AŋKɔlɔsi 3:15 - Ȧŋlemrȧnɛ Ȧfu

¹⁵ Yɔ nu kȧmȧ mathɔfəl ma Kuru mə gbəka ka ɛmerȧ ɛ nu, ta ama a po tela nu rokor ka ȧŋdɛr ŋɔŋ; ɔwa sɔŋ nu mɔmɔ.

AŋKɔlɔsi 3:15 ပူးပေါင်းရင်းမြစ်များ

Yɔn 14:27

Məthɔfəl i tiyȧ nu, mathɔfəl ma mi i sɔŋ nu: i sɔŋ hɛ nu mɔ mə ȧdȧru rə sɔŋ nu. Ta ɛmerȧ ɛ nu ɛ te nu sɔmpa, thalɔm ɛ te nesa.

Yɔn 16:33

I po fɔfȧnɛ nu mȧtȧy ame bɛ, kȧmȧ nə ba məthɔfəl ro mi. Ka ȧdȧru nə tə ba asɔmpanɛ: kɛrɛ bȧk nu təbuth, i po tham ȧdȧru.

AŋRomans 1:21

Pəkasifɛ hali maŋ po tȧrȧ Kuru-e, aŋ yikis hɛ kɔ mɔ Kurɔŋ, aŋ mɔmɔ hɛ kɔ, kɛrɛ aŋ səkɛ ayay ka ɛnanɛ yaŋ, ɔwa ɛmerȧ yaŋ ɛpəŋk ɛ po biyȧ.

AŋRomans 14:17

ȧtesoma-e rȧbȧy ra Kuru rə yi hɛ kədi yi kəmun, kɛrɛ rə yi məlompi, yi məthɔfəl dɛ yi məbɔnɛ rokor ka ɔYina məsəm.

AŋRomans 15:13

Kaŋka ɔKuru ka kəgbak ȧmerȧ ɔ lasər nu rə məbɔnɛ yi məthɔfəl salata kȧlanɛ, kȧmȧ mə gbəli la yi kəgbak ȧmerȧ ka aŋfɔsɔ ŋa ɔYina məsəm.

AŋRomans 5:1

Tiyȧŋ ma sə po sɔthɔ məmari kətȧŋȧnɛ ka kȧlanɛ-e, sə ba məthɔfəl yi Kurɔŋ salata Yisɔs Krayst ɔMarki kȧsu,

1 AŋKɔrenth 10:17

Ɔwa mɔ mȧ kabo kə yi kin-e, saŋ sɔ hali ma sə yi sa agbȧthi-e, sə yi adɛr ŋin. Kotȧy-e saŋ bɛ sə po yeranɛ ka kabo kin kati.

1 AŋKɔrenth 7:15

Kɛrɛ bepi ɔte lanɛ ɔ yema tə kəwur-e, ta ɔ wur. Ɔwɔnt runi thalɔm ɔwɔnt bɛra ɔ yi hɛ usekanɛ ka mȧtȧy məwunɔŋ; Kuru ɔ muti su tə kəyira ka mȧthɔfəl.

2 AŋKɔrenth 4:15

kotȧy-e mȧtȧy bɛ mə yi ta salata nu, kȧmȧ mɔ mə ȧŋboŋa aŋ bȧr gbo bek ka afəm agbȧthi-e, kamuti mɔmɔ kə tə bȧrnɛ sɔ salata aŋyiki ŋa Kuru.

2 AŋKɔrenth 9:11

Kaŋka a naŋfas nu rə tȧy o tȧy kəkɔ ka kəfosiri kəbana ȧke mə yɔ a muti Kuru mɔmɔ kətaŋ do rɔsu.

AŋƐfisɔs 4:16

Ɔwa kəwur do rɔŋɔŋ ȧŋdɛr bɛ aŋ gbɛptanɛ ka matɔsanɛ ma akotir o kotir kati mɔlɔ ma mapanth məmari mati mə yi-e, kaŋ bȧk dɛ yi aŋ bȧrnɛ ka mȧbɔthər.

AŋƐfisɔs 4:4

Adɛr ŋin aŋ yi, dɛ yi ɔYina ukin, ya pə yi sɔ a tela nu ka kəgbak ȧmerȧ kin ka kamuti ka nu.

AŋƐfisɔs 5:1

Te ba ti, tansanɛ Kuru mɔ afɛth abɔthər.

AŋƐfisɔs 5:20

Sɔŋ Kuru ɔKas mɔmɔ alɔkɔ bɛ ta tȧy o tȧy ka ȧŋes ŋa ɔMarki kȧsu Yisɔs Kraystȧŋ.

AŋKɔlɔsi 1:12

Kama nə sɔŋ mɔmɔ ka ɔKas ɔwe po yɔ su sə yi saŋ abeki tə kəkasa ka akɛŋ ka aŋsəm ka ɔwaŋ;

AŋKɔlɔsi 2:7

Ta a təmər nu rə kəba ɛthəŋk ɛ nu do rɔŋɔŋ, ɔwa ta nə yi sɔ ȧbȧksər ka kȧlanɛ ka nu, mɔlɔ ma a po thəksa nu rɛ mɔmɔ məgbathi.

AŋKɔlɔsi 3:17

Ɔwa koko bɛ mȧ nə yɔ, pə yi rə məpa thalɔm rə məyɔs, yɔ ti nu ka ȧŋes ŋa ɔMarki Yisɔs, dɛ yi kəsɔŋ mɔmɔ ka Kuru ɔKas kətaŋ do rɔŋɔŋ.

1 AŋThɛsȧlonika 5:18

Sɔŋ mɔmɔ rə tȧy o tȧy, kotȧy-e mȧselɔ ma Kuru kətȧŋȧnɛ ka Krayst Yisɔs ta ȧtȧ nu miəŋ.

1 Timɔthi 2:1

Tiyȧŋ kə tɔtɔkɔ bɛ, i maŋ kȧmȧ kənɛmthɛnɛ, yi təramnɛ, yi təmuti mɔmɔ ɛ gbəli yi ta wuni o wuni;

1 Timɔthi 6:12

Tim katim kəfinɔ ka kalanɛ, wopnɛ aŋesəm thəbana ta ȧtȧ a po tela mu, yi ta ȧtȧ mə po sɔŋ məseri məfinɔ rodi ka məseri məgbathi.

AŋHibru 13:15

Tiyȧŋ kətȧŋȧnɛ kɔŋ maŋ thɔkəs nu Kuru rɛ sathka alɔkɔ o lɔkɔ, pə yi mɔ-e, ɛboya ya ȧsim ta su ɛyɛ seri ta ȧŋes ŋɔŋ.

Kȧŋȧibinɛ 7:12

Kaŋ pa, Amina; aruba, yi kəthɔkəs, yi kətemp, yi mɔmɔ, yi ayiki, yi afɔsɔ, yi kəgbəli tȧy ɛ yi ka ɔKuru kȧsu thȧnkȧŋ thəbana. Amina.