AŋRomans 8:8 - Ȧŋlemrȧnɛ Ȧfu

⁸ Tiyȧŋ ŋaŋ aŋa ba mayi ma madɛr aŋ gbəli hɛ thesanɛ Kuru Məsaba.

AŋRomans 8:8 ပူးပေါင်းရင်းမြစ်များ

Mathiu 3:17

ka rim rǝ wur ka Kuru, rǝ pa, Ɔwe-e, kɔnɔ yi ɔWan kȧmi ubɔthǝr, ka ɔwe i ba mǝbɔnɛ.

Yɔn 3:3

Yisɔs ɔ wosa, ɔ pa ro ŋɔŋ, I kanɛ mu tɛntɛnɛ, wuni ɔ gbəli hɛ nənk rȧbȧy ra Kuru, thambe a kȧl kom kɔ ɔfu.

Yɔn 8:29

Ɔwa ɔwe som mi ɔ yi yi minɛŋ: ɔKas ɔ tey hɛ mi min son; ȧtesoma-e i yɔ mȧtȧy ama mə bɔnɛs kɔ alɔkɔ bɛ.

AŋRomans 1:21

Pəkasifɛ hali maŋ po tȧrȧ Kuru-e, aŋ yikis hɛ kɔ mɔ Kurɔŋ, aŋ mɔmɔ hɛ kɔ, kɛrɛ aŋ səkɛ ayay ka ɛnanɛ yaŋ, ɔwa ɛmerȧ yaŋ ɛpəŋk ɛ po biyȧ.

AŋRomans 7:5

kotȧy-e ma sə la yi ka mayi ma su məkur-e, mafela ma su mələs ama ȧŋthɔ aŋ thəmi-e, mȧ mə yɔ malaŋktha ma madɛr ma su mə wur məkomi ta rəfi.

AŋRomans 8:9

Kɛrɛ naŋ, nə yi hɛ ka madɛr-e, nə yi ka ɔYina məsəm, bepi pə yi ɔYina məsəm ka Kuru a yi nu rokor. Ɔwa bepi wuni o wuni ɔ ba hɛ ɔYina ka Kraystȧŋ ɔ yi hɛ ukɔŋ.

1 AŋKɔrenth 7:32

I yema kȧmȧ nə te ba ɛyagba ya ȧdȧru. Ɔte nȧntȧ ama ɔte balȧ-e, ɔ botər ȧmerȧ ta mȧtȧy ma ɔMarki, to ɔ gbəli yɔ kȧmȧ ɔ bɔnɛs ɔMarki;

AŋFilipai 4:18

Kɛrɛ i ba koko bɛ thɔŋ, rəgbathi gbo, ma i po sɔthɔ ka kȧta ka Ɛpafroditɔs aboya afinɔ aŋa nə po somra mi mɔ abɔnt afɔlfɔl, sathka təbɔthi malanɛ ȧtȧ mə bɔnɛs Kuru Məsaba.

AŋKɔlɔsi 1:10

Kama nə kɔth ɔbeki ka ɔMarki yi kəbɔnɛs tȧy bɛ, dɛ yi kȧmȧ nə wurɔ məkomi rə məyɔs o məyɔs məfinɔ, kȧmȧ nə bȧrnɛ sɔ-e ka kȧtȧrȧ ka Kuru.

AŋKɔlɔsi 3:20

Nia afɛth, sanɛ nu ka ŋaŋ aŋa kom nu rə tȧy o tȧy; kotȧy-e ȧte tə bɔnɛs ɔMarki.

1 AŋThɛsȧlonika 4:1

Ka kaləpsɔ sə nɛmthɛnɛ nu awɔnt, ɔwa sə maŋ nu ka ɔMarki Yisɔs, kəpa mɔ mə sə po tɔri nu to nə yi tə kəkɔth dɛ yi tə kəbɔnɛs Kuru-e, mɔlɔ min mɔ mə nə kɔth thɔŋ ka-ake, ɔwa bȧsər nu kɔ kədi.

AŋHibru 13:16

Kɛrɛ te nu pənɛ tə kəyɔ təfinɔ dɛ yi tə kəyerəs ara nə ba kotȧy-e sathka təwunɔŋ tə bɔnɛs Kuru finɔ.

AŋHibru 13:21

ɔ yɔ nu nə yi agbenthis rə tȧy o tȧy təfinɔ, tə kəyɔ mȧselɔ mɔŋ, kȧmȧ ɔ yɔ mapanth rokor ka nu ama mə mar nu tə kəbɔnɛs kɔ, kətȧŋȧnɛ ka Yisɔs Krayst; ɔwe ba ayiki thȧnkȧŋ o thȧnkȧŋ. Amina.

1 Yɔn 3:22

Ɔwa koko sə yif sə sɔthɔ ro ŋɔŋ, pəkasifɛ sə wop ɛyamari yɔŋ, ɔwa sə yɔ ȧtȧ mə thesanɛ kɔ.