AŋKɔlɔsi 1:9 - Ȧŋlemrȧnɛ Ȧfu

⁹ Ȧtesoma-e saŋ sɔ, kȧbi ka ȧŋrey aŋa sə po təl ti-e, sə tey hɛ bɛ tə kəramnɛ dɛ yi kənɛmthɛnɛ ta ȧtȧ nu, kaŋka nə la yi kȧtȧrȧ ka mȧselɔ mɔŋ, rə kətemp dɛ yi kətara tȧy bɛ rə ɔYina.

AŋKɔlɔsi 1:9 ပူးပေါင်းရင်းမြစ်များ

Yɔn 7:17

Bepi wuni o wuni ɔ selɔ tə kəyɔ mȧselɔ mɔŋ-e, ɔ tə tȧrȧ ta kathəksa, bepi kə wur ka Kuru, thalɔm bepi i fɔf kəwur ka ȧŋmerȧ a mi son.

Mȧyɔs ma aŋsom 12:5

Tiyȧŋ a bɛnɛ Pita ka ȧŋseth ŋa tərənka, kɛrɛ aŋchɔch aŋ tey hɛ kənɛmthɛnɛ Kuru ta atɔŋ.

AŋRomans 12:2

Te taŋanɛ mȧtȧy ma ȧdȧru ȧre, kɛrɛ lafthɛ kȧmȧ ɛmerȧ ɛ nu ɛ səkɛ ɛfu, kȧmȧ nə gbɛlɛŋ mȧselɔ ma Kuru ama yi məfinɔ, məthesa yi məgbenthis.

1 AŋKɔrenth 1:5

tə kəyi nə po sɔthɔ rəyola kəwur do rɔŋɔŋ rə sim yi kətara tȧy bɛ.

AŋƐfisɔs 1:8

aŋa ɔ yer su ɔgbȧthi ɔlay rə kətemp dɛ yi kətara tȧy bɛ,

AŋƐfisɔs 5:10

Thəkəs nu-e kȧmȧ nə tȧrȧ ko mə bɔnɛs ɔMarki.

AŋƐfisɔs 5:17

Ɔwa te nu yi mɔ afəm aŋa te tȧrȧ, kɛrɛ sɔthnɛ ko mȧselɔ ma ɔMarki mə yi.

AŋƐfisɔs 6:6

Ta pə te yi rə kəyɔna gbo ro der ka ŋaŋ kəri, mɔ ŋaŋ aŋa mə yɔr tə kəbɔnɛs afəm. Kɛrɛ ta pə yi mɔ ɛbɔy ya Krayst aŋa mə yɔ mȧselɔ ma Kuru ka ɛmerȧ yaŋ.

AŋFilipai 1:4

ɔwa ka taramnɛ ta mi bɛ i thola ta ȧtȧ nu bɛ yi məbɔnɛ,

AŋKɔlɔsi 1:6

Ȧrim rati rə bek do rɔnu mɔ mȧ rə po yɔ ka ȧdȧru rəlolok bɛ. Ɔwa rə kȧl wurɔ ŋani mɔ mə rə yɔ do rɔnu kȧbi ka ȧŋrey ma nə mɔtha təl, ɔwa nə mɔtha tȧrȧ ȧŋboŋa ŋa Kuru təteŋ;

AŋKɔlɔsi 3:16

Yɔ nu kȧmȧ ȧrim ra Krayst rə bȧkər ka ɛmerȧ ɛ nu, mɔ rəka rəkɛŋ. Thəksanɛ nu, ɔwa maŋanɛ nu ka ȧŋSams yi məleŋ ma ro Yina məgbaskɛ gbaskɛ, ɔwa lensir nu ɔMarki rə aboŋa ka ɛmerȧ ɛ nu.

AŋKɔlɔsi 4:12

Ɛpafras ɔwe yi ukin ka nu-e, ȧbɔy ŋa Yisɔs Krayst, ɔ kori nu; lɔkɔ o lɔkɔ ɔ sulnɛ ka taramnɛ tɔŋ ta ȧtȧ nu, kȧmȧ nə təmȧ agbenthis dɛ yi apələnɛ ka mȧselɔ ma Kuru.

AŋKɔlɔsi 4:5

Kɔth nu rə kətemp rodi ka ŋaŋ aŋa te lanɛ, ɔwa botnɛ nu to mə nə kianɛ ȧŋlɔkɔ.

1 AŋThɛsȧlonika 1:3

Sə kala ȧmerȧ alɔkɔ bɛ ta mapanth ma kȧlanɛ ka nu dɛ yi mȧyɔs ma məbɔthər-e, dɛ yi kamuyu ka kagbak ka nu ȧmerȧ ka ɔMarki kȧsu Yisɔs Krayst, rodi ka Kuru ɔKas kȧsu;

1 AŋThɛsȧlonika 5:17

Te nu tey kəramnɛ.

2 AŋThɛsȧlonika 1:11

Tiyȧŋ saŋ sɔ sə ramnɛ ta ȧtȧ nu katkat, kȧmȧ ɔKuru kȧsu ɔ gbəli nənk nu kəyi abeki ta katela ka nu, ɔwa kȧmȧ ɔ kȧl gbenthis rə afɔsɔ məfela o məfela məfinɔ, dɛ yi məpanth o məpanth ma kəlanɛ,

Faylimɔn 1:4

I bont ȧŋes a mu lɔkɔ o lɔkɔ ka taramnɛ ta mi, rə kəsɔŋ Kuru mɔmɔ.

Faylimɔn 1:6

Kaŋka kayeranɛ ka aŋlanɛ a mu kə gbəli yɔ kȧmȧ alɔm aŋ tȧrȧ ta tȧy o tȧy ta su təfinɔ ȧtȧ yi rokor ka Yisɔs Kraystȧŋ.

AŋHibru 10:36

kotȧy-e nə ba tə kəmuyu, kȧmȧ ma nə po yɔ mȧselɔ ma Kuru-e, nə tə sɔthɔ aŋlahiri:

AŋHibru 13:21

ɔ yɔ nu nə yi agbenthis rə tȧy o tȧy təfinɔ, tə kəyɔ mȧselɔ mɔŋ, kȧmȧ ɔ yɔ mapanth rokor ka nu ama mə mar nu tə kəbɔnɛs kɔ, kətȧŋȧnɛ ka Yisɔs Krayst; ɔwe ba ayiki thȧnkȧŋ o thȧnkȧŋ. Amina.

Yeməs 1:5

Kɛrɛ bepi ukin ka nu ɔ ba hɛ kətemp ka rəbaki-e, ta ɔ tholir Kuru ɔwe yi ufonsiri, ɔwe mə yer rə məthɛkɛ tha, ɔwa a tə sɔŋ kɔ ki.

Yeməs 3:17

Kɛrɛ kȧtemp ka rəbaki ȧke wur rokɔm kətɔtɔkɔ bɛ kə yi kəfera, kədarəŋ kati kə yi kəthɔfəl, kərusəma finɔ, kətuy hɛ nɛmthɛnɛ, kəla ȧney, kəba məkomi məfinɔ, kəte ba agbȧy, kəte ba ayaŋfa.

1 Pitar 2:15

Ȧtesoma-e mȧselɔ ma Kuru miəŋ, kəpa ye nə yi tə kəkantha tasəŋ ta ante tȧrȧ rə kəyɔ məfinɔ,

1 Pitar 4:2

kȧmȧ ɔ te sɔ yirȧ ka marey ma aŋesəm ŋɔŋ bɛ tə kəthənsər mafela ma madɛr, kɛrɛ tə kəyɔ mȧselɔ ma Kuru.

1 Yɔn 2:17

Raru rə tə thas yi mafela mati, kɛrɛ kɔn ɔwe mə yɔ mȧselɔ ma Kuru ɔ tə yi haŋ thȧnkȧŋ thəbana.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.