AŋƐfisɔs 1:19 - Ȧŋlemrȧnɛ Ȧfu

¹⁹ dɛ yi ko aŋfɔsɔ ŋɔŋ ŋə yi abana ɔthasər-e do rɔsu aŋa lanɛ, mɔ mə kagbəli kɔŋ kəninis kə yi,

AŋƐfisɔs 1:19 ပူးပေါင်းရင်းမြစ်များ

Yɔn 3:6

Ara a kom ka madɛr mədɛr maŋ, ara a kom ka ɔYina uyina wɔŋ.

Mȧyɔs ma aŋsom 26:18

tə kəkanthi ɛfɔr yaŋ kȧmȧ aŋ wur ka ȧŋsum, aŋ der ka kawalɛ, kȧmȧ aŋ wur ka aŋfɔsɔ ŋa Sethani kəkɔ ka Kuru, kȧmȧ aŋ sɔthɔ katerɔ ka ɛhakɛ yi kɛŋ kətɔŋ ka ŋaŋ aŋa a səməs rə kəlanɛ mi.

AŋRomans 1:16

kotȧy-e i lap hɛ salata mapa məfinɔ ma Krayst, ȧtesoma-e mə yi aŋfɔsɔ ŋa Kuru tə kəkisis wuni o wuni ɔwe mə lanɛ; ka ɔtɔtɔkɔ ka aŋYuda, yi ka aŋKrik sɔ.

2 AŋKɔrenth 4:7

Kɛrɛ sə bɛnɛ akɛŋ ake ka ɛbɔl ya ɛyɔftha ɛyɛ yi madɛr ma su, kȧmȧ aŋyiki ŋa aŋfɔsɔ abana aŋ gbəli yi ka Kuru son, aŋ wur hɛ do rɔsu hali.

2 AŋKɔrenth 5:17

Ȧtesoma-e bepi wuni o wuni ɔ yi rokor ka Kraist-e, ɔ yi wuni fu. Mȧtȧy məkur mə po thas; kəla mȧtȧy bɛ mə po səkɛ məfu.

AŋƐfisɔs 2:10

kotȧy-e saŋ sə yi mapanth ma mȧta mɔŋ-e, kɔ bɛmpa su rokor ka Yisɔs Krayst ta məyɔs məfinɔ ama Kuru ɔ bot thəpaŋ kȧmȧ sə kɔth rə kəyɔ ma.

AŋƐfisɔs 3:20

Ɔwa do rɔŋɔŋ ɔwe mə gbəli yɔ kalɔ kalɔ pəthas ȧtȧ sə thola thalɔm ȧtȧ sə nanɛ-e, kətȧŋȧnɛ ka aŋfɔsɔ aŋa mə yɔna rokor kȧsu,

AŋƐfisɔs 3:7

A səki mi ȧbɔy ŋa ȧkɛra kati kətȧŋȧnɛ ka ȧŋboya ŋa ȧŋboŋa ŋa Kuru-e, aŋa a sɔŋ mi kətaŋ ka kagbəli ka aŋfɔsɔ ŋɔŋ.

AŋƐfisɔs 6:10

Ka kaləpsɔ, aŋwɔnt a mi, yi nu abȧki mədɛr ka ɔMarki, dɛ yi ka aŋfɔsɔ ŋa kagbəli tȧy kɔŋ.

AŋFilipai 2:13

kotȧy-e Kuru kɔnɔ mə yɔ məpanth rokor ka nu kȧmȧ nə yema-e, ɔwa nə kȧl lasər mȧselɔ mɔŋ məfinɔ.

AŋFilipai 3:21

ɔwe yi tə kəsiŋkar mȧdɛr ma su ma mȧlap kȧmȧ mə səkɛ mɔ ȧŋdɛr ŋa aŋyiki ŋɔŋ, kətȧŋȧnɛ ka ȧŋfɔsɔ aŋa mə yɔ mȧtȧy bɛ məyi ro ratha kɔŋ.

AŋKɔlɔsi 1:29

Ka ɔthalnɛ wati i wopər sɔ mapanth, ka i tǝlnɛ sɔbɛ kətaŋ ka mapanth məninis ama kɔnɔ mɔ yɔ rokor kȧmi.

AŋKɔlɔsi 2:12

Ka a po maŋk nu yi kɔn ka ȧŋbaftisəm, ro pə yi ka-ake a yokas nu sɔ yi kɔn kətȧŋȧnɛ ka kȧlanɛ ka mapanth ma Kuru ɔwe po yokas kɔ ka rafi.

1 AŋThɛsȧlonika 1:5

kotȧy-e ȧkɛra kəfinɔ kȧsu kə derər hɛ nu rə sim gbo, kɛrɛ ka aŋfɔsɔ sɔ-e, dɛ yi ka ɔYina məsəm, kəte ba asikɛ bɛ. Fɔtha ma sə yi dɛ yi naŋ-e, nə tȧrȧ ko afəm sə yi ka ȧŋgbȧp a nu.

2 AŋThɛsȧlonika 1:11

Tiyȧŋ saŋ sɔ sə ramnɛ ta ȧtȧ nu katkat, kȧmȧ ɔKuru kȧsu ɔ gbəli nənk nu kəyi abeki ta katela ka nu, ɔwa kȧmȧ ɔ kȧl gbenthis rə afɔsɔ məfela o məfela məfinɔ, dɛ yi məpanth o məpanth ma kəlanɛ,

Yeməs 1:18

Ka mȧselɔ mɔŋ gbeŋ ɔ kom su ka ȧrim ra tȧteŋ, kȧmȧ sə yi mȧkomi mətɔtɔkɔ ma mabɛmpa mɔŋ.

1 Pitar 4:11

Bepi wuni o wuni ɔ kawandi-e, ta pə yi mɔ ɔ fɔf tȧteŋ ta Kuru; bepi wuni o wuni ɔ yɔna ulɔm-e, ta ɔ yɔ ti ka kagbəli ka Kuru, kȧmȧ Kuru ɔ sɔthɔ ayiki salata tȧy o tȧy kətaŋ ka Yisɔs Krayst ɔwe ba kəthɔkəs yi afɔsɔ haŋ thȧnkȧŋ thəbana, Amina.