AŋRomans 8:37 - Ȧŋlemrȧnɛ Ȧfu

³⁷ Ɔwa ka mȧtȧy ame bɛ sə ba kətham kəthasər asabu ŋa kɔn ɔwe bɔthər su.

AŋRomans 8:37 ပူးပေါင်းရင်းမြစ်များ

Yɔn 16:33

I po fɔfȧnɛ nu mȧtȧy ame bɛ, kȧmȧ nə ba məthɔfəl ro mi. Ka ȧdȧru nə tə ba asɔmpanɛ: kɛrɛ bȧk nu təbuth, i po tham ȧdȧru.

AŋRomans 8:35

Kanɛ sɔ mə gbaski su kəwur ka mabɔthər ma Kraist-e? Pə yi kəsɔmpanɛ-o, amɔnɛ-o, məkɛthanɛ-o, dor-o, rətiŋ-o, məsibo-o, thalɔm agbathɔ-i?

1 AŋKɔrenth 15:54

Ma ȧŋdɛr ȧthey aŋe aŋ po wɔŋ kəte they-e, dɛ yi ȧŋdɛr afi aŋe aŋ po wɔŋ kəte fi-e, ȧŋlɔkɔ ŋati mə tə yɔnɛ ȧtȧ a gbal kəpa, Kətham kə po sɔm rəfi.

1 AŋKɔrenth 15:57

Ta sə mɔmɔ Kuru ɔwe mə sɔŋ su kətham ka ɔMarki kȧsu Yisɔs Krayst.

2 AŋKɔrenth 12:19

Nə nənɛ hɔ sə katanɛ kɛrɛ gbo ta ȧtȧ nu ȧŋlɔkɔ aŋe bɛ. Rodi ka Kuru sə fɔf Krayst; kɛrɛ sə yɔ mȧtȧy bɛ, abɔthər, kȧmȧ sə mar nu.

2 AŋKɔrenth 12:9

Kɛrɛ ɔ pa ro rɔmi, ȧŋboŋa a mi aŋ yi abeki mu, kotȧy-e aŋfɔsɔ a mi aŋ yi agbenthis ka mȧrȧnt. Tiyȧŋ pə bɔnɛ mi tə kəkolonɛ ka mȧrȧnt ma mi, kȧmȧ aŋfɔsɔ ŋa Kraystȧŋ aŋ rensa mi.

2 AŋKɔrenth 2:14

Kɛrɛ i muti Kuru mɔmɔ, ɔwe mə kera su lɔkɔ o lɔkɔ rə katham ka Kraist-e, dɛ yi ɔwe mə sakthi ȧŋbɔnt abɔthi ŋa kȧtȧrȧ kɔŋ dɛr o dɛr ka kȧta kȧsu.

AŋKȧletia 2:20

A po taŋtaŋ mi ka akənt kəpəŋkinɛ yi Kraystȧŋ, halisa i ba ŋesəm; kɛrɛ min tha sɔ, pə yi Kraystȧŋ kɔnɔ ɔ yi ukəli rokor kȧmi. Ɔwa aŋesəm aŋa i ŋesəm ka madɛr ka-ake, i ŋesəm kətaŋ ka kȧlanɛ ka ɔWan ka Kuru ɔwe bɔthər mi, kɔ sɔndnɛ ta ȧtȧ mi.

AŋƐfisɔs 5:2

Kɔth nu ka məbɔthər mɔ Krayst sɔ ɔ po bɔthər su, kɔ sɔndnɛ ta ȧtȧ su sathka dɛ yi aboya ŋa abɔnt afɔlfɔl ka Kuru.

2 AŋThɛsȧlonika 2:16

Ɔwa ka-ake, ɔMarki kȧsu Yisɔs Krayst kɔn kɔnɔnɛ, yi Kuru ɔKas kȧsu ɔwe po bɔthər su, dɛ yi ɔwe sɔŋ su kəbɛfəth dɛ yi kəgbak ȧmerȧ kəthəbana kətȧŋȧnɛ ȧŋboŋa ŋɔŋ,

1 Yɔn 4:10

Mabɔthər mi ame, pə yi hɛ kəpa saŋ sə po bɔthər Kuru, kɛrɛ kɔnɔ ɔ po bɔthər su, kɔ somra ɔWan kɔŋ tə kəyi asathka ta kənɛmthɛnɛ ta ɛhakɛ ɛ su.

1 Yɔn 4:19

Sə bɔthər kɔ, pəkasifɛ kɔnɔ mɔtha bɔthər su.

1 Yɔn 4:4

Naŋ nə yi ka Kuru, awuth a mi alɔl, ɔwa nə po tham ŋa: pəkasifɛ kɔn ɔwe yi ro nu ɔ yi ubana pəthasi kɔn ɔwe yi ka ȧdȧru.

Yud 1:24

Ɔwa ɔwe gbəli bɛnɛ nu kəte yɛthȧ, ɔwa ɔ təmər nu kəte ba apora rodi ka ayiki ŋɔŋ yi məbɔnɛ məbana;

Kȧŋȧibinɛ 1:5

dɛ yi kəwur ka Yisɔs Kraystȧŋ, ɔwe yi ɔSeri ubɔthi lanɛ, ɔWan utɔtɔkɔ kəwur kətɔŋ ka aŋfi; dɛ yi ɔGbəka ka aŋbȧy bɛ nɔru. Ta kɔn ɔwe bɔthər su-e, ɔwe po bani su ka ɛhakɛ ɛ su kətȧŋȧnɛ ka mȧtir mɔŋ gbeŋ-e,

Kȧŋȧibinɛ 12:11

Kɛrɛ aŋ tham kɔ ka mȧtir ma kaLɔmɛ kəfɛth, yi ka ȧrim ra maseri maŋ; ɔwa aŋ sɔnd ɛŋesəm yaŋ haŋ ka rəfi.

Kȧŋȧibinɛ 17:14

Aŋ tə tim kaLɔmɛ kəfɛth, kɛrɛ kaLɔmɛ kəfɛth ɔ tə tham ŋa; kotȧy-e kɔnɔ yi ɔMarki ka amarki, dɛ yi ɔBȧy ka abȧy; ɔwa ŋaŋ sɔ aŋa tȧŋ kɔ, aŋ tə tham dɛ yi kɔn, ȧtesoma-e aŋ yi atela, yi athith, dɛ yi abɔthi lanɛ.

Kȧŋȧibinɛ 21:7

Ɔwe tham ɔ tə sɔthɔ mȧtȧy ame bɛ kəŋ. Ɔwa minɛŋ i ti yi ɔKuru kɔŋ-e, ɔwa kɔnɔ ɔ tə yi ɔwan kȧmi.

Kȧŋȧibinɛ 3:9

I ti yɔ ŋaŋ aŋa yi ka ȧŋseth agbanɛ ŋa Sethani, aŋa telanɛ a Yuda, kɛrɛ aŋ yi hɛ, aŋ yema gbo; i ti yɔ kȧmȧ aŋ der sanɛ ka ȧtatək ta mu, kȧmȧ aŋ tȧrȧ kəpa i po bɔthər mu.