AŋRomans 8:7 - Ȧŋlemrȧnɛ Ȧfu

⁷ Pəkasifɛ mayi ma madɛr mə yi məgbɛŋa kəŋamnɛ Kurɔŋ, ȧtesoma-e mə sanɛ hɛ ka ȧŋthɔ ŋa Kuru, ɔwa mə gbəli hɛ yɔ yi hali.

AŋRomans 8:7 ပူးပေါင်းရင်းမြစ်များ

Mathiu 12:34

Naŋ rǝkomra ra ɛgbɔrɔ, to mǝ nǝ gbǝli fɔf mətȧy mǝfinɔ ma nǝ yi alǝs-e? kotȧy-e kasǝŋ kǝ tǝ fɔf kǝwur ka kala ka ȧŋmerȧ.

Mathiu 5:19

Tiyȧŋ wuni o wuni ɔwe mǝ sim ȧgbȧp alɔl ŋin ŋa ɛthɔ ɛye, ama ɔ thǝksa afǝm yaŋ-e, a tǝ bont kɔ ulɔl ka rȧbȧy ra ro riyana; kɛrɛ ɔwe mǝ wop ama ɔ thǝksa yi-e, a tǝ bont kɔ ubana ka rȧbȧy ra ro riyana.

Yɔn 7:7

Raru rə gbəli hɛ gbɛŋa nu; kɛrɛ rə gbɛŋa mi, pəkasifɛ i gbaki ta ti kəpa mȧyɔs mati mə yi mələs.

AŋRomans 1:28

Ɔwa maŋ pɛnsa tə kənanɛ Kuru ka ɛmerȧ yaŋ-e, ɔ sɔnd ŋa ka ɛmerȧ ɛthayoŋ kȧmȧ aŋ yɔ ȧtȧy ȧtȧ te thesa.

AŋRomans 1:30

Ɔwa aŋ yi afəm akɔtha ɛfɔf, agbɛŋa Kuru, abonɛ tȧy, akabanɛ, agbək ɛyonka, atəpi mȧtȧy mələs, ȧthȧnthonɛ ka aŋa kom ŋa,

AŋRomans 3:31

Saŋ sə yɔ kȧlanɛ ake tə kədim anthɔ-i? Saki ti! Sə bȧksər ȧŋthɔ.

AŋRomans 5:10

kotȧy-e bepi ma sə yi ras saŋ atheranɛ-e, a yɔ su sə kȧl manɛ yi Kurɔŋ kətȧŋȧnɛ ka rafi ra ɔWan kɔŋ-e, pə tha gbethi ma sə po thɔŋ kȧl manɛ-e, a tə kisis su salata aŋesəm ŋɔŋ.

AŋRomans 7:22

kotȧy-e ɔ bɔnɛ mi ro ȧmerȧ salata ȧŋthɔ ŋa Kuru.

AŋRomans 8:4

kȧmȧ mȧlompi ma ȧŋthɔ mə gbəli gbenthis ro rɔsu, aŋa te kɔth ka mafela ma madɛr, kɛrɛ ka ɔYina məsəm.

1 AŋKɔrenth 2:14

Kɛrɛ ɔwuni ɔwe te ba ɔYina ɔ gbəli hɛ sɔthɔ mȧtȧy ma ɔYina məsəm ka Kuru, ȧtesoma-e mə yi məpəŋk do rɔŋɔŋ; ɔwa ɔ gbəli hɛ tȧrȧ ma pəkasifɛ ɔYina məsəm kɔnɔ wɛski ma.

1 AŋKɔrenth 9:21

Ka ŋaŋ aŋa te ba athɔ-e, i yi mɔ ute ba athɔ (pə yi hɛ kəpa i ba hɛ ȧŋthɔ ka Kurɔŋ kɛrɛ i yi roratha ka ȧŋthɔ ŋa Krayst). Kaŋka gbo i sɔthɔ ŋaŋ aŋa te ba athɔ.

AŋKɔlɔsi 1:21

Ɔwa naŋ, ma nə la ba ɛmerȧ ɛbɔlanɛ dɛ yi ɛgbɛŋanɛ salata mȧyɔs ma nu mələs-e,

AŋKɔlɔsi 2:18

Te selɔ wuni o wuni ɔ keyr nu ȧŋrȧm a nu rə kəyɔ nu nə ba kəthoranɛ kəyɔr, thalɔm rə kəbatho amaleka; pə yi wuni ɔwe mə kori korinɛ ka manəŋk ama ɔ po nənk, kɔ ŋatanɛ rə ȧmerȧ afoth kətȧŋȧnɛ ka mafela ma madɛr.

2 Timɔthi 3:4

aŋa ba ayaŋfa, yi kənapi, afəm abonɛ tȧy ŋaŋ, aŋa mə bɔthər mabɔnɛ ma ȧdȧru pəthasi Kuru Məsaba.

AŋHibru 8:10

Kɛrɛ aŋlemranɛ ŋi aŋe aŋa mɛ re sek yi rȧkomra ra Isrɛl, Kədarəŋ ka marey mati, ɔMarki ɔ pa. I ti bot ɛthɔ ɛ mi ka ɛnanɛ yaŋ, I ti gbal yi ka ɛmerȧ yaŋ. Ɔwa i ti yi ɔKuru ka ŋaŋ, ɔwa ŋaŋ aŋ tə yi aŋfəm a mi.

Yeməs 4:4

Na afəm arəpi nə tȧrȧ hɛ kəpa mamanɛ ma ȧdȧru mə yi kəgbɛŋȧ Kuru-i? Tiyȧŋ wuni o wuni ɔwe yema yi uyathki ka ȧdȧru ɔ səkɛ utheranɛ ka Kuru.

2 Pitar 2:14

Ɛfɔr yaŋ gbeŋ ɛ la kərəp, ɛyɛ te gbəli tey kəyɔ ɔləs, kaŋ pəŋis ŋaŋ aŋa ba ɛmerȧ ɛlȧfthɛ lȧfthɛ; a rusəm ɛmerȧ yaŋ ta salata ɛmilɛ. Ŋa awuth ŋa ȧranka ŋaŋ.