AŋKɔlɔsi 1:27 - Ȧŋlemrȧnɛ Ȧfu

²⁷ Pə bɔnɛs Kuru sɔ tə kətɔri ŋa rayola ra aŋyiki ŋa aŋgbundu aŋe kətɔŋ ka tȧbona təlɔm; aŋa mə yi Krayst rokor ka nu, kagbak ȧmerȧ ka ayiki.

AŋKɔlɔsi 1:27 ပူးပေါင်းရင်းမြစ်များ

Mathiu 13:11

kɔ lasi ɔ pa ro ŋaŋ, Ro rɔnu a sɔŋ kȧtȧrȧ ka ɛgbundu ya rȧbȧy ra ro riyana, kɛrɛ ro rɔŋaŋ a sɔŋ hɛ ki.

Luk 17:21

Aŋ gbəli hɛ pa, Kəli nɔ! Thalɔm, Kəli ro! kotȧy-e rȧbȧy ra Kuru rə yi kətɔŋ ka nu.

Yɔn 14:17

Hali ɔYina ka tȧteŋ; ɔwe ȧdȧru rə te gbəli sɔthɔ, pəkasifɛ rə nənk hɛ kɔ, thalɔm rə tɛ hɛ kɔ; kɛrɛ nia nə tȧrȧ kɔ, ȧtesoma-e ɔ tiyȧ ro nu, ɔwa ɔ tə yi rokor ka nu.

Yɔn 14:20

Ka ȧŋrey ŋati nə tə tȧrȧ kəpa i yi rokor ka ɔKas, ɔwa nia nə yi rokor kȧmi, ɔwa minɛŋ i yi rokor ka nu.

Yɔn 14:23

Yisɔsȧŋ ɔ pa ro ŋɔŋ, Bepi wuni ɔ bɔthər mi-e, ɔ tə wop ȧrim ra mi: ɔwa ɔKas kȧmi ɔ tə bɔthər kɔ, ɔwa sə tə der ro ŋɔŋ, sə tə yianɛ ro ŋɔŋ.

Yɔn 17:26

Ka i po tɔri ŋa ȧŋes a mu ɔwa i ti tɔri ŋi sɔ: kȧmȧ mabɔthər ama mə bɔthər mi mə yi rokor ka ŋaŋ, ɔwa minɛŋ sɔ i yi rokor ka ŋaŋ.

Yɔn 6:56

Ɔwe mə di aŋdɛr a mi, ɔwa ɔwe mə mun mȧtir ma mi, ɔ tiyȧ rokor kȧmi, ɔwa minɛŋ i ti tiyȧ rokor kɔŋ.

AŋRomans 11:33

Ko rayola ra kȧtemp yi kȧtȧrȧ ka Kuru rə yi rəbɔlɔŋ ba! Mȧgbəkȧ mɔŋ mə tuy gbɛlɛŋ, ɔwa ȧsoŋ tɔŋ tə yi tətui tȧrȧ!

AŋRomans 2:4

Thalɔm mə sai rayola ra mathɔth mɔŋ yi ȧŋney dɛ yi kamuyu kɔŋ kəlele-i? Mə tɛ hɛ kəpa mathɔth ma Kuru mȧ mə yɔ mu mə thupi-i?

AŋRomans 5:2

ka ɔwe sə sɔthɔ roŋ rə kəlanɛ ka ȧŋboŋa ŋa Kuru ro sə təmȧ. Ɔwa ta pə bɔnɛ su salata kagbak ȧmerȧ ka aŋyiki ŋa Kuru.

AŋRomans 8:10

Ɔwa bepi Krayst ɔ yi nu rokor-e, hali madɛr ma nu mə yi məfi salata ahakɛ, kɛrɛ ɛyina ɛ nu ɛ ba aŋesəm salata mȧlompi.

AŋRomans 9:23

kȧmȧ ɔ tɔri rayola ra aŋyiki ŋɔŋ ka aŋfəm ŋa ȧŋney ŋɔŋ aŋa ɔ bɛmpa thəpaŋ ta ayiki,

1 AŋKɔrenth 3:16

Naŋ nə tɛ hɛ kəpa nə yi ȧŋseth ŋa Kuru, ka ɔYina ka Kuru ɔ yirȧ rokor ka nu-i?

2 AŋKɔrenth 2:14

Kɛrɛ i muti Kuru mɔmɔ, ɔwe mə kera su lɔkɔ o lɔkɔ rə katham ka Kraist-e, dɛ yi ɔwe mə sakthi ȧŋbɔnt abɔthi ŋa kȧtȧrȧ kɔŋ dɛr o dɛr ka kȧta kȧsu.

2 AŋKɔrenth 4:17

kotȧy-e kasɔmpanɛ kȧsu kəfəŋf, ȧke yi gbo ta alɔkɔ agbut, kə mə bȧr yɔna su ayiki alel ɔthasər ta thəbana;

2 AŋKɔrenth 4:6

kotȧy-e Kuru ɔwe yamari kȧmȧ ɔwaŋ ɔ gbɛntha kəwur ka ȧŋsum-e, kɔnɔ po gbɛntha ka ɛmerȧ ɛ su tə kəsɔŋ ɔwaŋ wa kȧtȧrȧ ka anyiki ŋa Kuru ka ader ra Yisɔs Kraystȧŋ.

2 AŋKɔrenth 6:16

Ta a pa ras ko asekəranɛ ȧŋseth ŋa Kuru aŋ ba yi ɛyɛt ɛrɔŋ-e? Kotȧy-e saŋ sə yi ȧŋseth ŋa ɔKuru ukəli, mɔ mə Kuru ɔ pa, I ti yirȧ kətɔŋ ka ŋaŋ, ɔwa i ti kɔth kətɔŋ ka ŋaŋ; ɔwa i ti yi ɔKuru ka ŋaŋ, dɛ yi ŋaŋ aŋ tə yi aŋfəm a mi.

AŋKȧletia 2:20

A po taŋtaŋ mi ka akənt kəpəŋkinɛ yi Kraystȧŋ, halisa i ba ŋesəm; kɛrɛ min tha sɔ, pə yi Kraystȧŋ kɔnɔ ɔ yi ukəli rokor kȧmi. Ɔwa aŋesəm aŋa i ŋesəm ka madɛr ka-ake, i ŋesəm kətaŋ ka kȧlanɛ ka ɔWan ka Kuru ɔwe bɔthər mi, kɔ sɔndnɛ ta ȧtȧ mi.

AŋKȧletia 4:19

Aŋfɛth a mi, pə yi mɔ i yi rə akənt tə kəkom ta ȧtȧ nu haŋ Krayst ɔ yi rokor ka nu.

AŋƐfisɔs 1:7

Ɔwa, do rɔŋɔŋ, a bani su kətaŋ ka mȧtir mɔŋ, pə yi mɔ-e, kȧterɔ ka ɛhakɛ kətȧŋȧnɛ ka rayola ra ȧŋboŋa ŋɔŋ,

AŋƐfisɔs 2:22

Kətȧŋ do rɔŋɔŋ naŋ sɔ a kȧl seth nu dɛr ɔkin kȧmȧ nə yi dɛr ɔyiya wa ȧŋyina ŋa Kuru.

AŋFilipai 4:19

Kɛrɛ ɔKuru kȧmi ɔ tə yer nu ara nə yema bɛ, mɔlɔ ma rayola ra aŋyiki ŋɔŋ rə yi ka Yisɔs Krayst.

AŋKɔlɔsi 1:5

asabu ŋa kagbak ȧmerȧ ȧke a bɛnɛ ta ȧtȧ nu ro riyana, ȧke nə po təl kətȧŋȧnɛ ka ȧrim ra tȧteŋ ta ȧkɛra kəfinɔ ka Kuru.

AŋKɔlɔsi 2:3

ma pə yi a maŋk do rɔŋɔŋ atɛŋ ta kȧtemp dɛ yi kȧtara tȧy bɛ.

AŋKɔlɔsi 3:11

ro Akrik thalɔm uYuda ɔ yi hɛ, ta a pa ras kȧbirons yi kəte birons, wuni tel-o, ɔwe te tȧrȧ teko-o, utar thalɔm uwankom; kɛrɛ Krayst ɔ yi koko bɛ, ɔwa ɔ kȧl yi rokor ka koko bɛ.

1 Timɔthi 1:1

Pɔlȧŋ ɔsom ka Yisɔs Krayst asabu ŋa aŋyamari ŋa Kuru ɔKisis kȧsu, yi ɔMarki Yisɔs Krayst, ɔwe yi ɔgbak ȧmerȧ kȧsu;

AŋHibru 6:19

Ɔwa sə ba kagbak ȧmerȧ ake, ȧke yi mɔ rǝka rəpələnɛ rəbaki mədɛr, pə yi mɔ kagbak ȧmerȧ ka tȧteŋ ȧke gbəli wɔŋ ka ɔdɛr ɔsəm thɔŋ bɛ rodarəŋ ka ȧŋkunkla.

1 Yɔn 4:4

Naŋ nə yi ka Kuru, awuth a mi alɔl, ɔwa nə po tham ŋa: pəkasifɛ kɔn ɔwe yi ro nu ɔ yi ubana pəthasi kɔn ɔwe yi ka ȧdȧru.

Kȧŋȧibinɛ 3:20

Kəla i təmȧ ka kadare, i gbȧtgbȧt. Bepi wuni o wuni ɔ təl ȧrim ra mi, ɔwa ɔ kanthi kadare, i ti wɔŋ, i ti di yi kɔn, dɛ yi kɔn ɔ tə di yi minɛŋ.