AŋKɔlɔsi 2:13 - Ȧŋlemrȧnɛ Ȧfu

¹³ Ɔwa naŋ, ma nə yi ras afi asabu ŋa ɛhakɛ ɛ nu dɛ yi kate birons ka madɛr ma nu-e, a po kəlis nu, (i kȧl pa ti), yi Kraystȧŋ, kɔ tera su makənȧ ma su bɛ.

AŋKɔlɔsi 2:13 ပူးပေါင်းရင်းမြစ်များ

Luk 15:24

Ȧtesoma-e ɔwan kȧmi uruni ɔwe ɔ sa po fi, kɛrɛ ɔ kȧl yi ukəli sɔ; ɔ sa dinɛ kɛrɛ a fir kɔ. Kaŋ təp kəyasanɛ.

Luk 15:32

Pə yi ɔlompi tə kəyɔ met yi kəsel məbɔnɛ, ȧtesoma-e ɔwɔnt mu ɔwe ɔ sa po fi, kɛrɛ ɔ kȧl yi ukəli, ɔ sa dinɛ, kɛrɛ a fir kɔ.

Luk 9:60

Yisɔsȧŋ ɔ pa ro ŋɔŋ, Tey aŋfi tə kəmȧnk ȧŋfi ŋaŋ, kɛrɛ munɔŋ, kɔnɛ mə kɔ taməs rȧbȧy ra Kuru.

Yɔn 5:21

Mɔ mə ɔKas ɔ yokas aŋfi, dɛ ɔ kəlis ŋa-e, yaŋ sɔ ɔWan ɔ kəlis ɔwe ɔ yema.

Yɔn 6:63

Aŋyina kɔnɔ mə sɔŋ aŋesəm; madɛr mə yi hɛ koko: ȧsim ȧte i po kanɛ nu, tə yi ayina, yi ŋesəm.

AŋRomans 4:17

(mɔ mȧgbal məsəm mə pa, I po səki mu ɔkas ka tȧbona təgbȧthi) rodi ka kɔn ɔwe ɔ lanɛ, pə yi mɔ Kuru Məsaba, ɔwe kəlis aŋfi, dɛ yi ɔwe tela ɛyɛt ɛyɛ te tha yi mɔ ɛ yi.

AŋRomans 6:13

Te sɔnd malaŋktha ma madɛr ma nu ka ahakɛ mɔ ɛyɛt ɛtima ya mȧkənȧ, kɛrɛ sɔndnɛ ka Kuru mɔ afəm akəli aŋa po wur ka rəfi kəkɔ ka aŋesəm, yi malaŋktha ma madɛr ma nu mɔ ɛyɛt ɛtima ya məlompi salata Kuru.

AŋRomans 8:11

Bepi ɔYina ka kɔn ɔwe yokas Yisɔs kətɔŋ ka aŋfi ɔ yi rokor ka nu-e, kɔn ɔwe yɔ Yisɔsȧŋ ɔ kȧl yokanɛ ka rəfi ɔ tə sɔŋ aŋesəm ka madɛr ma nu salata ɔYina kɔŋ ɔwe yi rokor ka nu.

1 AŋKɔrenth 15:36

Mun pəŋk, mater ama mə sak mə lɔkɔ hɛ thambe mə mɔtha fi.

1 AŋKɔrenth 15:45

Tiyȧŋ a gbal ti kəpa, Ɔwuni utɔtɔkɔ Adȧmȧŋ a səki kɔ wuni ba ŋesəm; kɛrɛ ɔAdȧm uləpsɔ kɔnɔ yi ɔYina ɔwe sɔŋ aŋesəm.

2 AŋKɔrenth 3:6

kɔnɔ sɔ ɔ po yɔ su saŋ abeki tə kəyi ɛbɔy ya aŋlemranɛ afu; pə yi hɛ ka asikra, pə yi ka ɔYina; kotȧy-e asikra, ŋə mə dif, kɛrɛ ɔYina kɔnɔ mə sɔŋ ŋesəm.

2 AŋKɔrenth 5:19

tə kəyi Kuru ɔ yi ka Kraystȧŋ tə kəyɔ kȧmȧ adaru rə kȧl manɛ yi kɔn kɔnɔnɛ. Ɔwa ɔ lɔm hɛ do rɔŋaŋ maləs maŋ; kɔ po maŋkər su ȧrim ra kȧkal manɛ.

AŋƐfisɔs 2:1

Ɔwa naŋ sɔ, Kuru ɔ po kəlis nu ma nə la yi ras afi ka ɛhakɛ yi mȧyɔs ma nu mələs;

AŋƐfisɔs 2:11

Tiyȧŋ kala nu ȧmerȧ kəpa naŋ nə la yi təbona təlɔm ka rawuni kəpet-e, aŋa ȧŋbirons aŋ tela ante birons kabirons ȧke ma yɔ rɛ məta maŋ ley.

AŋƐfisɔs 5:14

Tiyȧŋ ɔ pa, Thəmɛ munɔ ɔwe dirȧ-e, yokanɛ ka rafi, ɔwa Kraystȧŋ ɔ tə sɔŋ mu ȧŋmothȧ.

AŋKɔlɔsi 2:12

Ka a po maŋk nu yi kɔn ka ȧŋbaftisəm, ro pə yi ka-ake a yokas nu sɔ yi kɔn kətȧŋȧnɛ ka kȧlanɛ ka mapanth ma Kuru ɔwe po yokas kɔ ka rafi.

1 Timɔthi 5:6

kɛrɛ ubora ɔwe bɔthər mabɔnɛ ma raru-e ɔ yi ufi hali ma ɔ yi ras ukəli.

1 Timɔthi 6:13

I maŋ mu ka kȧbəprȧnɛ ka Kuru, ɔwe mə sɔŋ ŋesəm ka koko bɛ ara ɔ bɛmpa, dɛ yi rodi ka Yisɔs Kraystȧŋ, ɔwe po sɔŋ məseri məfinɔ rodi ka Pɔntiɔs Pailat-e.

AŋHibru 6:1

Tiyȧŋ maŋ kɔnɛ nu rodi haŋ sə po tɛŋa. Maŋ tey nu mathəksa mətɔtɔkɔ ma Kraystȧŋ; maŋ te nu kȧl bot ɔtəmər wa kȧlanɛ kȧsu ɔwe yi mɔ kəthupi kəwur ka məpanth məfi, dɛ yi kəlanɛ Kuru,

AŋHibru 9:14

pə tha gbethi mȧtir ma Kraystȧŋ ɔwe sɔndnɛ ugbəraŋ ka Kuru kətȧŋȧnɛ ka ɔYina uthəbana-e, mə gbəli fethər ɛmerȧ ɛ nu kəwur ka məyɔs məfi kəkɔ ka kəbatho ɔKuru ukəli.

Yeməs 2:17

Ya pə yi sɔ-e, kəlanɛ, bepi kə tɔri hɛ məyɔs, kə yi kəfi.

Yeməs 2:20

Kɛrɛ ɔwuni yay, mə yi tə kətara kəpa kəlanɛ ȧke te ba məyɔs kə yi kəfi.

Yeməs 2:26

kotȧy-e mɔ mə ȧŋdɛr aŋ fi bepi aŋ ba hɛ ŋesəm-e, ya pə yi sɔ kəlanɛ kə fi bepi kə ba hɛ məyɔs.

1 Yɔn 2:12

I gbalər nu, awuth a mi alɔl, pəkasifɛ a po tera nu ɛhakɛ ɛ nu salata ȧŋes ŋɔŋ.