AŋKɔlɔsi 1:11 - Ȧŋlemrȧnɛ Ȧfu

¹¹ Kaŋka a bȧksər nu rə afɔsɔ bɛ kətȧŋȧnɛ ka ɔninis wa aŋfɔsɔ ŋa aŋyiki ŋɔŋ, kəkɔ ka kȧmuyu kəlele rə məbɔnɛ.

AŋKɔlɔsi 1:11 ပူးပေါင်းရင်းမြစ်များ

Mȧyɔs ma aŋsom 1:8

Kɛrɛ nə tə sɔthɔ afɔsɔ ma ɔYina məsəm ɔ derər nu; ɔwa nə tə yi maseri ma mi ro Yerusalɛm-o, ro Yudia bɛ-o, ro Samaria-o, ɔwa haŋ ka ɔthalnɛ wa ȧdȧru.

Mȧyɔs ma aŋsom 5:41

Tiyȧŋ aŋ wur rodi ka aŋSanhedrin, aŋ sel məbɔnɛ ta ma a lɔm ŋa abeki tə kəsɔthɔ məlap ta ȧŋes.

AŋRomans 2:7

Ka ŋaŋ aŋa bȧsər tə kəyɔ təfinɔ rə kəmuyu kȧmȧ aŋ thɛns ayiki yi alambe, yi mȧtȧy ama te ba kəpoŋ thȧnkȧŋ, ɔ tə sɔŋ aŋesəm thəbana,

1 AŋKɔrenth 16:13

Bumnɛ nu, təmȧ nu kəŋkəŋ ka kȧlanɛ. Yɔ nu mɔ afəm aruni, bȧk nu mədɛr.

2 AŋKɔrenth 4:7

Kɛrɛ sə bɛnɛ akɛŋ ake ka ɛbɔl ya ɛyɔftha ɛyɛ yi madɛr ma su, kȧmȧ aŋyiki ŋa aŋfɔsɔ abana aŋ gbəli yi ka Kuru son, aŋ wur hɛ do rɔsu hali.

AŋƐfisɔs 3:16

kȧmȧ ɔ yɔ nu kətȧŋȧnɛ ka ɔlasər wa aŋyiki ŋɔŋ, kȧmȧ nə bȧksər rə aŋfɔsɔ ŋa ɔYina ŋɔŋ ka rafəm ra nu;

AŋƐfisɔs 4:2

rə ɛmerȧ ɛthoranɛ dɛ yi məthɔfəl bɛ, yi kəmuyu tȧy, ɔwa sɔ-e, muyusanɛ nu rə məbɔthər.

AŋƐfisɔs 6:10

Ka kaləpsɔ, aŋwɔnt a mi, yi nu abȧki mədɛr ka ɔMarki, dɛ yi ka aŋfɔsɔ ŋa kagbəli tȧy kɔŋ.

AŋFilipai 4:13

I gbəli yɔ tȧy o tȧy bɛ asabu ŋa Krayst ɔwe mə sɔŋ mi afɔsɔ.

2 Pitar 1:6

yi ka kətara tai-e, kəyi gbɛt; dɛ yi ka kəyi gbɛt-e, kəmuyu; dɛ yi ka kəmuyu-e, kənesa Kuru;

Yud 1:25

ta kɔnɔ ɔKuru son ɔKisis kȧsu ɔ sɔthɔ ayiki, kəthɔkəs, rȧbȧy yi ɛfɔsɔ kətȧŋȧnɛ ka Yisɔs Krayst ɔMarki kȧsu katəp yeŋka ɛlɔkɔ ɛ yi dɛ ka-ake dɛ haŋ thȧnkȧŋ thəbana. Amina.

Kȧŋȧibinɛ 14:12

Ȧŋlɔkɔ ŋi aŋe ta aŋfəm ŋa Yisɔs tə kətɔri kamuyu ka ŋaŋ, pə yi mɔ-e, ŋaŋ aŋa wop ɛyamari ya Kuru yi kȧlanɛ ka Yisɔs.