AŋKɔlɔsi 1:23 - Ȧŋlemrȧnɛ Ȧfu

²³ Bepi pə yi gbo-e nə bȧkər asɔbɛ ka kȧlanɛ, ɔwa nə təmȧ kəŋkəŋ abȧki gbaŋ, nə gbapɛ hɛ kagbak ȧmerȧ ka nu ka ȧkɛra kəfinɔ ȧke nə po təl, dɛ yi ȧke a po kawandi ka wuni o wuni nɔru. Ɔwa minɛŋ, Pɔl, a səki mi ukɔtha ka ȧkɛra kati.

AŋKɔlɔsi 1:23 ပူးပေါင်းရင်းမြစ်များ

Mark 16:15

kɔ pa ro ŋaŋ, Kɔnɛ nu ka ȧdȧru bɛ, ɔwa taməs nu ȧkɛra kəfinɔ ka Kuru ka wuni o wuni.

Luk 22:32

kɛrɛ i po ramnɛ ta ȧtȧ mu kȧmȧ kȧlanɛ ka mu kə te ranta. Ɔwa ma mə po lafthɛ-e, bȧksər aŋwɔnt a mu.

Luk 6:48

Ɔ yi mɔ wuni ɔwe mə təmər aseth. Ɔ bɛs ɔbɔlɔŋ, ɔ raf ɔtəmər wa ȧŋseth rə agbalaŋ. Ma ȧmȧnt məfɔl mə der-e, mə sap ȧŋseth ŋati, kɛrɛ mə gbəli hɛ yiŋktha ŋi, ȧtesoma-e a po təmər ŋi ɔfinɔ.

Yɔn 15:6

Bepi wuni ɔ tiyȧ hɛ ro mi-e, a tə fitha kɔ rokaŋ mɔ ara, ɔwa aŋ wos; ɔwa a thoŋkla ma, a fitha ma ro nȧnt ɔwa a thɔi ma.

Mȧyɔs ma aŋsom 1:17

kotȧy-e a lɔmanɛ kɔ yi saŋ, kɔ sɔthɔ ȧŋni ŋɔŋ ka mapanth ame.

Mȧyɔs ma aŋsom 1:25

tə kəgbasi matəma ka mapanth ame yi aŋsom aŋa Yudasȧŋ ɔ thamrɔ kȧmȧ ɔ kɔnɛ ka ɔdɛr wɔŋ.

Mȧyɔs ma aŋsom 1:8

Kɛrɛ nə tə sɔthɔ afɔsɔ ma ɔYina məsəm ɔ derər nu; ɔwa nə tə yi maseri ma mi ro Yerusalɛm-o, ro Yudia bɛ-o, ro Samaria-o, ɔwa haŋ ka ɔthalnɛ wa ȧdȧru.

Mȧyɔs ma aŋsom 11:23

Ɔwa kɔnɔ ma ɔ bek-e, ɔwa ɔ nənk ȧŋboŋa ŋa Kuru-e, pə bɔnɛ kɔ. Kɔ maŋ ŋa bɛ tə kəgbȧpsȧ ɔMarki rə məbotəs ma ȧmerȧ.

Mȧyɔs ma aŋsom 14:22

kaŋ bȧksər ɛmerȧ ya aŋkarande, aŋ maŋ ŋa tə kəbasər ka kȧlanɛ, ɔwa aŋ kanɛ ŋa sɔ kəpa, ka ɛsɔmpanɛ ɛgbathi sə tə wɔŋ ka rȧbȧy ra Kuru.

Mȧyɔs ma aŋsom 2:5

Ɔwa aŋYuda aŋ yi ro Yerusalɛm aŋa nesa Kurɔŋ, aŋa wur ka tȧbona sɛŋk roratha ka ȧkuru.

Mȧyɔs ma aŋsom 20:24

Kɛrɛ mȧtȧy ame mə yɔ hɛ i borȧnɛ, ɔwa i gbasi hɛ aŋesəm a mi mɔ rəka rəbaki mɔlɔ ta ȧtȧ mi, kaŋka gbo i gbəli gbanthi ȧŋbara a mi yi məbɔnɛ, dɛ yi mapanth ama ɔMarki Yisɔs ɔ sɔŋ mi, tə kəseri ȧkɛra kəfinɔ ka ȧŋboŋa ŋa Kuru.

Mȧyɔs ma aŋsom 26:16

Kɛrɛ yokanɛ, mə təmȧ ka ȧtȧtək ta mu, kotȧy-e i tɔrinɛ ro rɔmu ta ȧŋsabu aŋe kȧmȧ i səki mu ȧbɔy yi aseri ta mȧtȧy ama mə po nənk ro rɔmi, yi ta mȧtȧy ame i ba kǝ tɔrinɛ ro rɔmu.

Mȧyɔs ma aŋsom 4:12

Ɔwa kakisi kə yi hɛ ka wuni o wuni ulɔm, kotȧy-e, ŋes o ŋes alɔm aŋ yi hɛ ka ȧdȧru are aŋa a sɔŋ kətɔŋ ka aŋfəm ro sə gbəli sɔthɔ kakisi.

AŋRomans 10:18

Ɔwa i yif, aŋ tha la hɛ təl ras-i? Yao, tɛntɛnɛ kotȧy-e, Tafɔf ta aŋsom tə po gbanthɛnɛ ka ȧdȧru bɛ, Yi ȧsim taŋ haŋ ka ɔgbanthir wa ȧdȧru.

AŋRomans 15:16

kȧmȧ minɛŋ i yi naŋ ȧbɔy ŋa Yisɔs Krayst ka tȧbona təlɔm, tə kəyɔ mapanth ma mapa məfinɔ ma Kuru, kȧmȧ i lȧnki tȧbona təlɔm ka Kuru mɔ asathka təmar malanɛ ȧtȧ ɔYina məsəm ɔ səməs.

AŋRomans 2:7

Ka ŋaŋ aŋa bȧsər tə kəyɔ təfinɔ rə kəmuyu kȧmȧ aŋ thɛns ayiki yi alambe, yi mȧtȧy ama te ba kəpoŋ thȧnkȧŋ, ɔ tə sɔŋ aŋesəm thəbana,

AŋRomans 5:5

Ɔwa kȧgbak ȧmerȧ kə tɔns hɛ su pəkasifɛ mabɔthər ma Kuru mə lasər tabuth ta su kətȧŋȧnɛ ka ɔYina məsəm ɔwe ɔ sɔŋ su.

1 AŋKɔrenth 15:58

Tiyȧŋ, aŋwɔnt a mi abɔthər, təmȧ nu ɔbaksər, te kala kəmuth, bȧsər ka mapanth ma ɔMarki lɔkɔ bɛ, pəkasifɛ sə tȧrȧ kəpa mapanth ma nu mə yi hɛ kətiŋ ka ɔMarki.

1 AŋKɔrenth 3:5

Kanɛ yi Pɔl-əŋ-e? Ɔwa kanɛ yi Apɔlɔs-e? Aŋ yi gbo aŋsom ŋa Kuru kətaŋ ka aŋa nə lanɛ, mɔ mə ɔMarki ɔ sɔŋ afɔsɔ ka kin o kin.

2 AŋKɔrenth 10:1

Ɔwa minɛ Pɔl, i nɛmthɛnɛ nu ka kathoranɛ yi mathɔfəl ma Krayst, minɛ ɔwe yi uthoranɛ ka kȧbəprȧnɛ ka nu, kɛrɛ ma i te bəpər i fɔfȧnɛ nu rə kəmintha.

2 AŋKɔrenth 11:23

Ŋa yi ɛbɔy ya Kraist-i? (I kȧl fɔf mɔ upəŋk) Min thasi ŋa; rə məpanth-e, ɔgbȧthi ɔlay; rə kəsȧp-e, pə fɔyɛ lɔm; ka ɛseth ya tərəŋka, katkat; ka mȧsibo ma təfi-e, ɔgbȧthi gbo.

2 AŋKɔrenth 3:6

kɔnɔ sɔ ɔ po yɔ su saŋ abeki tə kəyi ɛbɔy ya aŋlemranɛ afu; pə yi hɛ ka asikra, pə yi ka ɔYina; kotȧy-e asikra, ŋə mə dif, kɛrɛ ɔYina kɔnɔ mə sɔŋ ŋesəm.

2 AŋKɔrenth 4:1

Tiyȧŋ ma pə yi ti-e, sə ba kabȧtho ake, mɔ mə sə po thɔŋ sɔthɔ ȧney-e, sə thamrɔ hɛ;

2 AŋKɔrenth 6:1

Ɔwa ma sə pantnɛ yi kɔn ka mȧpanth-e, sə nɛmthɛnɛ nu kȧmȧ nə te sɔthɔ ȧŋboŋa ŋa Kuru kətiŋ.

AŋKȧletia 4:11

I ba asoli ta ȧtȧ nu, ta thani i poŋ yɔ məpanth ta ȧtȧ nu kətiŋ.

AŋKȧletia 5:5

kotȧy-e saŋ, kətȧŋȧnɛ ka ɔYina-e, sə kar kagbak ȧmerȧ ka mȧlompi ama mə der ka kəlanɛ.

AŋKȧletia 5:7

Nə la gbukɛ asɔbɛ-e, kanɛ bɛnt nu kȧmȧ nə te wop tateŋ-e?

AŋKȧletia 6:9

Maŋ te nu gbɔgbətha rə kəyɔ ɔfinɔ, kotȧy-e ka alɔkɔ agbut sə tə rɔk bepi sə thamrɔ hɛ.

AŋƐfisɔs 1:18

Tə kəyi a sɔkəth ɛfɔr ya ɛmerȧ ɛ nu kȧmȧ nə tȧrȧ ko kəgbak ȧmerȧ nə ba ka kamuti kɔŋ, dɛ yi ko yi rayola ra aŋyiki ŋa akɛŋ kɔŋ ka aŋsəm,

AŋƐfisɔs 2:21

ro pə yi ȧŋseth alolok bɛ aŋ gbɛptanɛ dɛ yi aŋ bȧrnɛ haŋ aŋ səkɛ aseth asəm ta Kuru rokor ka ɔMarki.

AŋƐfisɔs 3:17

kȧmȧ Krayst ɔ gbəli yirȧ ka ɛmerȧ ɛ nu ka kəlanɛ; kȧmȧ pə yi ma nə ba ɛthəŋk yi ɔtəmər ka məbɔthər-e,

AŋƐfisɔs 4:16

Ɔwa kəwur do rɔŋɔŋ ȧŋdɛr bɛ aŋ gbɛptanɛ ka matɔsanɛ ma akotir o kotir kati mɔlɔ ma mapanth məmari mati mə yi-e, kaŋ bȧk dɛ yi aŋ bȧrnɛ ka mȧbɔthər.

AŋKɔlɔsi 1:25

Di kati a səki mi usom kətȧŋȧnɛ ka aŋgbɛthɛŋ aŋa Kuru ɔ maŋkər mi ta ȧtȧ nu, tə kətɔri ɔlasər wa ȧrim ra Kuru Məsaba;

AŋKɔlɔsi 2:7

Ta a təmər nu rə kəba ɛthəŋk ɛ nu do rɔŋɔŋ, ɔwa ta nə yi sɔ ȧbȧksər ka kȧlanɛ ka nu, mɔlɔ ma a po thəksa nu rɛ mɔmɔ məgbathi.

1 AŋThɛsȧlonika 3:3

Kama wuni o wuni ɔ te bora borȧnɛ asabu ŋa ɛmɛm ɛye; pəkasifɛ naŋ gbeŋ nə tȧrȧ kəpa a thith su ta mȧtȧy mati.

1 AŋThɛsȧlonika 3:5

Te ba ti sɔ-e, ma i te sɔ gbəli muyu-e, i som kȧmȧ i gbəli tȧrȧ ta kȧlanɛ ka nu, ta thani rə roŋ o roŋ ɔgbɔns ɔ gbɔns nu haŋ pə yi mapanth ma su mə tiyȧ fu.

1 AŋThɛsȧlonika 5:8

Kɛrɛ saŋ, ma sə yi ka rəyaŋ, ta sə yi saŋ agbɛt, maŋ wɔŋ nu ɛfȧt ya aŋkəpəth ya kəlanɛ dɛ yi məbɔthər; ɔwa ta ɛsənder ɛ su-e, kəgbak ȧmerȧ ka kȧkisi.

2 AŋThɛsȧlonika 2:16

Ɔwa ka-ake, ɔMarki kȧsu Yisɔs Krayst kɔn kɔnɔnɛ, yi Kuru ɔKas kȧsu ɔwe po bɔthər su, dɛ yi ɔwe sɔŋ su kəbɛfəth dɛ yi kəgbak ȧmerȧ kəthəbana kətȧŋȧnɛ ȧŋboŋa ŋɔŋ,

1 Timɔthi 1:12

Ɔwa i mɔmɔ Yisɔs Krayst ɔMarki kȧsu ɔwe bȧksər mi, pəkasifɛ ɔ nənk mi ubɔthi lanɛ, yi ubeki, kɔ wɔŋȧ mi ka mapanth mɔŋ;

1 Timɔthi 2:7

Ȧtesoma-e a po thith mi tə kəyi ukawandi yi usom, (i fɔf tȧteŋ ka Krayst, rəyem thahɔ); dɛ yi ukarmɔkɔ ka tȧbona təlɔm ka kȧlanɛ yi tȧteŋ.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

Taytɔs 3:7

kȧmȧ ma sə po sɔthɔ məmari ka ȧŋboŋa ŋɔŋ-e, sə tə səkɛ aŋa mə ba akɛŋ kətȧŋȧnɛ ka kȧgbȧk ȧmerȧ ka aŋesəm thəbana.

AŋHibru 10:38

Kɛrɛ ȧŋbɔy a mi ulompi ɔ tə ba aŋesəm kətaŋ ka kəlanɛ, Ɔwa bepi ɔ kȧl mədarəŋ-e, ȧŋmerȧ a mi aŋ ba hɛ sɔ məbɔnɛ ro ŋɔŋ.

AŋHibru 3:14

kotȧy-e saŋ sə yi ayeranɛ ka Krayst, bepi sə wop ɔbaksər kapələnɛ kȧsu kətɔtɔkɔ haŋ ka ɔləpsɔ.

AŋHibru 3:6

kɛrɛ Krayst ɔ yi ubɔthi lanɛ ka ȧŋseth ŋa Kuru mɔ uwan. Ɔwa saŋ sə yi ȧŋseth ŋɔŋ, bepi sə wop kapələnɛ dɛ yi mabɔnɛ ma kagbak ȧmerȧ kȧsu ɔbaksər haŋ ka ɔləpsɔ.

AŋHibru 4:14

Ɔwa, ma sə ba ufode ubana ɔwe po gbəkinɛ ȧŋriyana gbeŋ, pə yi mɔ Yisɔsȧŋ, ɔWan ka Kuru-e, maŋ wop nu maseri ma su gbaŋ,

AŋHibru 6:19

Ɔwa sə ba kagbak ȧmerȧ ake, ȧke yi mɔ rǝka rəpələnɛ rəbaki mədɛr, pə yi mɔ kagbak ȧmerȧ ka tȧteŋ ȧke gbəli wɔŋ ka ɔdɛr ɔsəm thɔŋ bɛ rodarəŋ ka ȧŋkunkla.

1 Pitar 1:3

Ta aruba aŋ yi ka Kuru ɔKas ka ɔMarki kȧsu Yisɔs Kraystȧŋ. Ka ȧŋney ŋɔŋ abana ɔ po kom su ɔfu tə kəba kəgbak ȧmerȧ ȧke yi kəkəli salata kakal yokanɛ ka Yisɔs Krayst ka aŋfi,

1 Pitar 1:5

aŋa a po bɛnɛ ka aŋfɔsɔ ŋa Kuru asabu ŋa kəlanɛ kəkɔ ka kakisi ȧke a yi tə kəŋaibi ka marey mələpsɔ.

1 Yɔn 2:27

Kɛrɛ bepi kafethər ȧke nə po sɔthɔ ro ŋɔŋ kə tiyȧ ro nu, nə ba hɛ sɔ kȧmȧ wuni o wuni ɔ thəksa nu: ɔwa mɔ kafethər kɔŋ kə thəksa nu ka mȧtȧy bɛ, ɔwa kə yi tȧteŋ, rəyem thahɔ, tiyȧ nu ro ŋɔŋ mɔ mə kə po thəksa nu.

Kȧŋȧibinɛ 2:10

Te nesa tȧy o tȧy ȧtȧ mȧ mə ba kənakasi. Sethani ɔ tə fak alɔm kətɔŋ ka mu ka ȧŋseth ȧtərənkȧ kȧmȧ a mɛm mu, ɔwa mə tə sompanɛ mərey tɔfɔt. Ta mə yi ubɔthi lanɛ haŋ ka rȧfi, ɔwa minɛ i ti sɔŋ mu ȧniyɔ ŋa aŋesəm.