AŋKɔlɔsi 2:15 - Ȧŋlemrȧnɛ Ȧfu

¹⁵ kɔ ləsər aŋfɔsɔ ŋa agbəka dɛ yi abȧy bɛ, ɔwa ɔ tɔri gbafəth kəpa ɔ po tham ŋa ka akənt kɔŋ kəpəŋkinɛ.

AŋKɔlɔsi 2:15 ပူးပေါင်းရင်းမြစ်များ

Mathiu 12:29

Thalɔm to wuni mǝ ɔ gbǝli wɔŋ rǝ ȧŋseth ŋa wuni ba afɔsɔ tǝ kǝlukǝs ɛyɛt yɔŋ thambe ɔ mɔtha sek ɔwuni kati-e? Kǝdarǝŋ kati ɔ tǝ gbǝli tɛn lukǝs ɛyɛt ya ȧŋseth ŋɔŋ.

Luk 10:18

kɔ pa ro ŋaŋ, I nənk Sethani ɔ fumpɔ mɔ ɔnakthinɛ kəwur ka ȧkuru.

Luk 11:22

kɛrɛ bepi ulɔm ɔ der ɔwe ba afɔsɔ athasi kɔ-e, ɔ tham kɔ, ɔ tə nɔy kɔ ɛyɛt yɔŋ ɛtima bɛ ɛyɛ ɔ sɛlinɛ, ɔ tə yerəs ɛyɛt ɛluk yɔŋ.

Yɔn 16:11

ta kəthoŋkas ɛpa, pəkasifɛ a po thonkas ɔwe yi rȧbomp ra ȧdȧru are.

Yɔn 19:30

Ɔwa ma Yisɔsȧŋ ɔ po nɔy aŋfinikar, ɔ pa, Tə poŋ: ɔ saŋ rȧbomp rɔŋ ɔ ternɛ.

1 AŋKɔrenth 15:24

Kədarəŋ kati ɔthalnɛ ɔ bek, ɔwa ka ȧŋlɔkɔ ŋati ɔ tə lȧnki rȧbȧy ka Kuru ɔKas gbeŋ, ma ɔ po ləsər aŋbȧy bɛ, yi aŋgbəka bɛ, dɛ yi aŋfɔsɔ bɛ.

2 AŋKɔrenth 2:14

Kɛrɛ i muti Kuru mɔmɔ, ɔwe mə kera su lɔkɔ o lɔkɔ rə katham ka Kraist-e, dɛ yi ɔwe mə sakthi ȧŋbɔnt abɔthi ŋa kȧtȧrȧ kɔŋ dɛr o dɛr ka kȧta kȧsu.

2 AŋKɔrenth 4:4

Ka ȧŋgbȧp a ŋaŋ ɔkuru ka ȧdȧru are ɔ po fithəs ɛmerȧ ya ante lanɛ kȧmȧ ɔwaŋ wa mapa məfinɔ ma aŋyiki ŋa Krayst ɔwe yi mȧbȧlȧnɛ ma Kurɔŋ ɔ te gbɛnthar ŋa.

AŋƐfisɔs 3:10

Kama aŋchɔch ka-ake aŋ gbəli yɔ aŋkərbomp dɛ yi ɛfɔsɔ ya ȧkȧriyana aŋ tȧrȧ kȧtemp kəgbaskɛ gbaskɛ ka Kuru.

AŋƐfisɔs 4:8

Te ba ti ɔ pa, Ma ɔ ŋat rokɔm ɔ kera atɛndɛbira agbȧthi, Ɔwa ɔ sɔŋ ɛboya ka aŋfəm.

AŋƐfisɔs 6:12

kotȧy-e katim kȧsu kə yi hɛ kəŋamnɛ mədɛr yi mətir, kɛrɛ kəŋamnɛ ŋatəbomp-e, təbay-e, aŋgbəka ŋa ȧŋsum ŋa ȧdȧru are-e, dɛ yi kəŋamnɛ ɛyina ɛləs ya aŋfena.

AŋKɔlɔsi 1:16

kotȧy-e, ka aŋyɛthɛ ŋɔŋ ɔ təpi ɛyɛt bɛ, ɛyɛt ya ro riyana, yi nɔru, ɛyɛ mȧ sə nəŋka rəfɔr dɛ yi ɛyɛ mȧ sə te nənk, pə yi təbȧy-o, təthɔf-o, ɛbomp-o, thalɔm agbəka-o; a təpi ɛyɛt bɛ do rɔŋɔŋ dɛ yi kətȧŋȧnɛ kɔŋ.

AŋKɔlɔsi 2:10

Ɔwa naŋ nə yi agbenthis do rɔŋɔŋ, ɔwe yi ɔgbəka ka agbəka dɛ yi ɔbȧy ka abȧy bɛ.

AŋHibru 2:14

Tiyȧŋ ma aŋwuth aŋ ba madɛr yi mȧtir ma rawuni kəpet-e, kɔn kɔnɔnɛ sɔ ɔ gbasi mayi mati kȧmȧ kətȧŋȧnɛ ka rȧfi ɔ gbəli ləsər kɔn ɔwe ba aŋfɔsɔ ŋa rəfi, kɔnɔ yi mɔ Sethani.

Kȧŋȧibinɛ 12:9

Ka a wurɔ ȧŋninkinanka ubana, pə yi mɔ ȧŋbok ukur ɔwe a tela ɔkərəfi dɛ yi Sethani, ɔwe tɔns ȧdȧru bɛ. Ka a fitha kɔ ka ȧdȧru dɛ yi aŋmȧleka ŋɔŋ sɔ.

Kȧŋȧibinɛ 20:10

Ka a fitha Sethani ɔwe yɛthas ŋa-e ka ȧŋbonka ŋa nȧnt dɛ yi ȧsɔlfɔ, ro ɔsɛm utuy tȧy dɛ yi ɔnȧbi uyem aŋ yi; ɔwa a tə gbaŋar ŋa ri pali gbɛs-əŋ haŋ thȧnkȧŋ thəbana.