AŋKɔlɔsi 1:28 - Ȧŋlemrȧnɛ Ȧfu

²⁸ Ɔwa sə taməs rə kəmaŋ wuni o wuni dɛ yi kəthəksa wuni o wuni rə kətemp bɛ; kȧmȧ sə gbəli lȧnki wuni o wuni ugbenthis rokor ka Krayst Yisɔs.

AŋKɔlɔsi 1:28 ပူးပေါင်းရင်းမြစ်များ

Mathiu 28:20

ɔwa thǝksa ŋa tǝ kǝwop mȧtȧy bɛ ama i po yamari nu. Ɔwa minɛȧŋ i yi yi naŋȧŋ alɔkɔ o lɔkɔ, haŋ ka ɔthalnɛ wa ȧdȧru. Amina.

Mathiu 3:7

Kɛrɛ ma ɔ nənk aFaresi yi aSadusi agbȧthi aŋ der kȧmȧ ɔ baftays ŋa, ɔ pa ro ŋaŋ, Naŋ, na rȧkomra ra ɛgbɔrɔ, kanɛ maŋ nu tǝ kǝgbukɛ rabaŋ ara mǝ der-e?

Mathiu 5:48

Tiyȧŋ yi nu agbenthis mɔ mǝ ɔKas ka nu ɔwe yi ro riyana ɔ yi ugbenthis.

Mark 6:34

Ma Yisɔsȧŋ ɔ wur ro bil-e, ɔ nənk runiya rəbana ka ȧney abana aŋ wop kɔ, pəkasifɛ aŋ yi mɔ təlɔmɛ aŋa te ba utɔl, kɔ təp kəthəksa ŋa mȧtȧy məgbathi.

Luk 21:15

ȧtesoma-e i ti sɔŋ nu kəsəŋ yi kətemp ȧke aŋtheranɛ a nu bɛ aŋ te gbəli pɛnsa ɔwa aŋ te gbəli wosa.

Mȧyɔs ma aŋsom 10:36

Ȧrim ara ɔ som ka aŋwuth ŋa Isrɛl ara tɔri ȧkɛra kəfinɔ ka məthɔfəl ka kȧta ka Yisɔs Kraystȧŋ (kɔnɔ yi ɔMarki ka bɛ);

Mȧyɔs ma aŋsom 11:20

Kɛrɛ aŋlɔm kətɔŋ ka ŋaŋ aŋ yi afəm aruni ŋa ro Saiprɔs yi ro Sirini. Aŋe, maŋ bek ro Antiɔk-e, aŋ fɔfȧnɛ aŋKrik sɔ, aŋ fɔf ta ɔMarki Yisɔs.

Mȧyɔs ma aŋsom 13:38

Tiyȧŋ awɔnt a su, tȧrȧ nu kəpa kətȧŋȧnɛ ka ɔlaŋgba ɔwe a taməs nu katerɔ ka ɛhakɛ;

Mȧyɔs ma aŋsom 17:18

Ka aŋfəm atempi alɔm, aŋƐpikurian yi aŋStoik aŋ bəp kɔ. Alɔm aŋ pa, To wuni thɛlma ɔwe ɔ yema pa-e? Aŋlɔm aŋ pa, Pə yi mɔ ɔ tam ta aturu tətel, pəkasifɛ ɔ tɔri ta Yisɔsȧŋ yi kȧyokanɛ ka rȧfi.

Mȧyɔs ma aŋsom 17:3

ama ɔ yɛksi gbəraŋ, kɔ tɔri kəpa Krayst a ba tə kənakasi, dɛ yi tə kəkal yokanɛ ka aŋfi. Kɔ pa, Yisɔsȧŋ ɔwe ta ɔwe i tɔri nu, kɔnɔ ɔ yi ɔKrayst.

Mȧyɔs ma aŋsom 20:31

Tiyȧŋ bum nu, ɔwa kala nu ɛmerȧ kəpa gbɛs pali-əŋ, mɔlɔ ma təren təsas, i tey hɛ kəmaŋ wuni o wuni yi mantər.

Mȧyɔs ma aŋsom 3:20

kȧmȧ ɔ somra nu Yisɔsȧŋ ɔwe a bont ɔKrayst, ɔwe a po thithȧ nu,

Mȧyɔs ma aŋsom 5:42

Ɔwa ȧrey o rey ka ȧŋseth ŋa Kuru yi ka ɛseth yaŋ aŋ tey hɛ kəthəksa yi kətɔri kəpa Yisɔs kɔnɔ yi ɔKrayst.

Mȧyɔs ma aŋsom 8:35

Ka Filipȧŋ ɔ wɔŋ kəthəksa kɔ, ɔ təp ka mȧgbal məsəm ame, ɔ tɔri kɔ ta Yisɔs.

Mȧyɔs ma aŋsom 8:5

Ka Filip ɔ thor ka kȧpet ka Samaria, ɔ taməs Krayst ro rɔŋaŋ.

Mȧyɔs ma aŋsom 9:20

Ka ɔlɛmp wati ka ɛseth ɛgbanɛ ɔ taməs Yisɔs, kəpa ɔ yi ɔWan ka Kuru.

AŋRomans 16:25

Ka-ake kɔn ɔwe gbəli bȧksər nu kətȧŋȧnɛ ka mapa məfinɔ ma Kuru ama a maŋkər mi, dɛ yi aŋkanɛ salata Yisɔs Kraystȧŋ, mɔlɔ ma kaŋaybi ka aŋgbundu aŋa a maŋk kȧbi ka ɔtəpɛ,

1 AŋKɔrenth 1:23

Kɛrɛ saŋ sə kawandi gbo Kraystȧŋ, ɔwe a tȧŋ ka akənt kəpəŋkinɛ; tə yi ka aŋYuda tȧy təpənthbəlȧ, ɔwa ka aŋKrik-e, tȧy təpənk.

1 AŋKɔrenth 1:30

Kɛrɛ salata mabotəs ma Kuru-e, naŋ nə yi rokor ka Krayst Yisɔs. Kɔnɔ yi kȧtemp, yi mȧlompi, yi kasəməsnɛ dɛ yi kabani kȧsu,

1 AŋKɔrenth 12:8

Ka ukin ɔYina məsəm mɔ sɔŋ ȧrim ra kȧtemp; ka ulɔm ȧrim ra kȧtara tȧy kəwur ka ɔYina ɔkin kati;

1 AŋKɔrenth 15:12

Ɔwa bepi a kawandi kəpa Krayst ɔ po yokanɛ kətɔŋ ka aŋfi-e, to alɔm kətɔŋ ka nu aŋ gbəli pa, kȧyokanɛ ka aŋfi kə yi hɛ-e?

1 AŋKɔrenth 2:15

Ɔwuni ka ɔYina məsəm kɔnɔ mə gbɛŋgbɛŋ mȧtȧy bɛ, kɛrɛ wuni o wuni ɔ gbəli hɛ gbɛŋgbɛŋ kɔ.

1 AŋKɔrenth 2:6

Kɛrɛ halisa, bepi sə yi kətɔŋ ka ŋaŋ aŋa yi abȧki mədɛr ka kəlanɛ-e, sə tə fɔf kətemp; kɛrɛ kȧtemp ka ȧdȧru are thahɔ, thalɔm kȧtemp ka aŋgbəka ŋa ȧdȧru are, aŋa mə ba kəthas.

1 AŋKɔrenth 4:14

I gbal hɛ mȧtȧy ame tə kəlapəs nu-e, kɛrɛ i maŋ nu mɔ awuth a mi abɔthər.

2 AŋKɔrenth 10:14

kotȧy-e sə thasəsnɛ hɛ pəthas anthuntha a su, pə yi mɔ sə tha la hɛ bek ro rɔnu, ȧtesoma-e saŋ sə yi antɔtɔkɔ tə kəbek do rɔnu yi mapa məfinɔ ma Kraystȧŋ.

2 AŋKɔrenth 11:2

Kəbi i ba kətut ta ȧtȧ nu, pə yi mɔ-e katut ka Kuru, kotȧy-e i po fath nu ka Krayst mɔ a fathȧ ufanɛ ulompi ka uwos ukin.

2 AŋKɔrenth 4:5

Ȧtesoma-e, sə taməsnɛ hɛ, kɛrɛ sə tam Krayst Yisɔs ɔMarki, dɛ yi saŋ mɔ ɛbɔy ɛ nu salata Yisɔsȧŋ

AŋƐfisɔs 3:8

Do rɔmi-e, ɔwe yi uyay thɔŋ bɛ ka aŋsəm-e, a maŋkər ȧŋboŋa aŋe kȧmȧ i kawandi ka tȧbona təlɔm rayola rəninis ra Krayst,

AŋƐfisɔs 5:27

kȧmȧ ɔ gbəli sɔŋ aŋchɔch do rɔŋɔŋ mɔ agbanɛ ŋa aŋlanɛ agbenthis, aŋa te ba apora, thalɔm akompthanɛ, thalɔm tȧy o tȧy təwunɔŋ; kȧmȧ aŋchɔch aŋ gbəli yi asəm kəte ba məthɛkɛ bɛ.

AŋKɔlɔsi 1:22

halisa ka-ake ka ȧŋdɛr ŋɔŋ ŋa rawuni kəpet, ɔ po yɔ kȧmȧ nə kȧl manɛ kətȧŋȧnɛ ka rafi rɔŋ, kȧmȧ ɔ təmər nu asəm dɛ yi agbəraŋ kəte ba məthɛkɛ rodi kɔŋ.

AŋKɔlɔsi 2:10

Ɔwa naŋ nə yi agbenthis do rɔŋɔŋ, ɔwe yi ɔgbəka ka agbəka dɛ yi ɔbȧy ka abȧy bɛ.

AŋKɔlɔsi 2:3

ma pə yi a maŋk do rɔŋɔŋ atɛŋ ta kȧtemp dɛ yi kȧtara tȧy bɛ.

AŋKɔlɔsi 3:16

Yɔ nu kȧmȧ ȧrim ra Krayst rə bȧkər ka ɛmerȧ ɛ nu, mɔ rəka rəkɛŋ. Thəksanɛ nu, ɔwa maŋanɛ nu ka ȧŋSams yi məleŋ ma ro Yina məgbaskɛ gbaskɛ, ɔwa lensir nu ɔMarki rə aboŋa ka ɛmerȧ ɛ nu.

AŋKɔlɔsi 4:12

Ɛpafras ɔwe yi ukin ka nu-e, ȧbɔy ŋa Yisɔs Krayst, ɔ kori nu; lɔkɔ o lɔkɔ ɔ sulnɛ ka taramnɛ tɔŋ ta ȧtȧ nu, kȧmȧ nə təmȧ agbenthis dɛ yi apələnɛ ka mȧselɔ ma Kuru.

1 AŋThɛsȧlonika 4:6

Kama wuni o wuni ɔ te yɔ ɔwɔnt kɔŋ ɔləs rə tȧy o tȧy, pəkasifɛ ɔMarki ɔ yi ukala ka mȧtȧy ame bɛ, mɔ ma sə po maŋ nu rə kəbɔthi lanɛ.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

1 Timɔthi 3:2

Ugbəka ɔ yi tə kəyi wuni paŋitȧy ka mayi mɔŋ, ɔwos ka urani ukin, uyɔ kəthɛgbɛ, utempi, ɔwe ba asɔŋ afinɔ, ɔwe bɔthər kəfantha atik-e, yi ɔwe gbəli thəksa.

AŋHibru 10:14

kotȧy-e asabu ŋa sathka tin ɔ poŋ gbenthis ŋaŋ aŋa yi asəməs-e thȧnkȧŋ thəbana.

AŋHibru 13:21

ɔ yɔ nu nə yi agbenthis rə tȧy o tȧy təfinɔ, tə kəyɔ mȧselɔ mɔŋ, kȧmȧ ɔ yɔ mapanth rokor ka nu ama mə mar nu tə kəbɔnɛs kɔ, kətȧŋȧnɛ ka Yisɔs Krayst; ɔwe ba ayiki thȧnkȧŋ o thȧnkȧŋ. Amina.

2 Pitar 3:15

Ɔwa tȧrȧ nu kəpa kamuyu kəwoni ka ɔMarki kə yi kəkisi; hali mɔ mə Pɔlȧŋ, ɔwɔnt ubɔthər ɔ po gbalər nu ka kȧtemp ȧke a po sɔŋ kɔ.