AŋRomans 9:16 - Ȧŋlemrȧnɛ Ȧfu

¹⁶ Tiyȧŋ pə yi hɛ ka mȧselɔ ma wuni kəpet, thalɔm ka mȧyɔs mɔŋ, kɛrɛ pə yi ka ȧŋney ŋa Kuru Məsaba.

AŋRomans 9:16 ပူးပေါင်းရင်းမြစ်များ

Mathiu 11:27

ƆKas kȧmi ɔ po sɔŋ mi mətȧy bɛ, ɔwa wuni o wuni ɔ tɛ hɛ ɔWan thambe ɔKas; ɔwa wuni o wuni ɔ tɛ hɛ ɔKas thambe ɔWan dɛ yi ka ɔwe ɔWan ɔ yema tǝ kǝŋaibi kɔ.

Mathiu 4:8

Ka Sethaniȧŋ ɔ kera kɔ sɔ ka kǝteŋ kǝbɔli rǝkɔm, kɔ tɔri kɔ tabȧy bɛ ta ȧdȧru, yi ɛyiki yati.

Luk 10:21

Ȧŋlɔkɔ ŋati ɔYina məsəm ɔ lasər Yisɔsȧŋ yi məbɔnɛ, kɔ pa, I mɔmɔ mu ɔKas, ɔMarki ka ro riyana yi ȧdȧru, ma mə po maŋk mȧtȧy ame ka aŋtempi yi aŋtara tȧy, ɔwa mə tɔri ma ka aŋfɛth. Yao ɔKas pəkasifɛ ame mə yi mȧselɔ ma mu.

Yɔn 3:8

Aŋfef aŋ sɔŋ ro aŋ yema, ɔwa mə təlȧ ȧŋsɔnkɔ ŋati, kɛrɛ mə tɛ hɛ ro aŋ wur, mə tɛ hɛ ro mə aŋ kɔ-e; ya pə yi sɔ yi wuni o wuni ɔwe a kom ka ɔYina.

AŋRomans 9:11

hali ma a te tha kom aŋwuth ras-e, ɔwa maŋ te tha yɔ ɔfinɔ thalɔm ɔləs, kȧmȧ mȧselɔ ma Kuru asabu ŋa kathithəs kɔŋ mə gbəli təma-e, pə yi hɛ salata mȧyɔs maŋ, kɛrɛ salata katela kɔŋ;

AŋKȧletia 2:2

Ɔwa i kɔnɛ mɔ Kuru ɔ ŋaybi mi mȧselɔ mɔŋ, ka i tɔri mapa məfinɔ ma Kuru ama i bɔ kəwandi kətɔŋ ka tȧbona təlɔm, kɛrɛ i lɔma aŋbȧki rə ȧmȧnknɛ, ta thani thɛpɛnɛ i bɔ gbukɛ thalɔm i la gbukɛ kətiŋ.

AŋƐfisɔs 2:8

kotȧy-e rȧ aboŋa a kisis nu asabu ŋa kəlanɛ; pə yi hɛ ka aŋfɔsɔ a nu, pə yi ȧŋboya ŋa Kuru Məsaba.

AŋFilipai 2:13

kotȧy-e Kuru kɔnɔ mə yɔ məpanth rokor ka nu kȧmȧ nə yema-e, ɔwa nə kȧl lasər mȧselɔ mɔŋ məfinɔ.

Yeməs 1:18

Ka mȧselɔ mɔŋ gbeŋ ɔ kom su ka ȧrim ra tȧteŋ, kȧmȧ sə yi mȧkomi mətɔtɔkɔ ma mabɛmpa mɔŋ.