŋ yi ka Kuru ɔKas ka ɔMarki kȧsu Yisɔs Kraystȧŋ. Ka ȧŋney ŋɔŋ abana ɔ po kom su ɔfu tə kəba kəgbak ȧmerȧ ȧke yi kəkəli salata kakal yokanɛ ka Yisɔs Krayst ka aŋfi,

Kȧŋȧibinɛ 1:17

Ma i nənk kɔ-e, i fumpɔ ka tatək tɔŋ mɔ i po fi. Kɔ reŋ kȧta kɔŋ kədiɔ ka rȧbomp ra mi, ɔ pa, Te nesa, minɛ yi ɔTɔtɔkɔ yi ɔLəpsɔ.