AŋRomans 8:6 - Ȧŋlemrȧnɛ Ȧfu

⁶ kotȧy-e mayi ma madɛr ma ahakɛ mə kȧrȧ rəfi; kɛrɛ mayi ma ɔYina məsəm mə yi aŋesəm yi məthɔfəl.

AŋRomans 8:6 ပူးပေါင်းရင်းမြစ်များ

Yɔn 14:27

Məthɔfəl i tiyȧ nu, mathɔfəl ma mi i sɔŋ nu: i sɔŋ hɛ nu mɔ mə ȧdȧru rə sɔŋ nu. Ta ɛmerȧ ɛ nu ɛ te nu sɔmpa, thalɔm ɛ te nesa.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 17:5

Ka-ake, O Pa, yikis mi yi mun munɔnɛ yi aŋyiki aŋa i ba ro mu yeŋka ȧdȧru rə təpɛ.

AŋRomans 13:14

Kɛrɛ wɔnsənɛ nu ɔMarki Yisɔs Krayst, ɔwa te botərnɛ ti rə ȧmerȧ tə kəlasər mafela ma madɛr.

AŋRomans 14:17

ȧtesoma-e rȧbȧy ra Kuru rə yi hɛ kədi yi kəmun, kɛrɛ rə yi məlompi, yi məthɔfəl dɛ yi məbɔnɛ rokor ka ɔYina məsəm.

AŋRomans 5:1

Tiyȧŋ ma sə po sɔthɔ məmari kətȧŋȧnɛ ka kȧlanɛ-e, sə ba məthɔfəl yi Kurɔŋ salata Yisɔs Krayst ɔMarki kȧsu,

AŋRomans 5:10

kotȧy-e bepi ma sə yi ras saŋ atheranɛ-e, a yɔ su sə kȧl manɛ yi Kurɔŋ kətȧŋȧnɛ ka rafi ra ɔWan kɔŋ-e, pə tha gbethi ma sə po thɔŋ kȧl manɛ-e, a tə kisis su salata aŋesəm ŋɔŋ.

AŋRomans 6:21

kɛrɛ ko tȧy təfinɔ nə po sɔthɔ kəwur ka mȧyɔs mati-e, pə yi mɔ mȧyɔs ama sɔŋ nu məlap ka-ake ma nə nanɛ ma-e? Ȧtesoma-e ɔthalnɛ wa mȧyɔs mati ɔ yi rəfi.

AŋRomans 6:23

kotȧy-e ȧŋrȧm ŋa ahakɛ aŋ yi rəfi, kɛrɛ ȧŋboya ŋa Kuru aŋ yi aŋesəm thəbana rokor ka Yisɔs Krayst ɔMarki kȧsu.

AŋRomans 7:11

Ɔwa ahakɛ sɔ-e, maŋ fir ȧŋsabu ŋati ka aŋyamari ŋa anthɔ-e, aŋ tɔns mi, ɔwa di kati rə aŋ dif mi.

AŋRomans 7:5

kotȧy-e ma sə la yi ka mayi ma su məkur-e, mafela ma su mələs ama ȧŋthɔ aŋ thəmi-e, mȧ mə yɔ malaŋktha ma madɛr ma su mə wur məkomi ta rəfi.

AŋRomans 8:13

pəkasifɛ bepi nə yi kətȧŋȧnɛ ka aŋfɔsɔ ŋa mafela ma madɛr-e, nə tə fi. Kɛrɛ bepi nə difəth mȧyɔs ma madɛr rə aŋfɔsɔ ŋa ɔYina-e, nə tə ba aŋesəm.

AŋRomans 8:27

Ɔwa kɔn ɔwe mə gbɛlɛŋ ɛmerȧ ɔ tȧrȧ ko ȧŋmerȧ ŋa ɔYina məsəm aŋ yi, pəkasifɛ ɔ nɛmthɛnɛ ta salata aŋfəm ŋa Kuru kətȧŋȧnɛ ka mȧselɔ ma Kuru.

AŋRomans 8:7

Pəkasifɛ mayi ma madɛr mə yi məgbɛŋa kəŋamnɛ Kurɔŋ, ȧtesoma-e mə sanɛ hɛ ka ȧŋthɔ ŋa Kuru, ɔwa mə gbəli hɛ yɔ yi hali.

AŋKȧletia 5:22

Kɛrɛ mȧkomi ma ɔYina mə yi, məbɔthər, məbɔnɛ, məthɔfəl, kəmuyu, ȧney, məthɔth, kəbɔthi lanɛ,

AŋKȧletia 6:8

kotȧy-e, kɔn ɔwe mə sak kətȧŋȧnɛ ka madɛr mɔŋ-e, ɔ tə rɔk kəthey kəwur ka madɛr; kɛrɛ kɔn ɔwe mə sak kətȧŋȧnɛ ka ɔYina-e, ɔ tə rɔk aŋesəm thəbana kəwur ka ɔYina.