AŋKɔlɔsi 4:10 - Ȧŋlemrȧnɛ Ȧfu

¹⁰ Aristarkɔs ɔkas kȧmi ka tɔrɛntha ɔ kori nu, dɛ yi Mak-əŋ, ɔwan ka ɔwɔnt bɛra ka Banabasȧŋ, kɔnɔ kori nu sɔ. (Nə po sɔthɔ akanɛ ta atɔŋ, ɔwa bepi ɔ der do rɔnu-e, malanɛ kɔ nu).

AŋKɔlɔsi 4:10 ပူးပေါင်းရင်းမြစ်များ

Mȧyɔs ma aŋsom 12:12

Ma ɔ po tȧmtȧmnɛ ȧte-e, ɔ der ka ȧŋseth ŋa Meri, ɔkara ka Yɔnȧŋ, ɔwe ba ȧŋgbȧnthir ŋa Mark, ro afəm agbȧthi aŋ po gbanɛ tə kəramnɛ.

Mȧyɔs ma aŋsom 12:25

Ɔwa Banabasȧŋ yi Sɔl-əŋ aŋ kȧlanɛ kəwur ro Yerusalɛm maŋ po gbenthis mapanth maŋ, kaŋ kera Yɔnȧŋ ɔwe ba ȧŋgbȧnthir ŋa Mark.

Mȧyɔs ma aŋsom 13:13

Ɔwa Pɔlȧŋ yi akobali kɔŋ aŋ wur ro Pafɔs rə abil, aŋ der ro Paka ȧke yi ro Pamfiliya; ka Yɔnȧŋ ɔ tey ŋa, ɔ kȧlanɛ ro Yerusalɛm.

Mȧyɔs ma aŋsom 13:5

Ɔwa, maŋ yi ro Salamis-e, aŋ taməs ȧrim ra Kuru ka ɛseth ɛgbanɛ ya aŋYuda; aŋ ba sɔ Yɔnȧŋ tə kəmar ŋa.

Mȧyɔs ma aŋsom 19:29

Ka kȧpet bɛ kə la yi məsɔkanɛ, ka aŋfəm aŋ wop Kayɔs yi Aristarkɔs, afəm ŋa ro Masidonia, aŋkos ŋa Pɔl ka ȧŋbiyas, kaŋ kȧrȧ ŋa kəgbukɛŋ ka ɔdɛr ɔwol.

Mȧyɔs ma aŋsom 20:4

Ɔwa Sopita ɔwe ro Beriya, Aristarkɔs yi Sɛkɔndɔs ŋa ro Thɛsalonika, Kayɔs ɔwe ro Dabi, yi Timɔthi-əŋ, dɛ yi Tikikɔs yi Trofimɔs ŋa ro Asia sɔ aŋ paya kɔ.

Mȧyɔs ma aŋsom 27:2

Ka sə bȧkȧ rə abil ŋa Adramitiyɔm aŋa yema kɔ ka tabakɛ ta ro Asia, sə wɔŋ ro baŋ bana. Aristarkɔs-əŋ uMasidonia ɔwe ro Thɛsalonika ɔ yi yi saŋ.

Mȧyɔs ma aŋsom 4:36

Ɔwa Yosɛfȧŋ ɔwe aŋsom aŋ sɔŋ ȧŋes ŋa Barnabas, (bepi a tepa ŋi ŋə yi Wan ka kȧBɛfəth), uLifay wɔŋ, wuni ka ro Siprɔs,

AŋRomans 16:2

kȧmȧ nə malanɛ kɔ salata ɔMarki, mɔ mə aŋfəm ŋa Kuru aŋ yi tə kəyɔ, yi kȧmȧ nə mar kɔ rə tȧy o tȧy ȧtȧ ɔ yema. Ȧtesoma-e kɔn kɔnɔnɛ sɔ ɔ poŋ mar afəm agbȧthi, dɛ yi minɛ sɔ.

AŋRomans 16:7

Kori Andronaykɔs yi Yuniyasȧŋ, antəkom a mi; aŋ la yi dɛ yi minɛ ka ȧŋseth ŋa tȧrəŋka. Ŋa yi sɔ afəm akolo kətɔŋ ka aŋsom, kaŋ lanɛ Krayst sɔ mɔtha minɛŋ.

2 Timɔthi 4:11

Luk son ɔ yi yi minɛŋ. Ma nə der-e, tela Mak-əŋ kȧmȧ ɔ der yi munɔ, pəkasifɛ ɔ yi umar ufinɔ ta ȧtȧ mi ka mapanth.

Faylimɔn 1:23

Ɛpafras ɔkos mi ka ȧŋseth ȧtərənkȧ salata Yisɔs Krayst, ɔ kori mu.

Faylimɔn 1:24

Ya hɔ sɔ Markɔs, Aristarkɔs, Dimas dɛ yi Lukəs, aŋkos mi ka mapanth.

1 Pitar 5:13

Aŋchɔch ŋa kȧpet ȧke bȧlȧnɛ mɔ Babilɔn, aŋa a po thith yi naŋ, aŋ kori nu; Markɔs, ɔwan kȧmi, ɔ kori nu sɔ.