AŋKɔlɔsi 1:5 - Ȧŋlemrȧnɛ Ȧfu

⁵ asabu ŋa kagbak ȧmerȧ ȧke a bɛnɛ ta ȧtȧ nu ro riyana, ȧke nə po təl kətȧŋȧnɛ ka ȧrim ra tȧteŋ ta ȧkɛra kəfinɔ ka Kuru.

AŋKɔlɔsi 1:5 ပူးပေါင်းရင်းမြစ်များ

Luk 12:33

Thila ɛyɛ nə ba, ɔwa sɔŋ ɛboya ka ȧŋmɔnɛ, bɛmpanɛ nu ɛbuthu ɛyɛ mə te kura, kɛŋ ka ro riyana ȧke mə te poŋ ro ukei ɔ te fat ɔwa amɔrka aŋ te ləsər.

Mȧyɔs ma aŋsom 10:36

Ȧrim ara ɔ som ka aŋwuth ŋa Isrɛl ara tɔri ȧkɛra kəfinɔ ka məthɔfəl ka kȧta ka Yisɔs Kraystȧŋ (kɔnɔ yi ɔMarki ka bɛ);

Mȧyɔs ma aŋsom 13:26

Awɔnt a mi, aŋwuth ŋa rȧkomra ra Ebraham, yi ŋaŋ aŋa nesa Kuru kətɔŋ ka nu-e, a som ȧrim ra kakisi ake ro rɔsu.

Mȧyɔs ma aŋsom 23:6

Kɛrɛ ma Pɔlȧŋ ɔ nənk kəpa ȧgbȧp ŋin ŋa aŋfəm aŋ yi aSadusi-e, ɔwa ȧgbȧp alɔm aFaresi-e, ɔ ŋata rim lɛɔ ka aŋgbanɛ, ɔ pa, Aŋwɔnt mi, minɛ i yi uFarisi, uwan ka uFarisi. Ta kagbak ȧmerȧ yi kȧyokanɛ ka aŋfi, ta a re thonkas mi.

Mȧyɔs ma aŋsom 24:15

Ka i ba kagbak ȧmerȧ ka Kuru ȧke ŋaŋ gbeŋ aŋ malanɛ kəpa kȧyokanɛ ka aŋfi kə yi, ta aŋlompi yi ta aŋkənȧ.

AŋRomans 10:8

Kɛrɛ to mə pa thɔŋ-a? Ȧrim rə fȧti mu, hali ka kȧsəŋ ka mu yi ka ȧŋmerȧ a mu; rə yi mɔlɔ ma ȧrim ra kȧlanɛ ara sə taməs.

1 AŋKɔrenth 13:13

Ɔwa kȧlanɛ-o, kȧgbak amera-o, dɛ yi mȧbɔthər-o, mȧtȧy məsas ame maa yi; kɛrɛ mȧbɔthər miȧ tha bondȧ.

1 AŋKɔrenth 15:19

Bepi ka ȧdȧru are gbo gbɛt sə ba kəgbak ȧmerȧ ka Kraystȧŋ, sə yi afəm anɔsinɛ pəthas afəm alɔm bɛ.

2 AŋKɔrenth 5:19

tə kəyi Kuru ɔ yi ka Kraystȧŋ tə kəyɔ kȧmȧ adaru rə kȧl manɛ yi kɔn kɔnɔnɛ. Ɔwa ɔ lɔm hɛ do rɔŋaŋ maləs maŋ; kɔ po maŋkər su ȧrim ra kȧkal manɛ.

2 AŋKɔrenth 6:7

ka ȧrim ra təteŋ, ka aŋfɔsɔ ŋa Kuru, ka ɛyɛt ɛtima ya məlompi ka kȧdiyɔ yi ka kȧmɛrɔ,

AŋKȧletia 2:14

Ma i nənk kəpa aŋ kɔth hɛ toloŋ kətȧŋȧnɛ ka tȧteŋ ta mapa məfinɔ ma Kuru-e, i pa ka Pita rodi ka ŋaŋ bɛ, Bepi munɔ ma mə yi uYuda-e, mə yɔ mɔ tȧbona təlɔm, dɛ yi mɔ uYuda thahɔ, ta kɔyɛŋ mə yema yɔ tȧbona təlɔm aŋ yɔ mɔ aŋYuda-e?

AŋKȧletia 2:5

kɛrɛ sə sɔŋ hɛ ŋa afɛrɛ hali ka alɔkɔ agbut; kȧmȧ tȧteŋ ta mapa məfinɔ ma Kuru tə gbəli tiyȧ do rɔnu.

AŋKȧletia 5:5

kotȧy-e saŋ, kətȧŋȧnɛ ka ɔYina-e, sə kar kagbak ȧmerȧ ka mȧlompi ama mə der ka kəlanɛ.

AŋƐfisɔs 1:13

Do rɔŋɔŋ nə bot ɛmerȧ ma nə poŋ təl ȧrim ra tȧteŋ, mapa məfinɔ ma Kuru ka kakisis ka nu. Ɔwa ma nə po lanɛ kɔ-e, a mathlɛ nu yi ɔYina məsəm ɔka aŋlahiri,

AŋƐfisɔs 4:21

bepi pə yi ti yathi kəpa nə po təlȧ kɔ, ka a po thəksa nu mɔ tȧteŋ tə yi rokor ka Yisɔsȧŋ.

AŋKɔlɔsi 1:23

Bepi pə yi gbo-e nə bȧkər asɔbɛ ka kȧlanɛ, ɔwa nə təmȧ kəŋkəŋ abȧki gbaŋ, nə gbapɛ hɛ kagbak ȧmerȧ ka nu ka ȧkɛra kəfinɔ ȧke nə po təl, dɛ yi ȧke a po kawandi ka wuni o wuni nɔru. Ɔwa minɛŋ, Pɔl, a səki mi ukɔtha ka ȧkɛra kati.

AŋKɔlɔsi 1:27

Pə bɔnɛs Kuru sɔ tə kətɔri ŋa rayola ra aŋyiki ŋa aŋgbundu aŋe kətɔŋ ka tȧbona təlɔm; aŋa mə yi Krayst rokor ka nu, kagbak ȧmerȧ ka ayiki.

AŋKɔlɔsi 3:16

Yɔ nu kȧmȧ ȧrim ra Krayst rə bȧkər ka ɛmerȧ ɛ nu, mɔ rəka rəkɛŋ. Thəksanɛ nu, ɔwa maŋanɛ nu ka ȧŋSams yi məleŋ ma ro Yina məgbaskɛ gbaskɛ, ɔwa lensir nu ɔMarki rə aboŋa ka ɛmerȧ ɛ nu.

1 AŋThɛsȧlonika 2:13

Ta ȧtȧy ȧte sɔ sə mɔmɔ Kuru lɔkɔ ɔ lɔkɔ, pəkasifɛ ma nə malanɛ ȧrim ra ȧkɛra ka Kuru ȧke sə tɔri nu-e, nə malanɛ hɛ ri mɔ ȧrim ra wuni kəpet-e, kɛrɛ mɔ mə rə yi yathi ȧrim ra Kuru tə tɛntɛnɛ, ara mə yɔ məpanth ka ɛmerȧ ɛ nu aŋa po lanɛ.

2 AŋThɛsȧlonika 2:16

Ɔwa ka-ake, ɔMarki kȧsu Yisɔs Krayst kɔn kɔnɔnɛ, yi Kuru ɔKas kȧsu ɔwe po bɔthər su, dɛ yi ɔwe sɔŋ su kəbɛfəth dɛ yi kəgbak ȧmerȧ kəthəbana kətȧŋȧnɛ ȧŋboŋa ŋɔŋ,

1 Timɔthi 1:15

Ȧŋpa aŋe aŋ yi abɔthi malanɛ bɛ, ɔbeki ta afəm bɛ tə kəlanɛ, kəpa ye Krayst Yisɔs ɔ der ka ȧdȧru tə kəkisis afəm ŋa ahakɛ; ɔwa minɛ yi ɔbȧy ka ŋaŋ.

2 Timɔthi 4:8

Tiyȧŋ ȧniyɔ ŋa mȧlompi aŋ yi ta ȧtȧ mi, aŋa ɔMarki, ɔThoŋkas ulompi, ɔ tə sɔŋ mi ka ȧŋrey ŋati; ɔwa pə yi hɛ ta ȧtȧ mi gbo son-e, kɛrɛ ta ȧtȧ ŋaŋ bɛ aŋa bɔthər kȧder kɔŋ.

Taytɔs 1:2

Ka kagbak ȧmerȧ ka aŋesəm thəbana, ȧke Kuru-e, ɔwe gbəli hɛ yema, ɔ po lahiri kȧbi ka ɔtəpɛr wa ȧdȧru;

AŋHibru 7:19

(kotȧy-e ȧŋthɔ aŋ səki hɛ koko rəgbenthis). Kɛrɛ ka ȧŋgbȧp alɔm a sɔŋ su kəgbak ȧmerȧ kəfisa, ɔwa kətȧŋȧnɛ kati sə gbəli fatər Kuru.

1 Pitar 2:2

mɔ təlɛnth, fela nu ȧmȧsȧ mətəteŋ ma ȧrim ra Kuru, kȧmȧ ri kati-e, nə tɛŋa.

1 Pitar 3:15

Kɛrɛ pɔlɔ nu Krayst kȧmȧ ɔ yi ɔMarki ka ɛmerȧ ɛ nu; ɔwa yi nu abɛnɛnɛ alɔkɔ o lɔkɔ tə kəgbakia wuni o wuni ɔwe mə yif salata kagbakər ȧmerȧ ȧke yi nu rokor, rə rənes yi məthɔfəl;

2 Pitar 1:12

Tiyȧŋ i ba hɛ kəthamrɔ tə kəgbɛlɛŋ ɛmerȧ ɛ nu ta mȧtȧy ame lɔkɔ o lɔkɔ, hali ma nə tȧrȧ thɔŋ, ɔwa nə poŋ thɔŋ bȧksər ka tȧteŋ ȧtȧ nə ba ka-ake.

1 Yɔn 3:3

Ɔwa wuni o wuni ɔwe ba kabot ȧmerȧ ake ɔ tə gbəransnɛ, mɔ mə Krayst ɔ yi ugbəraŋ.