AŋKɔlɔsi 3:4 - Ȧŋlemrȧnɛ Ȧfu

⁴ Ma Krayst ɔwe yi aŋesəm a su ɔ tɔrinɛ, ka ȧŋlɔkɔ ŋati naŋ sɔ nə tə tɔrinɛ dɛ yi kɔn ka ayiki.

AŋKɔlɔsi 3:4 ပူးပေါင်းရင်းမြစ်များ

Mathiu 13:43

Ka ȧŋlɔkɔ ŋati aŋlompi aŋ tǝ gbɛntha mɔ aret ka rȧbȧy ra ɔKas ka ŋaŋ. Ɔwe ba ɛlǝns ta ɔ tǝl.

Luk 17:30

Ya pə tə yi sɔ ka ȧŋrey aŋa ɔWan ka wuni ɔ tɔrinɛ.

Yɔn 11:25

Yisɔsȧŋ ɔ pa ro ŋɔŋ, Minɛ yi kȧyokanɛ, yi aŋesəm: kɔn ɔwe mə lanɛ mi, hali ɔ po fi, ɔ tə kȧl kəli:

Yɔn 14:3

Ɔwa bepi i kɔ tə kəbɛnɛnɛ nu dɛr-e, i ti kȧl der sɔ, i ti ba nu ro mi: kȧmȧ ro minɛŋ i yi, nia sɔ nə tə yi.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 17:24

Pa, aŋfəm aŋa mə po sɔŋ mi, i yema kȧmȧ ŋaŋ sɔ aŋ yi ro minɛŋ i yi; kȧmȧ aŋ nənk aŋyiki a mi aŋa mə po sɔŋ mi: ȧtesoma-e mə bɔthər mi yeŋka a bot ɔtəmər wa ȧdȧru.

Yɔn 20:31

kɛrɛ a gbal ɛye, kȧmȧ nə lanɛ kəpa Yisɔsȧŋ ɔ yi ɔKrayst, ɔWan ka Kuru, ɔwa kȧmȧ bepi nə lanɛ-e, nə tə ba aŋesəm ka ȧŋes ŋɔŋ.

Mȧyɔs ma aŋsom 3:15

Ka nə dif ɔTəpi wa aŋesəm, ɔwe Kuru ɔ po yokas kətɔŋ ka aŋfi, ta ȧtȧ sə yi məseri.

AŋRomans 8:18

kotȧy-e, i botər ti rə ȧmerȧ kəpa kanakasi ka ȧŋlɔkɔ aŋe kə bek hɛ tə kəthunthanɛ dɛ yi aŋyiki aŋa yi tə kətɔrinɛ do rɔsu.

AŋRomans 8:19

kotȧy-e ɛyɛt ɛbɛmpa bɛ ɛ tə kar rə kəbosinɛ kəbaŋ ta kaŋȧybɛ ka aŋwuth ŋa Kuru.

1 AŋKɔrenth 1:7

kȧmȧ nə te paŋ aboya o boya ma mə nə kar kȧder ka ɔMarki kȧsu Yisɔs Krayst,

1 AŋKɔrenth 15:43

A sak ŋa rə kəte ba ayiki, a kȧl yokas ŋa rə afɔsɔ.

2 AŋKɔrenth 4:17

kotȧy-e kasɔmpanɛ kȧsu kəfəŋf, ȧke yi gbo ta alɔkɔ agbut, kə mə bȧr yɔna su ayiki alel ɔthasər ta thəbana;

AŋKȧletia 2:20

A po taŋtaŋ mi ka akənt kəpəŋkinɛ yi Kraystȧŋ, halisa i ba ŋesəm; kɛrɛ min tha sɔ, pə yi Kraystȧŋ kɔnɔ ɔ yi ukəli rokor kȧmi. Ɔwa aŋesəm aŋa i ŋesəm ka madɛr ka-ake, i ŋesəm kətaŋ ka kȧlanɛ ka ɔWan ka Kuru ɔwe bɔthər mi, kɔ sɔndnɛ ta ȧtȧ mi.

AŋFilipai 3:21

ɔwe yi tə kəsiŋkar mȧdɛr ma su ma mȧlap kȧmȧ mə səkɛ mɔ ȧŋdɛr ŋa aŋyiki ŋɔŋ, kətȧŋȧnɛ ka ȧŋfɔsɔ aŋa mə yɔ mȧtȧy bɛ məyi ro ratha kɔŋ.

1 AŋThɛsȧlonika 4:17

Rodarəŋ kati saŋ aŋa yi nɔru a tə sɛmpi su yi ŋaŋ lɛɔ ka kȧriyana tə kəbəp ɔMarki ka kafena; ɔwa tiyȧŋ sə tə yi yi ɔMarki thəbana.

1 Timɔthi 6:14

Ɔwa bɛnɛ aŋyamari aŋe finɔ, kəte ba apora thalɔm məthɛkɛ, haŋ ɔMarki kȧsu Yisɔs Krayst ɔ kȧl der.

2 Timɔthi 1:1

Pɔl usom ka Yisɔs Krayst asabu ŋa mȧselɔ ma Kuru salata aŋlahiri ŋa aŋesəm aŋa yi ka Krayst Yisɔs.

2 Timɔthi 4:8

Tiyȧŋ ȧniyɔ ŋa mȧlompi aŋ yi ta ȧtȧ mi, aŋa ɔMarki, ɔThoŋkas ulompi, ɔ tə sɔŋ mi ka ȧŋrey ŋati; ɔwa pə yi hɛ ta ȧtȧ mi gbo son-e, kɛrɛ ta ȧtȧ ŋaŋ bɛ aŋa bɔthər kȧder kɔŋ.

Taytɔs 2:13

ma sə kar ta kagbak ȧmerȧ ka aruba, pə yi mɔ-e katɔrinɛ ka aŋyiki ŋa ɔKuru ubana yi ɔKisis kȧsu Yisɔs Kraystȧŋ;

AŋHibru 9:28

Ya pə yi sɔ-e, Krayst ɔ po sɔndnɛ win tə kəsara ɛhakɛ ya afəm agbȧthi; ɔwa ɔ tə kȧl tɔrinɛ kȧbeka mȧrəŋ, pə yi hɛ salata ɛhakɛ, kɛrɛ tə kəkisis ŋaŋ aŋa mə kəlianɛ ta atɔŋ.

1 Pitar 1:13

Tiyȧŋ bȧksər nu ɛmerȧ ɛ nu, ɔwa yi nu kəthɛgbɛ; kȧl gbakər ȧmerȧ ɔgbenthis ka ȧŋboŋa aŋa yi ta ȧtȧ nu ka kaŋaibinɛ ka Yisɔs Kraystȧŋ.

1 Pitar 5:4

Ɔwa ma ɔTɔl ubana mɔ tɔrinɛ-e, nə tə sɔthɔ ȧniyɔ ŋa ayiki aŋa te ba kəferər.

1 Yɔn 2:28

Ɔwa, awuth alɔl tiyȧ nu ro ŋɔŋ: kȧmȧ ma ɔ tɔrinɛ, sə tə ba kəmintha, kȧmȧ sə te lap tə kəbəp kɔ ma ɔ der-e.

1 Yɔn 3:2

Abɔthər, ka-ake sə yi awuth ŋa Kuru, ɔwa a tha tɔri hɛ su to sə ba kə re yi: kɛrɛ sə tȧrȧ kəpa ma Krayst ɔ kȧl der, sə tə yi mɔ kɔnɔ; pəkasifɛ sə tə nənk kɔ mɔ mɔ yi.

1 Yɔn 5:12

Kɔnɔ ɔwe ba ɔWan ɔ ba aŋesəm; ɔwa kɔnɔ ɔwe te ba ɔWan ka Kuru ɔ ba hɛ aŋesəm.

Yud 1:24

Ɔwa ɔwe gbəli bɛnɛ nu kəte yɛthȧ, ɔwa ɔ təmər nu kəte ba apora rodi ka ayiki ŋɔŋ yi məbɔnɛ məbana;

Kȧŋȧibinɛ 2:7

Ɔwe ba ɛləns ta ɔ təl ȧtȧ ɔYina ɔ pa ka ɛchɔch. Ɔwe mə tham-e, i ti sɔŋ kɔ tə kədi ka aŋənt ŋa aŋesəm aŋa yi ka ȧŋParadays ŋa Kuru Məsaba.

Kȧŋȧibinɛ 22:1

Kɔ tɔri mi kȧbȧŋ ka ȧmȧnt ma aŋesəm, mətempi yereŋ, mə wur ka kawaŋ ka rȧbȧy ra Kuru yi ka kaLɔmɛ kəfɛth;

Kȧŋȧibinɛ 22:14

Afəm aruba ŋaŋ aŋa po yak ȧsuma taŋ kȧmȧ aŋ gbəli ba mamari tə kəder ka aŋənt ŋa aŋesəm, dɛ yi kȧmȧ aŋ gbəli wɔŋ ka tadare ta kȧpet.