AŋKɔlɔsi 1:20 - Ȧŋlemrȧnɛ Ȧfu

²⁰ Ɔwa sɔ-e, kətaŋ do rɔŋɔŋ-e, ɔKas ɔ botəs kȧmȧ rəka o rəka rə kȧl manɛ dɛ yi kɔn, ma ɔ po kȧrȧ məthɔfəl ka mȧtir ma akənt kəpəŋkinɛ kɔŋ; yao, kətȧŋȧnɛ do rɔŋɔŋ, pə yi ɛyɛt ya ȧdȧru-e, thalɔm ɛyɛt ya ro riyana.

AŋKɔlɔsi 1:20 ပူးပေါင်းရင်းမြစ်များ

Mathiu 1:21

Ɔ tǝ kom wath uruni. Ɔwa mǝ yi tǝ kǝbont kɔ ŋes Yisɔs, kotȧy-e kɔnɔ mǝ kisis aŋfǝm ŋɔŋ ka ɛhakɛ yaŋ.

Luk 2:14

Ta Kuru ɔwe yi rokɔm ɔ ba ayiki, Ta məthɔfəl mə yi nɔru ka aŋfəm aŋa mə thesis kɔ.

Mȧyɔs ma aŋsom 10:30

Ka Kɔrniliɔs ɔ pa, Mərey manlɛ thɔŋ ka aŋhawa aŋe, i bɔ ramnɛ karamnɛ ka aŋhawa aŋa bekȧ tȧmthərɛŋanlɛ ka ȧŋseth a mi; ɔwa kəla, ulaŋgba ɔ təmȧ rodi kȧmi, ɔ wɔŋ ɛlopra ɛgbɛntha,

AŋRomans 5:1

Tiyȧŋ ma sə po sɔthɔ məmari kətȧŋȧnɛ ka kȧlanɛ-e, sə ba məthɔfəl yi Kurɔŋ salata Yisɔs Krayst ɔMarki kȧsu,

AŋƐfisɔs 1:10

Kȧmȧ pəyi, mȧ ȧŋlɔkɔ aŋ lasər-e, ɔ gbəli thonkla mȧtȧy bɛ rɔkin rokor ka Krayst, pə yi mȧtȧy ama yi ro riana-e, dɛ yi ama yi ka raru-e.

AŋFilipai 2:10

kȧmȧ pə yi ka ȧŋes ŋa Yisɔs-e, wuni o wuni ɔ tə sɔ tawu, ro riana-o, nɔru-o, dɛ yi ka ȧdȧru ratha;

AŋKɔlɔsi 1:16

kotȧy-e, ka aŋyɛthɛ ŋɔŋ ɔ təpi ɛyɛt bɛ, ɛyɛt ya ro riyana, yi nɔru, ɛyɛ mȧ sə nəŋka rəfɔr dɛ yi ɛyɛ mȧ sə te nənk, pə yi təbȧy-o, təthɔf-o, ɛbomp-o, thalɔm agbəka-o; a təpi ɛyɛt bɛ do rɔŋɔŋ dɛ yi kətȧŋȧnɛ kɔŋ.

AŋHibru 2:17

Tiyȧŋ pə yi ɔlompi kȧmȧ a yɔ kɔ mɔ aŋwɔnt ŋɔŋ rə koko bɛ, kȧmȧ ɔ gbəli yi ufode ɔwe ba ȧney, ubɔthi lanɛ ka mȧtȧy ma Kuru, kȧmȧ ɔ gbəli nɛmthɛnɛ ta ɛhakɛ ya aŋfəm.