AŋRomans 8:4 - Ȧŋlemrȧnɛ Ȧfu

⁴ kȧmȧ mȧlompi ma ȧŋthɔ mə gbəli gbenthis ro rɔsu, aŋa te kɔth ka mafela ma madɛr, kɛrɛ ka ɔYina məsəm.

AŋRomans 8:4 ပူးပေါင်းရင်းမြစ်များ

Luk 1:6

Ŋa ŋarəŋ aŋ yi alompi rodi ka Kuru, aŋ wop ɛthɔ yi magbək ma ɔMarki kəte ba məthɛkɛ.

AŋRomans 2:26

Tiyȧŋ bepi ute birons ɔ bɛnɛ ɛyamari ya anthɔ-e, a ba hɛ kəthunthanɛ kate birons kɔŋ mɔ kəbirons-i?

AŋRomans 3:31

Saŋ sə yɔ kȧlanɛ ake tə kədim anthɔ-i? Saki ti! Sə bȧksər ȧŋthɔ.

2 AŋKɔrenth 10:2

Kɛrɛ i nɛmthɛnɛ kȧmȧ nə te yɔ i tɔri ka kȧbəprȧnɛ ka nu kamintha kəbaki kati ȧke i nanɛ tə kətɔri afəm alɔm, aŋa nanɛ sə kɔth kətaŋ ka mayi ma rawuni kəpet.

2 AŋKɔrenth 10:3

kotȧy-e, hali ma sə kɔth ka mayi ma rawuni kəpet-e, sə tim hɛ kətaŋ ka mayi ma madɛr;

AŋKȧletia 5:16

Ɔwa i pa hɔ, Kɔth nu ka ɔYina kȧmȧ nə te lasər ɛfela ɛləs ya madɛr.

AŋKɔlɔsi 1:22

halisa ka-ake ka ȧŋdɛr ŋɔŋ ŋa rawuni kəpet, ɔ po yɔ kȧmȧ nə kȧl manɛ kətȧŋȧnɛ ka rafi rɔŋ, kȧmȧ ɔ təmər nu asəm dɛ yi agbəraŋ kəte ba məthɛkɛ rodi kɔŋ.

AŋHibru 12:23

dɛ yi ka aŋgbanɛ ŋa aŋchɔch, pə yi mɔ aŋwuth ȧtɔtɔkɔ ŋa Krayst aŋa ba mes məgbal ro riyana, dɛ yi ka Kuru ɔthoŋkas kȧsu bɛ, dɛ yi sɔ aŋyina ŋa aŋlompi aŋa poŋ yi agbenthis;

1 Yɔn 3:2

Abɔthər, ka-ake sə yi awuth ŋa Kuru, ɔwa a tha tɔri hɛ su to sə ba kə re yi: kɛrɛ sə tȧrȧ kəpa ma Krayst ɔ kȧl der, sə tə yi mɔ kɔnɔ; pəkasifɛ sə tə nənk kɔ mɔ mɔ yi.

Yud 1:24

Ɔwa ɔwe gbəli bɛnɛ nu kəte yɛthȧ, ɔwa ɔ təmər nu kəte ba apora rodi ka ayiki ŋɔŋ yi məbɔnɛ məbana;

Kȧŋȧibinɛ 14:5

Ɔwa a fir hɛ rəyem o rəyem ka tasəŋ taŋ hali rodi ka kawaŋ ka rȧbȧy ra Kuru, ȧtesoma-e aŋ yi agbenthis.