AŋKɔlɔsi 3:5 - Ȧŋlemrȧnɛ Ȧfu

⁵ Tiyȧŋ dif nu mafela ma ȧdȧru, pə yi mɔ-e kȧrəp-o, mȧnɔkɔ-o, ɛnanɛ ɛyifas-o, mȧfela mələs-o, dɛ yi ɛfɔr ɛmara ɛyɛ yi mɔ kȧbatho ɛrɔŋ.

AŋKɔlɔsi 3:5 ပူးပေါင်းရင်းမြစ်များ

Mathiu 15:19

Ȧtesoma-e ɛnanɛ ɛlǝs-o, kǝdifǝth-o, kǝrǝp-o, rǝkeiyo, mǝseri ma rǝyem-o yi kǝfɔf Kuru ɔlǝs-e, ɛ wur ka ȧŋmerȧ.

AŋRomans 1:26

Tȧsom Kuru ɔ sɔnd ŋa ka ɛfela ya məlap. Hali aŋbɛra aŋ siŋkar matanɛ mə ŋaŋ,

AŋRomans 1:29

Ŋaŋ-e aŋ po la yi mələs tətəp tətəp, mȧkənȧ-o, kȧtut-o, ȧmerȧ aləs-o, amilɛ-o, kȧdif kəsias-o, kȧgbal dɛ yi kȧtɔns tȧy.

AŋRomans 6:13

Te sɔnd malaŋktha ma madɛr ma nu ka ahakɛ mɔ ɛyɛt ɛtima ya mȧkənȧ, kɛrɛ sɔndnɛ ka Kuru mɔ afəm akəli aŋa po wur ka rəfi kəkɔ ka aŋesəm, yi malaŋktha ma madɛr ma nu mɔ ɛyɛt ɛtima ya məlompi salata Kuru.

AŋRomans 6:6

Sə tȧrȧ kəpa ɔwuni kur kȧsu a po tȧŋ kɔ ka akənt kəpəŋkinɛ yi kɔn kȧmȧ mayi ma su ma ahakɛ mə gbəli dinɛ, ɔwa kȧmȧ sə te sɔ yi atar ŋa ahakɛ.

AŋRomans 7:23

Kɛrɛ i nənk athɔ alɔm ka malaŋktha ma ȧŋdɛr a mi aŋa mə timanɛ ȧŋthɔ ŋa ȧŋmerȧ a mi tə kəgbasi mi mɔ ukɛndɛbira ratha ka ȧŋthɔ ŋa ahakɛ aŋa yi ka malaŋktha ma ȧŋdɛr a mi.

AŋRomans 7:5

kotȧy-e ma sə la yi ka mayi ma su məkur-e, mafela ma su mələs ama ȧŋthɔ aŋ thəmi-e, mȧ mə yɔ malaŋktha ma madɛr ma su mə wur məkomi ta rəfi.

AŋRomans 8:13

pəkasifɛ bepi nə yi kətȧŋȧnɛ ka aŋfɔsɔ ŋa mafela ma madɛr-e, nə tə fi. Kɛrɛ bepi nə difəth mȧyɔs ma madɛr rə aŋfɔsɔ ŋa ɔYina-e, nə tə ba aŋesəm.

1 AŋKɔrenth 5:1

A po pa ti gbafəth kəpa kərəp kə yi kətɔŋ ka nu, kərəp kəwunɔŋ ȧke te yi hali kətɔŋ ka aŋkafri tə kəpa ye ukin ɔ gbasi ɔrani ka ɔkas kɔŋ.

1 AŋKɔrenth 6:11

Ɔwa yaŋ alɔm kətɔŋ ka nu nə la yi thəpaŋ, kɛrɛ a po fethər nu, a po səməs nu, ɔwa a po sɔŋ nu məmari ka ȧŋes ŋa ɔMarki Yisɔs Kraystȧŋ dɛ yi ka ɔYina ka ɔKuru kȧsu.

1 AŋKɔrenth 6:13

Ɛyɛt ɛdi ɛ yi ta akor, ɔwa akor kə yi ta ɛyɛt ɛdi; kɛrɛ Kuru ɔ tə yɔ yi bɛ ɛ tiyȧ fu. A bɛmpa hɛ ȧŋdɛr ta kərəp, a bɛmpa ŋi ta ɔMarki; dɛ yi ɔMarki ta ȧŋdɛr.

1 AŋKɔrenth 6:18

Gbukɛ nu kərəp. Ahakɛ o hakɛ aŋa wuni mɔ yɔ aŋ yi hɛ ka ȧŋdɛr, kɛrɛ ɔwe mə yɔ kərəp-e, ɔ sap ahakɛ ka ȧŋdɛr ŋɔŋ gbeŋ.

2 AŋKɔrenth 12:21

ɔwa kȧmȧ pə te yi ma i der sɔ-e, ɔKuru kȧmi ɔ tə thora mi rodi ka nu, ɔwa i ti bok ta ȧtȧ ŋaŋ aŋa po la yɔ ahakɛ, kɛrɛ aŋ te tha thupi ta katayanɛ yi kərəp tətəp tətəp ȧtȧ aŋ po yɔ.

AŋKȧletia 5:24

Ɔwa afəm aŋa yi ka Krayst aŋ po tȧŋ madɛr yi ɛnanɛ ya ɛfela ɛləs yati ka akənt kəpəŋkinɛ.

AŋƐfisɔs 4:19

Aŋfəm aŋe maŋ ba ɛmerȧ ɛgbərfanɛ-e, aŋ sɔndnɛ tə kəyɔ tȧy o tȧy təyifas, rə ɛfɔr ɛmara.

AŋKɔlɔsi 2:11

A birons nu do rɔŋɔŋ sɔ yi kabirons ȧke te yi rə məta, ma nə bus mayi mələs ma madɛr ka kabirons ka Krayst.

1 AŋThɛsȧlonika 4:3

kotȧy-e mȧselɔ ma Kuru, miyȧŋ, hali kasəməs ka nu, kȧmȧ nə te yɔ kərəp.

1 AŋThɛsȧlonika 4:5

pə yi hɛ ka mafela mələs ma madɛr mɔ akafri aŋa te tȧrȧ Kuru.

1 Timɔthi 6:10

kotȧy-e mabɔthər ma akala mȧ yi anthəŋk ŋa mȧləs tətəp tətəp bɛ; ta salata mafela ame-e, alɔm aŋ po bɔlȧnɛ kȧlanɛ, kaŋ po sɔthɔnɛ ɛpa ɛbaŋ dəbuth ɛgbathi.

AŋHibru 12:16

Kəli nu finɔ kȧmȧ wuni rəpi thalɔm wuni ləs mɔ Isɔŋ, ɔwe thila rabȧki rɔŋ ta da rədi ɔ te yi kətɔŋ ka nu.

AŋHibru 13:4

Wop kȧnantȧ rə ayiki kətɔŋ ka nu bɛ, ɔwa yɔ nu kȧmȧ a te yifas kəfənt kati; kotȧy-e Kuru ɔ tə thonkas aŋrəpi bɛ.

AŋHibru 13:5

Yi nu kəyaŋkaŋ kǝwur ka mafela ma akala-e; ɔwa ta ara nə ba rə yi rəbeki nu; kotȧy-e Kuru kɔn kɔnɔnɛ ɔ po pa, I gbəli hɛ thȧnkȧŋ tey nu, thalɔm i gbapɛ nu.

Yeməs 4:1

Reke tȧtim yi mȧputhanɛ kətɔŋ ka nu ɛ wur-e? Ɛ wur hɛ ka ɛfela ɛ nu ɛyɛ mə tim rokor ka madɛr ma nu-i?

1 Pitar 2:11

Na abɔthər, i nɛmthɛnɛ nu-e, mɔ atik dɛ yi mɔ afəm ŋa ȧbiyas, gbapɛ nu ɛmilɛ ya madɛr ɛyɛ mə tim kəŋamnɛ rafəm.

Kȧŋȧibinɛ 21:8

Kɛrɛ ŋaŋ aŋa ba rənes yi ante lanɛ, dɛ yi aŋləs-e, yi ŋaŋ aŋa dif kəsias-e, yi aŋfəm arəpi, dɛ yi anthupəs-e, yi ŋaŋ aŋa ramnɛ ɛyɛt ɛbumərnɛ, dɛ yi afəm ayem bɛ-e, aŋ tə ba ɛgbap yaŋ ka ȧŋbonka ŋa nȧnt dɛ yi salfər. Rafi ara bekȧ mȧrəŋ, riyȧŋ.

Kȧŋȧibinɛ 22:15

Ȧtesoma-e, maȧən-o, aŋmɛn-o, aŋfəm arəpi-o, aŋfəm adif-o, ŋaŋ aŋa ramnɛ ɛyɛt ɛbumərnɛ-o, dɛ yi wuni o wuni ɔwe bɔthər rəyem-o, ama ɔwe fɔf rəyem, ŋa bɛ aŋ yi rokaŋ ka kȧpet.