AŋRomans 8:9 - Ȧŋlemrȧnɛ Ȧfu

⁹ Kɛrɛ naŋ, nə yi hɛ ka madɛr-e, nə yi ka ɔYina məsəm, bepi pə yi ɔYina məsəm ka Kuru a yi nu rokor. Ɔwa bepi wuni o wuni ɔ ba hɛ ɔYina ka Kraystȧŋ ɔ yi hɛ ukɔŋ.

AŋRomans 8:9 ပူးပေါင်းရင်းမြစ်များ

Luk 11:13

Bepi naŋ, ma nə yi aləs-e, nə tȧrȧ tə kəsɔŋ ɛboya ɛfinɔ ka aŋwuth a nu-e, thamsinɛ ɔKas ka nu ɔwe yi ro riana-e, ɔ tə sɔŋ ɔYina məsəm ka ŋaŋ aŋa mə yif kɔ-i?

Yɔn 14:17

Hali ɔYina ka tȧteŋ; ɔwe ȧdȧru rə te gbəli sɔthɔ, pəkasifɛ rə nənk hɛ kɔ, thalɔm rə tɛ hɛ kɔ; kɛrɛ nia nə tȧrȧ kɔ, ȧtesoma-e ɔ tiyȧ ro nu, ɔwa ɔ tə yi rokor ka nu.

Yɔn 14:23

Yisɔsȧŋ ɔ pa ro ŋɔŋ, Bepi wuni ɔ bɔthər mi-e, ɔ tə wop ȧrim ra mi: ɔwa ɔKas kȧmi ɔ tə bɔthər kɔ, ɔwa sə tə der ro ŋɔŋ, sə tə yianɛ ro ŋɔŋ.

Yɔn 3:34

kotȧy-e, kɔnɔ ɔwe Kuru ɔ som ɔ tə fɔf ȧsim ta Kuru: ȧtesoma-e Kurɔŋ ɔ thuntha hɛ kɔ ɔYina.

Yɔn 3:6

Ara a kom ka madɛr mədɛr maŋ, ara a kom ka ɔYina uyina wɔŋ.

Mȧyɔs ma aŋsom 16:7

Maŋ po bek ka ɔlomanɛ wa ro Misia-e, aŋ mɛm tə kəkɔ ro Bithiniya, kɛrɛ ɔYina ka Yisɔs ɔ selɔ hɛ.

AŋRomans 7:5

kotȧy-e ma sə la yi ka mayi ma su məkur-e, mafela ma su mələs ama ȧŋthɔ aŋ thəmi-e, mȧ mə yɔ malaŋktha ma madɛr ma su mə wur məkomi ta rəfi.

AŋRomans 8:1

Tiyȧŋ mətheri mə gbəli hɛ sɔ yi ta ȧtȧ ŋaŋ aŋa yi rokor ka Yisɔs Kraystȧŋ, aŋa mə te kɔth ka mafela ma madɛr, kɛrɛ ka ɔYina məsəm.

AŋRomans 8:11

Bepi ɔYina ka kɔn ɔwe yokas Yisɔs kətɔŋ ka aŋfi ɔ yi rokor ka nu-e, kɔn ɔwe yɔ Yisɔsȧŋ ɔ kȧl yokanɛ ka rəfi ɔ tə sɔŋ aŋesəm ka madɛr ma nu salata ɔYina kɔŋ ɔwe yi rokor ka nu.

AŋRomans 8:2

Ȧtesoma-e ȧŋthɔ ŋa ɔYina məsəm ka aŋesəm rokor ka Yisɔs Krayst aŋ po səli mi kəwur ka ȧŋthɔ ŋa ahakɛ yi rȧfi.

1 AŋKɔrenth 15:23

Kɛrɛ wuni o wuni ka kagbanth kɔŋ; Kraystȧŋ mȧkomi mətɔtɔkɔ; kədarəŋ kati ŋaŋ aŋa yi ka Krayst ka kȧder kɔŋ.

1 AŋKɔrenth 3:16

Naŋ nə tɛ hɛ kəpa nə yi ȧŋseth ŋa Kuru, ka ɔYina ka Kuru ɔ yirȧ rokor ka nu-i?

1 AŋKɔrenth 6:17

Kɛrɛ kɔn ɔwe kulunɛ ka ɔMarki ɔ ba ayina ŋin yi kɔn.

1 AŋKɔrenth 6:19

Naŋ nə tɛ hɛ kəpa madɛr ma nu mə yi ȧŋseth ŋa ɔYina məsəm ɔwe yi nu rokor, ɔwe Kuru ɔ sɔŋ nu-i? Ɔwa naŋ tha banɛ-e,

2 AŋKɔrenth 10:7

Pə yi nə kəli gbo mȧtȧy mə nə nəŋka rəfɔr-i? Bepi wuni o wuni ɔ pələnɛ kəpa ɔ yi wuni ka Kraist-e, ta ɔ kȧl nanɛ ȧte kəpa mɔ mə kɔn ɔ yi wuni ka Kraystȧŋ-e, yaŋ sɔ saŋ sə yi.

2 AŋKɔrenth 6:16

Ta a pa ras ko asekəranɛ ȧŋseth ŋa Kuru aŋ ba yi ɛyɛt ɛrɔŋ-e? Kotȧy-e saŋ sə yi ȧŋseth ŋa ɔKuru ukəli, mɔ mə Kuru ɔ pa, I ti yirȧ kətɔŋ ka ŋaŋ, ɔwa i ti kɔth kətɔŋ ka ŋaŋ; ɔwa i ti yi ɔKuru ka ŋaŋ, dɛ yi ŋaŋ aŋ tə yi aŋfəm a mi.

AŋKȧletia 4:6

Ɔwa ma pə yi nə yi awuth-e, Kuru ɔ som ɔYina ka ɔWan kɔŋ ka ɛmerȧ ɛ nu, kɔ pa, Aba ɔKas.

AŋKȧletia 5:24

Ɔwa afəm aŋa yi ka Krayst aŋ po tȧŋ madɛr yi ɛnanɛ ya ɛfela ɛləs yati ka akənt kəpəŋkinɛ.

AŋƐfisɔs 1:13

Do rɔŋɔŋ nə bot ɛmerȧ ma nə poŋ təl ȧrim ra tȧteŋ, mapa məfinɔ ma Kuru ka kakisis ka nu. Ɔwa ma nə po lanɛ kɔ-e, a mathlɛ nu yi ɔYina məsəm ɔka aŋlahiri,

AŋƐfisɔs 2:22

Kətȧŋ do rɔŋɔŋ naŋ sɔ a kȧl seth nu dɛr ɔkin kȧmȧ nə yi dɛr ɔyiya wa ȧŋyina ŋa Kuru.

AŋƐfisɔs 3:17

kȧmȧ Krayst ɔ gbəli yirȧ ka ɛmerȧ ɛ nu ka kəlanɛ; kȧmȧ pə yi ma nə ba ɛthəŋk yi ɔtəmər ka məbɔthər-e,

AŋFilipai 1:19

kotȧy-e i tȧrȧ kəpa ȧtȧy ȧte tə tə yɔnɛ salata kakisi kȧmi asabu ŋa taramnɛ ta nu, dɛ yi asabu ŋa aŋfɔsɔ aŋa ɔYina məsəm ka Yisɔs Kraystȧŋ ɔ sɔŋ,

2 Timɔthi 1:14

Bɛnɛ arəka rəfinɔ ara a maŋkər mu ka ɔYina məsəm, ɔwe yirȧ ka ɛmerȧ ɛ su.

1 Pitar 1:11

kaŋ thɛns ko wuni, thalɔm ko alɔkɔ ɔYina ka Krayst rokor ka ŋaŋ ɔ tɔri ma ɔ ŋaibi ɛsɔmpanɛ ya Krayst dɛ yi aŋyiki aŋa mə tanda.

1 Yɔn 3:24

Ɔwe mə wop ɛyamari yɔŋ ɔ tiyȧ ka Kuru, yi Kuru ɔ tiyȧ ro ŋɔŋ. Ka ȧte sə tȧrȧ ɔ tiyȧ ro su, ka ɔYina ɔwe ɔ po sɔŋ su.

1 Yɔn 4:13

Ka ȧte sə tȧrȧ sə tiyȧ ro ŋɔŋ, ɔwa kɔnɔ ro su, pəkasifɛ ɔ po sɔŋ su ani ka ɔYina kɔŋ.

1 Yɔn 4:4

Naŋ nə yi ka Kuru, awuth a mi alɔl, ɔwa nə po tham ŋa: pəkasifɛ kɔn ɔwe yi ro nu ɔ yi ubana pəthasi kɔn ɔwe yi ka ȧdȧru.

Kȧŋȧibinɛ 13:8

Ɔwa ŋa bɛ aŋa yirȧ ka ȧdȧru aŋ tə bȧtho kɔ, pə yi mɔ-e, ŋa bɛ aŋa te ba ames maŋ ka ȧkȧfȧ ka aŋesəm ka kaLɔmɛ kəfɛth, ɔwe a fai sathka kȧbi ka ɔtəpɛr wa ȧdȧru.

Kȧŋȧibinɛ 20:15

Ɔwa wuni o wuni ɔwe te ba ȧŋes ŋɔŋ ka ȧkȧfȧ ka aŋesəm-e, a tǝ fitha kɔ ka ȧŋbonka ŋa nȧnt.