AŋKɔlɔsi 2:6 - Ȧŋlemrȧnɛ Ȧfu

⁶ Tiyȧŋ mɔ mə nə po malanɛ Krayst Yisɔs ɔMarki, yaŋ nə yi tə kəkɔth sɔ do rɔŋɔŋ.

AŋKɔlɔsi 2:6 ပူးပေါင်းရင်းမြစ်များ

Mathiu 10:40

Ɔwe malanɛ nu ɔ malanɛ mi, ɔwa ɔwe malanɛ mi-e, ɔ malanɛ ɔwe som mi.

Yɔn 13:20

I kanɛ nu tɛntɛnɛ, Ɔwuni ɔwe malanɛ wuni o wuni ɔwe i som-e, ɔ malanɛ minɛŋ; ɔwa ɔwuni ɔwe malanɛ mi-e, ɔ malanɛ kɔnɔŋ ɔwe som mi.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

1 AŋKɔrenth 1:30

Kɛrɛ salata mabotəs ma Kuru-e, naŋ nə yi rokor ka Krayst Yisɔs. Kɔnɔ yi kȧtemp, yi mȧlompi, yi kasəməsnɛ dɛ yi kabani kȧsu,

2 AŋKɔrenth 5:7

ȧtesoma-e sə kɔth rə kəlanɛ, pə yi hɛ rə kəkəli.

AŋKȧletia 2:20

A po taŋtaŋ mi ka akənt kəpəŋkinɛ yi Kraystȧŋ, halisa i ba ŋesəm; kɛrɛ min tha sɔ, pə yi Kraystȧŋ kɔnɔ ɔ yi ukəli rokor kȧmi. Ɔwa aŋesəm aŋa i ŋesəm ka madɛr ka-ake, i ŋesəm kətaŋ ka kȧlanɛ ka ɔWan ka Kuru ɔwe bɔthər mi, kɔ sɔndnɛ ta ȧtȧ mi.

AŋKȧletia 3:26

Ȧtesoma-e naŋ bɛ nə yi awuth ŋa Kuru, asabu ŋa kȧlanɛ ka Yisɔs Kraystȧŋ.

AŋƐfisɔs 4:1

Tiyȧŋ minɛŋ, ɔkɛndɛbira ka ɔMarki, i nɛmthɛnɛ nu kȧmȧ nə kɔth mɔ mə nə yi tə kəkɔth ka katela ȧke a poŋ tela nu,

AŋFilipai 1:27

Kɛrɛ yɔ nu kȧmȧ mȧyɔs ma nu mə yi məgbɛt ta ȧkɛra kəfinɔ ka Kraystȧŋ; kȧmȧ pə yi-e, bepi i der kori nu, thalɔm i bəpər hɛ, i gbəli təl ta mȧyɔs ma nu, kəpa nə təmȧ kəŋkəŋ ka mȧyi min dɛ yi ȧmerȧ ŋin tə kətim ta kȧlanɛ ka ȧkɛra kəfinɔ ka Kuru.

AŋKɔlɔsi 1:10

Kama nə kɔth ɔbeki ka ɔMarki yi kəbɔnɛs tȧy bɛ, dɛ yi kȧmȧ nə wurɔ məkomi rə məyɔs o məyɔs məfinɔ, kȧmȧ nə bȧrnɛ sɔ-e ka kȧtȧrȧ ka Kuru.

AŋKɔlɔsi 3:17

Ɔwa koko bɛ mȧ nə yɔ, pə yi rə məpa thalɔm rə məyɔs, yɔ ti nu ka ȧŋes ŋa ɔMarki Yisɔs, dɛ yi kəsɔŋ mɔmɔ ka Kuru ɔKas kətaŋ do rɔŋɔŋ.

1 AŋThɛsȧlonika 4:1

Ka kaləpsɔ sə nɛmthɛnɛ nu awɔnt, ɔwa sə maŋ nu ka ɔMarki Yisɔs, kəpa mɔ mə sə po tɔri nu to nə yi tə kəkɔth dɛ yi tə kəbɔnɛs Kuru-e, mɔlɔ min mɔ mə nə kɔth thɔŋ ka-ake, ɔwa bȧsər nu kɔ kədi.

AŋHibru 3:14

kotȧy-e saŋ sə yi ayeranɛ ka Krayst, bepi sə wop ɔbaksər kapələnɛ kȧsu kətɔtɔkɔ haŋ ka ɔləpsɔ.

1 Yɔn 2:6

Kɔn ɔwe mə pa ɔ yi ro ŋɔŋ, ɔ yi sɔ tə kəkɔth mɔ kɔnɔ ɔ kɔth.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.

Yud 1:3

Ambɔthər a mi, ma i bot ȧŋmerȧ a mi tə kəgbalər nu ta kakisi kȧsu bɛ, ȧŋmerȧ a mi aŋ yagba mi tə kəgbalər nu yi kəmaŋ nu kȧmȧ nə bumər ɔfinɔ kȧlanɛ ȧke a po lȧnki win haŋ thəbana ka aŋfəm asəm.