AŋKɔlɔsi 3:16 - Ȧŋlemrȧnɛ Ȧfu

¹⁶ Yɔ nu kȧmȧ ȧrim ra Krayst rə bȧkər ka ɛmerȧ ɛ nu, mɔ rəka rəkɛŋ. Thəksanɛ nu, ɔwa maŋanɛ nu ka ȧŋSams yi məleŋ ma ro Yina məgbaskɛ gbaskɛ, ɔwa lensir nu ɔMarki rə aboŋa ka ɛmerȧ ɛ nu.

AŋKɔlɔsi 3:16 ပူးပေါင်းရင်းမြစ်များ

Mathiu 26:30

Ɔwa maŋ po leŋ aleŋ-e, aŋ wur, aŋ kɔ ka kateŋ ka Ɔlif.

Luk 2:51

kɔ kȧlanɛ yi ŋaŋ ro Nasarɛth, ɔwa ɔ yi usanɛ ro ŋaŋ, kɛrɛ ɔkara kɔŋ ɔ bɛnɛ mapa ame bɛ ka ȧŋmerȧ ŋɔŋ.

Yɔn 15:7

Bepi nə tiyȧ rokor kȧmi, ɔwa ȧsim ta mi tə tiyȧ rokor ka nu-e, yif nu tȧy o tȧy ȧte nə yema, ɔwa a tə yɔna nu ti.

AŋRomans 10:17

Tiyȧŋ kəlanɛ kə wur rə kətəl, yi kətəl rə ȧrim ra Krayst.

AŋRomans 15:14

Ka minɛ sɔ, aŋwɔnt mi, i lanɛ kəpa naŋ gbeŋ nə la yi məthɔth, dɛ yi kətara bɛ, ɔwa nə gbəli sɔ maŋsanɛ.

1 AŋKɔrenth 14:15

To mə i yɔ thɔŋ-a? I ti ramnɛ rɛ yi ȧŋmerȧ a mi, ɔwa i ti ramnɛ sɔ rɛ yi kasɔthnɛ. I ti leŋ rɛ yi ȧŋmerȧ a mi, ɔwa i ti leŋ sɔ rɛ yi kasɔthnɛ.

1 AŋKɔrenth 14:26

To pə yi thɔŋ-a awɔnt? Bepi nə thoŋklanɛ rɔkin-e, wuni o wuni ɔ ba aleŋ, ɔ ba kəthəksa, ɔ ba kənt kətel, ɔ ba tȧy təŋȧybi, thalɔm ɔ ba kətepa. Ɔwa yɔ kȧmȧ tȧy o tȧy tə tempəs ȧŋmerȧ.

AŋƐfisɔs 1:17

kȧmȧ ɔKuru ka ɔMarki kȧsu Yisɔs Krayst ɔKas ka ayiki ɔ sɔŋ nu ȧŋmerȧ ŋa kətemp yi kəŋaybi tȧy tə kətara kɔ.

AŋƐfisɔs 5:17

Ɔwa te nu yi mɔ afəm aŋa te tȧrȧ, kɛrɛ sɔthnɛ ko mȧselɔ ma ɔMarki mə yi.

AŋƐfisɔs 5:19

Fɔfȧnɛ nu ka ȧŋSams dɛ yi məleŋ məsəm tətəp tətəp, ɔwa leŋ nu tə kəthɔkəs ɔMarki ka ɛmerȧ ɛ nu.

AŋƐfisɔs 5:26

kȧmȧ ɔ gbəli səməs kɔ mɔ ɔ po fethər kɔ ka mȧnt kətȧŋȧnɛ ka ȧrim rɔŋ,

AŋKɔlɔsi 1:28

Ɔwa sə taməs rə kəmaŋ wuni o wuni dɛ yi kəthəksa wuni o wuni rə kətemp bɛ; kȧmȧ sə gbəli lȧnki wuni o wuni ugbenthis rokor ka Krayst Yisɔs.

AŋKɔlɔsi 1:9

Ȧtesoma-e saŋ sɔ, kȧbi ka ȧŋrey aŋa sə po təl ti-e, sə tey hɛ bɛ tə kəramnɛ dɛ yi kənɛmthɛnɛ ta ȧtȧ nu, kaŋka nə la yi kȧtȧrȧ ka mȧselɔ mɔŋ, rə kətemp dɛ yi kətara tȧy bɛ rə ɔYina.

AŋKɔlɔsi 4:6

Yɔ kȧmȧ mafɔf ma nu mə yi rə aboŋa mɔ mə a bɔthəs rəka rɛ mɛr lɔkɔ o lɔkɔ, kȧmȧ nə tȧrȧ to mə nə yi tə kəgbaki wuni o wuni.

1 AŋThɛsȧlonika 1:8

kotȧy-e pə yi hɛ gbo ro Masidonia yi ro Akaya nə taməs ȧrim ra ɔMarki, kɛrɛ kȧlanɛ ka nu ka Kuru kə poŋ gbanthanɛ dɛr o dɛr; tiyȧŋ sə ba hɛ sɔ kəfɔf koko.

1 AŋThɛsȧlonika 4:18

Te ba ti bɛfəthanɛ ɛmerȧ ɛ nu rə ȧsim ȧte.

2 AŋThɛsȧlonika 3:15

Ɔwa te nu nənk kɔ mɔ utheranɛ, kɛrɛ maŋ kɔ mɔ uwɔnt.

1 Timɔthi 6:17

Maŋ ŋaŋ aŋa ba rəyola ka ȧdȧru are kȧmȧ aŋ te ba kəbonɛ tȧy, ɔwa kȧmȧ aŋ te gbak ȧmerȧ ka rayola ara ba kəpoŋ, kɛrɛ ka ɔKuru ukəli, ɔwe po sɔŋ su tȧy o tȧy təfinɔ ta mabɔnɛ ma su.

2 Timɔthi 3:15

tə kəyi munɔ mə po tȧrȧ mȧgbal məsəm kəwur ka rafɛth ra mu, ama gbəli sɔŋ mu kətemp tə kəsɔthɔ kəkisi ta salata kȧlanɛ ȧke yi ka Krayst Yisɔs.

Taytɔs 3:6

ɔwe ɔ lond do rɔsu ɔgbȧthi kətȧŋȧnɛ ka Yisɔs Krayst ɔKisis kȧsu;

Yeməs 1:5

Kɛrɛ bepi ukin ka nu ɔ ba hɛ kətemp ka rəbaki-e, ta ɔ tholir Kuru ɔwe yi ufonsiri, ɔwe mə yer rə məthɛkɛ tha, ɔwa a tə sɔŋ kɔ ki.

Yeməs 3:17

Kɛrɛ kȧtemp ka rəbaki ȧke wur rokɔm kətɔtɔkɔ bɛ kə yi kəfera, kədarəŋ kati kə yi kəthɔfəl, kərusəma finɔ, kətuy hɛ nɛmthɛnɛ, kəla ȧney, kəba məkomi məfinɔ, kəte ba agbȧy, kəte ba ayaŋfa.

Yeməs 5:13

Bepi ukin kətɔŋ ka nu ɔ nakasi-e, ta ɔ ramnɛ. Bepi ukin ɔ ba məbɔnɛ, ta ɔ lensir Kuru.

1 Yɔn 2:14

I po gbalər nu, naŋ akas, pəkasifɛ nə po tȧrȧ kɔ ɔwe yi kȧbi ka ɔtəpɛr. I po gbalər nu, naŋ alaŋgba, pəkasifɛ nə yi abȧki mədɛr, ɔwa ȧrim ra Kuru rə tiyȧ ro nu, ɔwa nə po tham Sethani.

1 Yɔn 2:24

Tiyȧŋ wop ȧtȧ nə təl kȧbi ka ɔtəpɛr. Bepi ȧtȧ nə təl kȧbi ka ɔtəpɛr tə tiyȧ ro nu, nə tə tiyȧ ka ɔWan, yi ka ɔKas.

1 Yɔn 2:27

Kɛrɛ bepi kafethər ȧke nə po sɔthɔ ro ŋɔŋ kə tiyȧ ro nu, nə ba hɛ sɔ kȧmȧ wuni o wuni ɔ thəksa nu: ɔwa mɔ kafethər kɔŋ kə thəksa nu ka mȧtȧy bɛ, ɔwa kə yi tȧteŋ, rəyem thahɔ, tiyȧ nu ro ŋɔŋ mɔ mə kə po thəksa nu.

2 Yɔn 1:2

salata tȧteŋ ȧtȧ yianɛ ro rɔsu, ɔwa ȧtȧ yi yi saŋ thəbana.

Kȧŋȧibinɛ 14:3

Ɔwa aŋ leŋ aleŋ afu rodi ka kawaŋ ka rȧbȧy, yi rodi ka ɛwuka akəli ŋanlɛ, dɛ yi aŋbȧki; ɔwa wuni o wuni ɔ gbəli hɛ thəkəs aŋleŋ ŋati thambe aŋfəm ɛwul kɛmɛ kin təgba tərəŋ yanlɛ aŋa a po bani ka ȧdȧru.

Kȧŋȧibinɛ 15:3

kaŋ leŋ aŋleŋ ŋa Mosis ȧŋbɔy ŋa Kuru, dɛ yi aŋleŋ ŋa kaLɔmɛ kəfɛth, kaŋ pa, Mayɔs ma mu mə yi məbana dɛ yi məkabanɛ ɔMarki Kuru ka afɔsɔ bɛ; asoŋ ta mu tə yi təlompi yi təteŋ, munɔ ɔBȧy ka ɛyamana.

Kȧŋȧibinɛ 19:10

Ka i sanɛ ka ȧtatək tɔŋ tə kəbatho kɔ, kɛrɛ ɔ pa, Te yɔ yi, minɛŋ sɔ i yi ukos mu ȧbɔy, dɛ yi ukos ka aŋwɔnt mu aŋa ba maseri ma Yisɔs. Bȧtho Kuru, kotȧy-e maseri ma Yisɔs mə yi aŋyina ŋa kanabi.

Kȧŋȧibinɛ 5:9

kaŋ leŋ aleŋ afu, kəpa, Munɔ mə yi ubeki tə kəgbasi ȧkȧfȧ, yi tə kəsim ɛmȧthlɛ; kotȧy-e a po fai mu sathka, ɔwa mə po bani afəm ka Kuru kətȧŋȧnɛ ka mȧtir ma mu, pə yi mɔ-e afəm kəwur kətɔŋ ka təkomra, yi tənt, yi afəm, yi təbona bɛ.