AŋKɔlɔsi 1:10 - Ȧŋlemrȧnɛ Ȧfu

¹⁰ Kama nə kɔth ɔbeki ka ɔMarki yi kəbɔnɛs tȧy bɛ, dɛ yi kȧmȧ nə wurɔ məkomi rə məyɔs o məyɔs məfinɔ, kȧmȧ nə bȧrnɛ sɔ-e ka kȧtȧrȧ ka Kuru.

AŋKɔlɔsi 1:10 ပူးပေါင်းရင်းမြစ်များ

Yɔn 15:16

Naŋ, na tha thith mi, kɛrɛ minɛ thith nu, ka i bot nu, kȧmȧ nə kɔnɛ nə wur məkomi, ɔwa kȧmȧ mȧkomi ma nu mə tiyȧ: kȧmȧ tȧy o tȧy ȧte mə nə tholir ɔKas ka ȧŋes a mi, ɔ tə sɔŋ nu ti.

Yɔn 15:8

Ka ȧte a tə yikis ɔKas kȧmi, bepi nə wur məkomi məgbathi; ɔwa ya nə tə yi akarande a mi.

Yɔn 17:3

Ɔwa aŋesəm thəbana ŋi aŋe kȧmȧ aŋ tȧrȧ mu ɔKuru utəteŋ son, yi Yisɔs Krayst ɔwe mə po som.

AŋRomans 1:13

Aŋwɔnt a mi i yema kȧmȧ nə tȧrȧ kəpa i ba ti rə ȧmerȧ alɔkɔ ȧgbȧthi tə kəder ro rɔnu, (kɛrɛ tȧy tə bɛnt mi haŋ thonɔŋ) kȧmȧ i gbəli ba məkomi kətɔŋ ka nu sɔ, mɔ mȧ i ba ka tȧbona təlɔm.

AŋRomans 4:12

dɛ yi kȧmȧ ɔ gbəli yi ɔkas ka ȧŋbirons-e, pə yi hɛ ŋaŋ aŋa a birons ka madɛr gbo gbɛt, kɛrɛ ŋaŋ aŋa taŋanɛ ɔkas kȧsu Ebraham ka kȧlanɛ ȧke ɔ ba yeŋka a birons kɔ.

AŋRomans 6:4

Tiyȧŋ ka ȧŋbaftisəm ȧsu a maŋk su yi kɔn ka rəfi, soma mɔ mə a yɔ Krayst ɔ kȧl yokanɛ kətɔŋ ka aŋfi-e, ka aŋfɔsɔ ŋa ɔKas-e, yaŋ sɔ saŋ sə yi tə kəkɔth ka aroŋ da aŋesəm afu.

2 AŋKɔrenth 2:14

Kɛrɛ i muti Kuru mɔmɔ, ɔwe mə kera su lɔkɔ o lɔkɔ rə katham ka Kraist-e, dɛ yi ɔwe mə sakthi ȧŋbɔnt abɔthi ŋa kȧtȧrȧ kɔŋ dɛr o dɛr ka kȧta kȧsu.

2 AŋKɔrenth 4:6

kotȧy-e Kuru ɔwe yamari kȧmȧ ɔwaŋ ɔ gbɛntha kəwur ka ȧŋsum-e, kɔnɔ po gbɛntha ka ɛmerȧ ɛ su tə kəsɔŋ ɔwaŋ wa kȧtȧrȧ ka anyiki ŋa Kuru ka ader ra Yisɔs Kraystȧŋ.

2 AŋKɔrenth 5:9

Tiyȧŋ sə timnɛ kȧmȧ pə yi hali sə bəpər thalɔm sə te bəpər, sə gbəli bɔnɛs kɔ.

2 AŋKɔrenth 9:8

Ɔwa Kurɔŋ ɔ gbəli yɔ kȧmȧ aboŋa bɛ aŋ fui do rɔnu, kȧmȧ naŋ nə ba ɔbeki lɔkɔ o lɔkɔ ka tȧy o tȧy, kȧmȧ nə bȧrnɛ rə məyɔs məfinɔ bɛ.

AŋƐfisɔs 1:17

kȧmȧ ɔKuru ka ɔMarki kȧsu Yisɔs Krayst ɔKas ka ayiki ɔ sɔŋ nu ȧŋmerȧ ŋa kətemp yi kəŋaybi tȧy tə kətara kɔ.

AŋƐfisɔs 2:10

kotȧy-e saŋ sə yi mapanth ma mȧta mɔŋ-e, kɔ bɛmpa su rokor ka Yisɔs Krayst ta məyɔs məfinɔ ama Kuru ɔ bot thəpaŋ kȧmȧ sə kɔth rə kəyɔ ma.

AŋƐfisɔs 4:1

Tiyȧŋ minɛŋ, ɔkɛndɛbira ka ɔMarki, i nɛmthɛnɛ nu kȧmȧ nə kɔth mɔ mə nə yi tə kəkɔth ka katela ȧke a poŋ tela nu,

AŋƐfisɔs 4:13

Haŋ saŋ bɛ sə sɔthɔsnɛ ȧŋmerȧ ŋin ŋa kȧlanɛ dɛ yi kȧtȧrȧ ka ɔWan ka Kuru, pə yi mɔ sə bek ka rawuni rəgbenthis, ka katɛŋa ka ɔlasər wa Krayst.

AŋƐfisɔs 5:10

Thəkəs nu-e kȧmȧ nə tȧrȧ ko mə bɔnɛs ɔMarki.

AŋƐfisɔs 5:15

Tiyȧŋ gbɛŋgbɛnɛ nu kəthɛgbɛ to mȧ nə kɔth-e, kȧmȧ pə te yi mɔ afəm apənk, kɛrɛ ta pə yi mɔ atempi.

AŋƐfisɔs 5:2

Kɔth nu ka məbɔthər mɔ Krayst sɔ ɔ po bɔthər su, kɔ sɔndnɛ ta ȧtȧ su sathka dɛ yi aboya ŋa abɔnt afɔlfɔl ka Kuru.

AŋFilipai 1:11

Kama nə la yi mȧkomi ma mȧlompi ama der kətȧŋȧnɛ ka Yisɔs Krayst kəkɔ ka aŋyiki dɛ yi kathɔkəs ka Kuru Məsaba.

AŋFilipai 1:27

Kɛrɛ yɔ nu kȧmȧ mȧyɔs ma nu mə yi məgbɛt ta ȧkɛra kəfinɔ ka Kraystȧŋ; kȧmȧ pə yi-e, bepi i der kori nu, thalɔm i bəpər hɛ, i gbəli təl ta mȧyɔs ma nu, kəpa nə təmȧ kəŋkəŋ ka mȧyi min dɛ yi ȧmerȧ ŋin tə kətim ta kȧlanɛ ka ȧkɛra kəfinɔ ka Kuru.

AŋFilipai 4:18

Kɛrɛ i ba koko bɛ thɔŋ, rəgbathi gbo, ma i po sɔthɔ ka kȧta ka Ɛpafroditɔs aboya afinɔ aŋa nə po somra mi mɔ abɔnt afɔlfɔl, sathka təbɔthi malanɛ ȧtȧ mə bɔnɛs Kuru Məsaba.

AŋKɔlɔsi 2:19

Wuni wunɔŋ ɔ wop hɛ gbaŋ ka Kraystȧŋ rȧbomp, ro pə yi ȧŋdɛr alolok bɛ aŋ sɔthɔ aŋfɔsɔ ŋati, kȧmȧ pə re yi ɔ ɔkɔtir o kɔtir dɛ yi nəbəntha o bəntha ɛ sekəranɛ dɛr ɔkin, tə kətɛŋa yi katɛŋa ka Kuru Məsaba.

AŋKɔlɔsi 2:6

Tiyȧŋ mɔ mə nə po malanɛ Krayst Yisɔs ɔMarki, yaŋ nə yi tə kəkɔth sɔ do rɔŋɔŋ.

AŋKɔlɔsi 3:20

Nia afɛth, sanɛ nu ka ŋaŋ aŋa kom nu rə tȧy o tȧy; kotȧy-e ȧte tə bɔnɛs ɔMarki.

AŋKɔlɔsi 4:5

Kɔth nu rə kətemp rodi ka ŋaŋ aŋa te lanɛ, ɔwa botnɛ nu to mə nə kianɛ ȧŋlɔkɔ.

1 AŋThɛsȧlonika 2:12

Kama pə re yi nə gbəli kɔth mɔ pə bekȧnɛ ka Kuru, ɔwe po tela nu ka rȧbȧy rɔŋ ra ayiki.

1 AŋThɛsȧlonika 4:1

Ka kaləpsɔ sə nɛmthɛnɛ nu awɔnt, ɔwa sə maŋ nu ka ɔMarki Yisɔs, kəpa mɔ mə sə po tɔri nu to nə yi tə kəkɔth dɛ yi tə kəbɔnɛs Kuru-e, mɔlɔ min mɔ mə nə kɔth thɔŋ ka-ake, ɔwa bȧsər nu kɔ kədi.

2 Timɔthi 2:4

Wuni o wuni ɔwe yi ukurgba ɔ kulunɛ hɛ ka mȧtȧy ma ȧdȧru are, kȧmȧ ɔ gbəli thesis ȧŋmerȧ ŋa ɔwe po thith kɔ tə kəyi ukurgba.

Taytɔs 3:1

Yɔ kȧmȧ aŋfəm aŋ sanɛ ka aŋbȧy dɛ yi aŋgbəka rokɔm ka ŋaŋ, dɛ yi kȧmȧ aŋ yi abɛnɛnɛ ta məpanth o məpanth məfinɔ.

Taytɔs 3:14

Ɔwa yɔ kȧmȧ aŋfəm a su aŋ thəkəs tə kəyɔ məpanth məfinɔ ta ɛgbɛthɛŋ yaŋ kȧmȧ aŋ te yi akoŋfereŋ.

AŋHibru 11:5

Rə kəlanɛ a sɛmpi Inɔk ka ȧdȧru kȧmȧ ɔ te nənk rəfi; ɔwa a nənk hɛ kɔ sɔ pəkasifɛ Kuru kɔnɔ poŋ gbasi kɔ; ɔwa yeŋka ɔ gbasi kɔ-e, ɔ ba maseri kəpa ɔ bɔnɛs Kuru finɔ.

AŋHibru 13:16

Kɛrɛ te nu pənɛ tə kəyɔ təfinɔ dɛ yi tə kəyerəs ara nə ba kotȧy-e sathka təwunɔŋ tə bɔnɛs Kuru finɔ.

AŋHibru 13:21

ɔ yɔ nu nə yi agbenthis rə tȧy o tȧy təfinɔ, tə kəyɔ mȧselɔ mɔŋ, kȧmȧ ɔ yɔ mapanth rokor ka nu ama mə mar nu tə kəbɔnɛs kɔ, kətȧŋȧnɛ ka Yisɔs Krayst; ɔwe ba ayiki thȧnkȧŋ o thȧnkȧŋ. Amina.

2 Pitar 1:8

kotȧy-e bepi mȧtȧy ame mə yi nu, ɔwa mə bȧrnɛ sɔ-e, mə tə yɔ nu nə tȧrȧ ɔMarki kȧsu Yisɔs Kraystȧŋ kəte yi na ayay thalɔm na akoŋfereŋ ka kȧtȧrȧ kati.

2 Pitar 3:18

Kɛrɛ bȧk nu ka ȧŋboŋa yi ka kȧtȧrȧ ka ɔMarki kȧsu yi ɔKisis Yisɔs Krayst. Ta kɔnɔ yi aŋyiki kətəp ka ka-ake haŋ thȧnkȧŋ thəbana. Amina.

1 Yɔn 3:22

Ɔwa koko sə yif sə sɔthɔ ro ŋɔŋ, pəkasifɛ sə wop ɛyamari yɔŋ, ɔwa sə yɔ ȧtȧ mə thesanɛ kɔ.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.

3 Yɔn 1:6

aŋa po seri rodi ka aŋchɔch ta mabɔthər ma mu: ɔwa mə yɔ ɔfinɔ bepi mə mar ŋa ka ȧŋbiyas ŋaŋ mɔ mə mamanɛ ma mu mə yi ka Kuru.