AŋKɔlɔsi 2:8 - Ȧŋlemrȧnɛ Ȧfu

⁸ Bumnɛ nu kȧmȧ wuni o wuni ɔ te ləsər nu rə mətamtamnɛ yi ayaŋfa ayay yay, kətaŋ ka ɛnanɛ ya afəm a kəpet dɛ yi ka mayi ma ȧdȧru are-e, pə yi hɛ kətaŋ ka Krayst.

AŋKɔlɔsi 2:8 ပူးပေါင်းရင်းမြစ်များ

Mathiu 10:17

Kɛrɛ pɛndaf nu afǝm, ȧtesoma-e aŋ tǝ lȧnki nu ka aŋgbǝka, ɔwa aŋ tǝ sapa nu nǝkɛt ka ɛseth yaŋ ɛgbanɛ.

Mathiu 16:6

Ka Yisɔs ɔ pa ro ŋaŋ, Botnɛ nu, ɔwa pɛndaf nu ɛgbith ya aŋFarisi yi aŋSadusi.

Mathiu 7:15

Botnɛ nu rǝ ȧmerȧ ta aŋnabi ayem aŋa mǝ der ro nu rǝ ɛlopra ya tǝlɔmɛ, kɛrɛ rokor aŋ yi tǝthɔlu alukǝs.

Mȧyɔs ma aŋsom 17:18

Ka aŋfəm atempi alɔm, aŋƐpikurian yi aŋStoik aŋ bəp kɔ. Alɔm aŋ pa, To wuni thɛlma ɔwe ɔ yema pa-e? Aŋlɔm aŋ pa, Pə yi mɔ ɔ tam ta aturu tətel, pəkasifɛ ɔ tɔri ta Yisɔsȧŋ yi kȧyokanɛ ka rȧfi.

Mȧyɔs ma aŋsom 17:32

Maŋ təl ta kȧyokanɛ ka aŋfi-e, alɔm aŋ sel, alɔm aŋ pa, Sə tə sua mu ɛləns sɔ ta ȧte.

AŋRomans 16:17

Ɔwa i nɛmthɛnɛ nu, awɔnt, lomar nu ŋaŋ aŋa mə yɔ məputhanɛ yi aŋa mə wɔŋȧ mȧtȧy ma kȧpəth kəŋamnɛ kȧthəksȧ kətəteŋ ȧke nə po thəkəs. Thȧnka ŋa.

1 AŋKɔrenth 10:12

Tiyȧŋ ɔwe nanɛ kəpa ɔ təmȧ, ta ɔ bumnɛ ta thani ɔ fumpɔ.

1 AŋKɔrenth 8:9

Botər nu ȧmerȧ ta thani rə roŋ o roŋ aŋsako a nu aŋe aŋ səkɛ rəka rəpənthbəla ka aŋa ba kəlanɛ kərant.

2 AŋKɔrenth 10:5

Sə yɛksi ɛbȧrki ɛləs yi tȧy o tȧy bɛ təŋȧtȧnɛ kəŋamnɛ kȧtȧrȧ ta Kuru, ɔwa sə kȧrȧ rə kɛndɛbira ananɛ o nanɛ tə kəsanɛ ɔKraystȧŋ,

AŋKȧletia 1:14

ɔwa i bȧr sɔthɔ kətara ka andina ŋa aŋYuda pəthas aŋkos mi ka ȧŋbona a mi, ma i yi uyasyas ɔthasər salata tapa təkur ta aŋkas a mi.

AŋKȧletia 4:3

Ya pə yi sɔ saŋ, ma sə yi afɛth sə yi atar ratha ka matanɛ ma ȧdȧru,

AŋKȧletia 4:9

kɛrɛ ka-ake ma nə po der kətara Kuru-e, (thalɔm pə tha gbethi Kuru ɔ tȧrȧ nu-e), to pə som nə kȧl fəlɛ ka matanɛ mərant məyai mɔlɔ ma nə fela sɔ kəsəkɛ atar ŋa matanɛ mati-e?

AŋKȧletia 5:15

Bepi nə ŋansanɛ dɛ yi nə sɔməthanɛ-e, bumnɛ nu ȧmerȧ kȧmȧ nə te dimsanɛ.

AŋƐfisɔs 2:2

ro pə yi nə la kɔth ka matanɛ ma ȧdȧru are, kətȧŋȧnɛ ka ɔbȧy ka ɛfɔsɔ ya aŋfena, pə yi mɔ-e aŋyina aŋa mə korakora ɛmerȧ ya aŋwuth ȧthȧnthonɛ.

AŋƐfisɔs 4:20

Kɛrɛ yaŋ tha nə la thəkəs ka Kraystȧŋ,

AŋƐfisɔs 5:6

Te nu selɔ wuni o wuni ɔ tɔns nu rə sim təfoth; kotȧy-e salata mȧtȧy ame rabaŋ da Kuru rə derər aŋwuth ȧthȧnthonɛ.

AŋFilipai 3:2

Bumnɛ nu mətən, bumnɛ nu afəm aləs, dɛ yi ȧŋbirons,

AŋKɔlɔsi 2:18

Te selɔ wuni o wuni ɔ keyr nu ȧŋrȧm a nu rə kəyɔ nu nə ba kəthoranɛ kəyɔr, thalɔm rə kəbatho amaleka; pə yi wuni ɔwe mə kori korinɛ ka manəŋk ama ɔ po nənk, kɔ ŋatanɛ rə ȧmerȧ afoth kətȧŋȧnɛ ka mafela ma madɛr.

AŋKɔlɔsi 2:20

Tiyȧŋ bepi nə po fi yi Krayst ka matanstans ma raru-e to pə som nə yɔ ras mɔ mȧ pə yi ȧdȧru rə ba nu-e, tə kəyi nə taŋanɛ ɛsiraŋ mɔ-e,

AŋKɔlɔsi 2:23

Tɛntɛnɛ mȧtȧy ame mə ba mȧbȧlȧnɛ ma kȧtemp ȧke mə mar rə kəbatho, yi kəthorȧnɛ dɛ yi kəwopnɛ ȧŋdɛr, kɛrɛ mə mar hɛ wuni tə kətham ɛfela ya madɛr hali.

1 Timɔthi 6:20

Timɔthi, bumər tȧteŋ ȧtȧ a po maŋkər mu, gbukɛ tȧfɔf tələs yi təyay yi ɛpɛnsanɛ ya kȧte tȧrȧ tȧteŋ.

2 Timɔthi 3:13

Kɛrɛ afəm aləs yi afəm ayaŋfa aŋ tə bȧr gbo yi aləs, aŋ tə tɔns alɔm, ɔwa aŋ tə tɔnsnɛ.

AŋHibru 13:9

Te nu lafthɛ ka mȧthəksa mətel məgbanthɛ tətəp, kotȧy-e pǝ yi ɔfinɔ bepi a bȧkəs ɛmerȧ ɛ nu rɛ aboŋa-e, beta rɛ masəm ma ɛyɛt ɛdi ama te gbəli mar ŋaŋ aŋa wop ma.

AŋHibru 3:12

Bumnɛ nu finɔ, awɔnt, ta thani ȧmerȧ aləs ŋa kəte lanɛ aŋ tə yi kətɔŋ ka nu, ɔwa aŋ tə yɔ nu nə bȧrȧ kəmuth ka ɔKuru ukəli.

1 Pitar 1:18

Ȧtesoma-e nə tȧrȧ kəpa a bani hɛ nu yi ɛyɛt ɛyɛ ba kələsȧ, mɔ akala ȧferȧ dɛ yi məbɔŋɔ, kəwur ka mayi ma nu məyay ama nə sɔthɔ kəwur ka aŋbemba-a nu;

2 Pitar 3:17

Tiyȧŋ abɔthər, ma nə po tȧrȧ mȧtȧy ame, bumnɛ nu kȧmȧ nə te sapəra ka kayɛtha ka aŋfəm aləs, yi kȧmȧ nə te fumpɔ kəwur ka matəma ma nu məfinɔ.

2 Yɔn 1:8

Bumnɛ nu, kȧmȧ nə te dim ȧtȧ nə po yɔ kɛrɛ kȧmȧ nə sɔthɔ ȧrȧm agbenthis.