AŋRomans 9:30 - Ȧŋlemrȧnɛ Ȧfu

³⁰ To mə sə pa thɔŋ ta ti-a? Ta sə pa kəpa tȧbona təlɔm aŋa tə taŋanɛ məlompi aŋ po sɔthɔ ma, pə yi mɔ mȧlompi ama wur ka kȧlanɛ-i?

AŋRomans 9:30 ပူးပေါင်းရင်းမြစ်များ

AŋRomans 10:10

Pəkasifɛ ka ȧŋmerȧ wuni mɔ lanɛ, kɔ sɔthɔ məlompi, yi ka kȧsəŋ mɔ gbithanɛ, kɔ sɔthɔ kəkisi.

AŋRomans 10:20

Kɛrɛ Aysaya ɔ minthasnɛ tə kəpa ye, Ŋaŋ aŋa te thɛns mi, ŋa fir mi, Ɔwa i po tɔrinɛ do rɔŋaŋ aŋa te yif ta ȧtȧ mi.

AŋRomans 10:6

Kɛrɛ mȧlompi ama yi rə kəlanɛ mə pa yaŋ, Te pa ka ȧŋmerȧ a mu, Kanɛ mə ŋat ro riana-e? (pə yi tə kəthora Kraystȧŋ).

AŋRomans 3:5

Kɛrɛ bepi makənə ma su mə yɔ mȧlompi ma Kuru tə kəbar tɔri gbəraŋ-e, to mə sə gbəli pa-e? Sə gbəli pa Kuru ɔ yi hɛ ulompi ma ɔ thalər wuni-i? (I fɔf mɔ wuni kəpet).

AŋRomans 4:11

kɔ sɔthɔ aŋlomar ŋa kȧbirons tə kətɔri tɛntɛnɛ mȧlompi ka kȧlanɛ ȧke ɔ ba yeŋka a birons kɔ, kȧmȧ ɔ gbəli yi ɔkas ka ŋaŋ bɛ aŋa lanɛ hali ma a te tha birons ŋa, kȧmȧ a gbəli lɔma ŋa məlompi sɔ,

AŋRomans 4:13

kotȧy-e aŋlahiri ŋa Ebraham dɛ yi aŋwuth ŋɔŋ, kəpa aŋ tə səkɛ aŋbȧki ŋa ȧdȧru, aŋ der hɛ kətȧŋȧnɛ ka ȧŋthɔ, kɛrɛ ka mȧlompi ma kȧlanɛ.

AŋRomans 4:22

Tiyȧŋ a lɔma kɔ ti tə kəyi mɔ məlompi.

AŋRomans 4:9

Aŋruba aŋe aŋ yi gbo ka ȧŋbirons son-i, thalɔm ka aŋa te yi abirons sɔ-i? kotȧy-e sə pa a lɔm kȧlanɛ ka Ebraham tə kəyi naŋ məlompi.

AŋRomans 5:1

Tiyȧŋ ma sə po sɔthɔ məmari kətȧŋȧnɛ ka kȧlanɛ-e, sə ba məthɔfəl yi Kurɔŋ salata Yisɔs Krayst ɔMarki kȧsu,

AŋRomans 9:14

To mə sə pa thɔŋ-a? Kuru ɔ ba agbȧy-i? Saki ti.

AŋRomans 9:31

Kɛrɛ aŋIsrɛl aŋa taŋanɛ mȧlompi ama təmȧ ka anthɔ-e, aŋ gbəli hɛ lasər ȧŋthɔ ŋati.

AŋKȧletia 2:16

ma pə yi sə tȧrȧ kəpa wuni kəpet ɔ sɔthɔ hɛ məmari salata mȧyɔs ma ȧŋthɔ, thambe ka kȧlanɛ ka Yisɔs Krayst, tiyȧŋ hali saŋ sə po lanɛ Yisɔs Krayst kȧmȧ sə sɔthɔ məmari ka kȧlanɛ ka Krayst, pə yi hɛ ka mȧyɔs ma ȧŋthɔ. Pəkasifɛ ka mȧyɔs ma anthɔ-e, wuni o wuni ɔ gbəli hɛ sɔthɔ məmari.

AŋKȧletia 3:24

Tiyȧŋ ȧŋthɔ aŋ yi ɔkarmɔkɔ kȧsu tə kəkara su ka Kraystȧŋ, kȧmȧ sə sɔthɔ məmari asabu ŋa kəlanɛ.

AŋKȧletia 3:8

Te ba ti ka mȧgbal məsəm, ma mə mɔtha nənk kəpa Kuru ɔ tə sɔŋ məmari ka tȧbona təlɔm asabu ŋa kəlanɛ, ɔ kawandi ȧkɛra kəfinɔ ka Kuru thəpaŋ ka Ebraham, kɔ pa, Kətaŋ do rɔmu təbona bɛ tə tə sɔthɔ aruba.

AŋKȧletia 5:5

kotȧy-e saŋ, kətȧŋȧnɛ ka ɔYina-e, sə kar kagbak ȧmerȧ ka mȧlompi ama mə der ka kəlanɛ.

AŋƐfisɔs 2:12

Ȧŋlɔkɔ ŋati nə tɛ hɛ Krayst, ka a gbaski nu ka andure ŋa Isrɛl, pə yi mɔ-e, nə yi gbo atik ka aŋlemranɛ ŋa aŋlahiri, ɔwa nə ba hɛ kəgbak ȧmerȧ thalɔm Kuru Məsaba ka ȧdȧru.

AŋFilipai 3:9

yi kȧmȧ i gbəli yi do rɔŋɔŋ, pə yi hɛ ka mȧlompi ama mi, ama təmȧ ka ȧŋthɔ, kɛrɛ mȧlompi ama yi ka kȧlanɛ ka Krayst, pə yi kəpa ye, mȧlompi ama wur ka Kuru kətȧŋȧnɛ ka kəlanɛ.

1 Timɔthi 6:11

Kɛrɛ munɔ, mun wuni ka Kuru-e, gbukɛ mȧtȧy ame; tȧŋ məlompi dɛ yi məsəm ama yi təteŋ rodi ka Kurɔŋ, yi kəlanɛ, yi məbɔthər, yi kəmuyu, yi kəthoranɛ.

AŋHibru 11:7

Rə kəlanɛ Now, ma Kuru ɔ maŋ kɔ salata mȧtȧy ama ɔ te tha nəŋk-e, ɔ su ɛləns, kɔ bɛmpa abil tə kəkisis rȧkomra rɔŋ; ɔwa di kati ɔ sɔŋ ȧdȧru mətheri, kɔ sɔthɔ mȧlompi ama yi ka kəlanɛ.

1 Pitar 4:3

Pəkasifɛ sə poŋ thɔŋ ləsər alɔkɔ abeki ka kəyɔ ȧtȧ tȧbona təlɔm aŋ bɔthər, ma sə la kɔth ka kərəp, məfela mələs, kəmun, ɛmet ɛgbaskɛ gbaskɛ, dɛ yi kəbatho ɛyɛt ɛbumərnɛ.