AŋKɔlɔsi 3:17 - Ȧŋlemrȧnɛ Ȧfu

¹⁷ Ɔwa koko bɛ mȧ nə yɔ, pə yi rə məpa thalɔm rə məyɔs, yɔ ti nu ka ȧŋes ŋa ɔMarki Yisɔs, dɛ yi kəsɔŋ mɔmɔ ka Kuru ɔKas kətaŋ do rɔŋɔŋ.

AŋKɔlɔsi 3:17 ပူးပေါင်းရင်းမြစ်များ

Mathiu 28:19

Tiyȧŋ kɔnɛ nu ka tǝbona bɛ-e, nǝ sǝki ŋa akarande, nǝ baftays ŋa ka ȧŋes ŋa ɔKas, yi aŋa ɔWan, yi aŋa ɔYina mǝsǝm;

Mȧyɔs ma aŋsom 19:17

AŋYuda dɛ yi aŋKrik bɛ aŋa yirȧ ro Ɛfisɔs, aŋ tȧrȧ ȧte, ka rənes rə wop ŋa bɛ, ɔwa aŋ bondəs ȧŋes ŋa ɔMarki Yisɔs.

Mȧyɔs ma aŋsom 4:30

ma munɔ mə thanthi kȧta ka mu tə kəyeŋkəs afəm; ɔwa kȧmȧ ɛmisali yi mȧtȧy məkabanɛ mə yɔnɛ salata ȧŋes ŋa ȧŋBɔy a mu usəm Yisɔsȧŋ.

AŋRomans 1:8

Ka ɔtɔtɔkɔ bɛ i muti ɔKuru kȧmi mɔmɔ ka kȧta ka Yisɔs Krayst ta ȧtȧ nu bɛ pəkasifɛ a lɔməs ta kȧlanɛ ka nu ka ȧdȧru bɛ.

1 AŋKɔrenth 10:31

Ȧŋsabu aŋ yi kəpa, bepi nə di-e, thalɔm nə mun-e, thalɔm nə yɔ tȧy o tai-e, yɔ ti nu bɛ salata aŋyiki ŋa Kuru.

AŋƐfisɔs 1:17

kȧmȧ ɔKuru ka ɔMarki kȧsu Yisɔs Krayst ɔKas ka ayiki ɔ sɔŋ nu ȧŋmerȧ ŋa kətemp yi kəŋaybi tȧy tə kətara kɔ.

AŋƐfisɔs 5:20

Sɔŋ Kuru ɔKas mɔmɔ alɔkɔ bɛ ta tȧy o tȧy ka ȧŋes ŋa ɔMarki kȧsu Yisɔs Kraystȧŋ.

AŋFilipai 1:11

Kama nə la yi mȧkomi ma mȧlompi ama der kətȧŋȧnɛ ka Yisɔs Krayst kəkɔ ka aŋyiki dɛ yi kathɔkəs ka Kuru Məsaba.

AŋFilipai 2:11

kȧmȧ kəsəŋ o kəsəŋ kə seri kəpa Yisɔs Krayst ɔ yi ɔMarki ka aŋyiki ŋa Kuru ɔKas.

AŋKɔlɔsi 1:12

Kama nə sɔŋ mɔmɔ ka ɔKas ɔwe po yɔ su sə yi saŋ abeki tə kəkasa ka akɛŋ ka aŋsəm ka ɔwaŋ;

AŋKɔlɔsi 2:7

Ta a təmər nu rə kəba ɛthəŋk ɛ nu do rɔŋɔŋ, ɔwa ta nə yi sɔ ȧbȧksər ka kȧlanɛ ka nu, mɔlɔ ma a po thəksa nu rɛ mɔmɔ məgbathi.

AŋKɔlɔsi 3:15

Yɔ nu kȧmȧ mathɔfəl ma Kuru mə gbəka ka ɛmerȧ ɛ nu, ta ama a po tela nu rokor ka ȧŋdɛr ŋɔŋ; ɔwa sɔŋ nu mɔmɔ.

AŋKɔlɔsi 3:23

Pə yi nə yɔ tȧy o tȧy, yɔ ti nu asɔbɛ sɔbɛ, mɔ mə nə yɔ ti salata ɔMarki, pə yi hɛ ta afəm a kəpet.

1 AŋThɛsȧlonika 1:1

Pɔl, Silfenɔs yi Timɔthi-əŋ, ka aŋchɔch ro Thɛsalonika aŋa yi ka Kuru ɔKas yi ka ɔMarki kȧsu Yisɔs Kraystȧŋ; ta aboŋa aŋ yi nu kəwur ka Kuru ɔKas kȧsu, yi ka ɔMarki dɛ yi ka Yisɔs Kraystȧŋ.

1 AŋThɛsȧlonika 5:18

Sɔŋ mɔmɔ rə tȧy o tȧy, kotȧy-e mȧselɔ ma Kuru kətȧŋȧnɛ ka Krayst Yisɔs ta ȧtȧ nu miəŋ.

2 AŋThɛsȧlonika 2:17

kaŋka ɔ bɛfəth ɛmerȧ ɛ nu tə kəbaksər nu rə rim o rim dɛ yi məpanth o məpanth məfinɔ.

AŋHibru 1:5

kotȧy-e ka wurɔ ureke Kuru ɔ fɔf thȧnkȧŋ sim təwunɔŋ kəpa, Munɔ mə yi ɔWan kȧmi, thonɔŋ i po kom mu-e? Thalɔm, I ti yi ro rɔŋɔŋ uKas, ɔwa kɔnɔ ɔ tə yi ɔWan ka mi-e?

AŋHibru 13:15

Tiyȧŋ kətȧŋȧnɛ kɔŋ maŋ thɔkəs nu Kuru rɛ sathka alɔkɔ o lɔkɔ, pə yi mɔ-e, ɛboya ya ȧsim ta su ɛyɛ seri ta ȧŋes ŋɔŋ.

1 Pitar 2:5

Ɔwa naŋ gbeŋ mɔ məsar məkəli, a kianɛ nu tə kəseth aseth ŋa ɔYina, tə kəyi rəfode rəsəm, kȧmȧ nə wurɔ sathka təsəm ȧtȧ Kuru mɔ malanɛ kətaŋ ka Yisɔs Kraystȧŋ.

1 Pitar 2:9

Kɛrɛ naŋ nə yi ȧbɔnshɔ ȧthith, rəfode ra rȧbȧy, abona asəm, afəm agbaskɛ; kȧmȧ nə taməs akori kori ŋa ɔKuru ɔwe po tela nu tə kəwur ka ȧŋsum kəkɔ ka kawalɛ kɔŋ kəkabanɛ.

1 Pitar 4:11

Bepi wuni o wuni ɔ kawandi-e, ta pə yi mɔ ɔ fɔf tȧteŋ ta Kuru; bepi wuni o wuni ɔ yɔna ulɔm-e, ta ɔ yɔ ti ka kagbəli ka Kuru, kȧmȧ Kuru ɔ sɔthɔ ayiki salata tȧy o tȧy kətaŋ ka Yisɔs Krayst ɔwe ba kəthɔkəs yi afɔsɔ haŋ thȧnkȧŋ thəbana, Amina.

1 Yɔn 2:23

Wuni o wuni ɔwe mə pɛnsa ɔWan ɔ ba hɛ ɔKas; kɛrɛ ɔwe mə gbithanɛ ɔWan ɔ ba sɔ ɔKas.

1 Yɔn 3:18

Awuth alɔl, maŋ te nu bɔthər ka sim, thalɔm ka məfɔf: kɛrɛ ka məyɔs yi ka tȧteŋ.