AŋKɔlɔsi 1:13 - Ȧŋlemrȧnɛ Ȧfu

¹³ ɔwe po wurɔ su ka aŋfɔsɔ ŋa asum, kɔ po wɔŋȧ su ka rȧbȧy ra ɔWan ka mabɔthər mɔŋ.

AŋKɔlɔsi 1:13 ပူးပေါင်းရင်းမြစ်များ

Mathiu 17:5

Ma ɔ yi ka kǝfɔf-e, kǝrǝnt kǝfera kǝgbɛntha kǝ derǝr ŋa; ɔwa rim rǝ wur ka karǝnt, rǝ pa, ƆWan kȧmi ubɔthǝr kɔnɔ ɔwe, ta ɔwe pǝ thesanɛ mi finɔ. Tǝla kɔ nu.

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Mathiu 3:17

ka rim rǝ wur ka Kuru, rǝ pa, Ɔwe-e, kɔnɔ yi ɔWan kȧmi ubɔthǝr, ka ɔwe i ba mǝbɔnɛ.

Luk 13:24

kɔ pa ro ŋaŋ, Timnɛ nu tə kəwɔŋ ka kadare kəthiŋkanɛ, ȧtesoma-e i kanɛ nu, agbȧthi aŋ tə thɛns aroŋ tə kəwɔŋ ri, kɛrɛ aŋ gbəli hɛ.

Luk 22:53

Ma i yi ro rɔnu ȧrey o rei ka ȧŋseth ŋa Kuru-e, nə thanthi hɛ mȧta ma nu tə kəwop mi. Kɛrɛ ȧŋlɔkɔ a nu ŋi aŋe yi aŋfɔsɔ ŋa ȧŋsum.

Yɔn 17:24

Pa, aŋfəm aŋa mə po sɔŋ mi, i yema kȧmȧ ŋaŋ sɔ aŋ yi ro minɛŋ i yi; kȧmȧ aŋ nənk aŋyiki a mi aŋa mə po sɔŋ mi: ȧtesoma-e mə bɔthər mi yeŋka a bot ɔtəmər wa ȧdȧru.

Yɔn 3:35

ƆKas ɔ bɔthər ɔWan, ɔwa ɔ po sɔŋ koko ka mȧta mɔŋ.

Yɔn 5:24

Tɛntɛnɛ i kanɛ nu, Kɔnɔ ɔwe mə təl ȧrim ra mi, ɔwa ɔ lanɛ ɔwe som mi-e, ɔ ba aŋesəm thəbana, ɔ ba hɛ tə kəsɔthɔ mətheri; kɛrɛ ɔ po thas rəfi kəkɔ ka aŋesəm.

Mȧyɔs ma aŋsom 26:18

tə kəkanthi ɛfɔr yaŋ kȧmȧ aŋ wur ka ȧŋsum, aŋ der ka kawalɛ, kȧmȧ aŋ wur ka aŋfɔsɔ ŋa Sethani kəkɔ ka Kuru, kȧmȧ aŋ sɔthɔ katerɔ ka ɛhakɛ yi kɛŋ kətɔŋ ka ŋaŋ aŋa a səməs rə kəlanɛ mi.

AŋRomans 14:17

ȧtesoma-e rȧbȧy ra Kuru rə yi hɛ kədi yi kəmun, kɛrɛ rə yi məlompi, yi məthɔfəl dɛ yi məbɔnɛ rokor ka ɔYina məsəm.

2 AŋKɔrenth 11:14

Ɔwa tȧy təkabanɛ thahɔ, kotȧy-e Sethani gbeŋ ɔ gbəli səkɛnɛ mɔ wurɔ ka kawalɛ.

2 AŋKɔrenth 4:4

Ka ȧŋgbȧp a ŋaŋ ɔkuru ka ȧdȧru are ɔ po fithəs ɛmerȧ ya ante lanɛ kȧmȧ ɔwaŋ wa mapa məfinɔ ma aŋyiki ŋa Krayst ɔwe yi mȧbȧlȧnɛ ma Kurɔŋ ɔ te gbɛnthar ŋa.

AŋƐfisɔs 1:6

ka kȧthɔkəs ka aŋyiki ŋa ȧŋboŋa ŋɔŋ aŋa ɔ po sɔŋ su kəyaŋkaŋ kətȧŋȧnɛ ka ɔwe ɔ bɔthər.

AŋƐfisɔs 4:18

Maŋ ba ɛmerȧ ɛbi, ɛbɔlȧnɛ kəwur ka aŋesəm ŋa Kuru asabu ŋa kate tȧrȧ ȧke yi rokor ka ŋaŋ, ka kagbolŋanɛ ka ɛmerȧ yaŋ.

AŋƐfisɔs 5:5

kotȧy-e nə tȧrȧ ti tə tɛntɛnɛ kəpa wuni rəpi, thalɔm wuni nɔkɔ-e, thalɔm wuni ba ɛfɔr ɛyamari-e, ɔwe yi mɔ ubȧtho arɔŋ-e, ɔkati ɔ ba hɛ ani ka rȧbȧy ra Krayst yi Kurɔŋ.

AŋƐfisɔs 5:8

kotȧy-e nə yi thəpaŋ ka asum, kɛrɛ ka-ake nə yi ɔwaŋ ka ɔMarki. Kɔth nu mɔ awuth ŋa ɔwaŋ;

AŋƐfisɔs 6:12

kotȧy-e katim kȧsu kə yi hɛ kəŋamnɛ mədɛr yi mətir, kɛrɛ kəŋamnɛ ŋatəbomp-e, təbay-e, aŋgbəka ŋa ȧŋsum ŋa ȧdȧru are-e, dɛ yi kəŋamnɛ ɛyina ɛləs ya aŋfena.

1 AŋThɛsȧlonika 2:12

Kama pə re yi nə gbəli kɔth mɔ pə bekȧnɛ ka Kuru, ɔwe po tela nu ka rȧbȧy rɔŋ ra ayiki.

AŋHibru 2:14

Tiyȧŋ ma aŋwuth aŋ ba madɛr yi mȧtir ma rawuni kəpet-e, kɔn kɔnɔnɛ sɔ ɔ gbasi mayi mati kȧmȧ kətȧŋȧnɛ ka rȧfi ɔ gbəli ləsər kɔn ɔwe ba aŋfɔsɔ ŋa rəfi, kɔnɔ yi mɔ Sethani.

1 Pitar 2:9

Kɛrɛ naŋ nə yi ȧbɔnshɔ ȧthith, rəfode ra rȧbȧy, abona asəm, afəm agbaskɛ; kȧmȧ nə taməs akori kori ŋa ɔKuru ɔwe po tela nu tə kəwur ka ȧŋsum kəkɔ ka kawalɛ kɔŋ kəkabanɛ.

2 Pitar 1:11

Ɔwa nə tə sɔthɔ kədare kəgbenthis ka rȧbȧy rəthəbana ra ɔMarki ɔKisis kȧsu Yisɔs Kraystȧŋ.

1 Yɔn 2:8

Halisa I gbalər nu sɔ ayamari afu, aŋa yi tȧteŋ ro ŋɔŋ yi ro nu; pəkasifɛ ȧŋsum aŋ thas, ɔwa ȧŋmothȧ ȧtəteŋ aŋ gbɛntha ka-ake.

1 Yɔn 3:14

Saŋ sə tȧrȧ kəpa sə po wur ka rəfi sə po wɔŋ ka aŋesəm, pəkasifɛ sə bɔthər aŋwɔnt. Ɔwe mə te bɔthər ɔwɔnt kɔŋ ɔ tiyȧ ka rəfi.

1 Yɔn 3:8

Ɔwe mə yɔ ahakɛ ɔ yi ka Sethani; kotȧy-e Sethani ɔ po yɔ ahakɛ kȧbi ka ɔtəpɛr. Ɔwa ta ȧte tə ɔWan ka Kuru ɔ der, kȧmȧ ɔ dim mapanth ma Sethani.