AŋRomans 8:28 - Ȧŋlemrȧnɛ Ȧfu

²⁸ Ka sə tȧrȧ kəpa mȧtȧy bɛ mə tə yɔnɛ finɔ ta salata ŋaŋ aŋa bɔthər Kuru, pə yi mɔ ta ŋaŋ aŋa a muti kətȧŋȧnɛ ka mȧselɔ mɔŋ.

AŋRomans 8:28 ပူးပေါင်းရင်းမြစ်များ

Mark 12:30

ɔwa mə yi tə kəbatho ɔMarki ɔKuru ka mu yi aŋnanɛ a mu bɛ, yi aŋesəm a mu bɛ, yi ȧŋmerȧ a mu bɛ, yi aŋfɔsɔ a mu bɛ.

Mȧyɔs ma aŋsom 13:48

Ɔwa ma tȧbona təlɔm aŋ təl ȧte-e, pə bɔnɛ ŋa, kaŋ yikis ȧrim ra Kuru; ɔwa ŋaŋ aŋa a bot tə kəsɔthɔ aŋesəm thəbana, aŋ lanɛ.

AŋRomans 11:29

kotȧy-e Kuru ɔ ba hɛ kəsiŋkar ɛboya yi kamuti kɔŋ,

AŋRomans 8:30

Ɔwa ŋaŋ aŋa ɔ po thith thəpaŋ, ŋaŋ sɔ ɔ muti; ɔwa ŋaŋ aŋa ɔ muti-e, ɔ sɔŋ ŋa məmari; ɔwa ŋaŋ aŋa ɔ sɔŋ məmari-e, ɔ kȧl yikis ŋa.

AŋRomans 9:11

hali ma a te tha kom aŋwuth ras-e, ɔwa maŋ te tha yɔ ɔfinɔ thalɔm ɔləs, kȧmȧ mȧselɔ ma Kuru asabu ŋa kathithəs kɔŋ mə gbəli təma-e, pə yi hɛ salata mȧyɔs maŋ, kɛrɛ salata katela kɔŋ;

1 AŋKɔrenth 1:2

ka aŋfəm ŋa Kuru aŋa yi ro Kɔrinth, aŋa a səməs rokor ka Yisɔs Krayst, aŋa a muti tə kəyi asəm dɛ yi ŋaŋ bɛ dɛr o dɛr aŋa mə tela ka ȧŋes ŋa ɔMarki kȧsu Yisɔs Krayst, ɔwe yi ɔMarki ka ŋaŋ, dɛ yi ɔka su sɔ.

1 AŋKɔrenth 1:24

Kɛrɛ ka ŋaŋ aŋa po malanɛ kamuti kɔŋ-e, pə yi aYuda-o, thalɔm aKrik-o, ɔKrayst ɔ yi aŋfɔsɔ ŋa Kuru yi kȧtemp ka Kuru.

1 AŋKɔrenth 1:9

Kuru ɔ yi ubɔthi lanɛ ɔwe po muti nu ka mamanɛ ma ɔWan kɔŋ Yisɔs Krayst ɔMarki kȧsu.

1 AŋKɔrenth 2:9

Kɛrɛ mɔ mȧgbal mə pa hɔ, Rafɔr rə te tha nənk, aŋləns aŋ te tha təl, Thalɔm ȧŋmerȧ ŋa wuni aŋ te tha nanɛ Mȧtȧy ama Kuru ɔ po bɛnɛnɛ ta ȧtȧ ŋaŋ aŋa bɔthər kɔ.

2 AŋKɔrenth 5:1

kotȧy-e sə tȧrȧ kəpa bepi ȧŋseth ŋa madɛr ma su aŋ yɛksɛ-e, sə ba alɔm kəwur ka Kuru Məsaba-e, aseth aŋa mə a te bɛmpa yi məta thȧnkȧŋ thəbana ro riyana.

AŋKȧletia 1:15

Kɛrɛ ma pə thesanɛ Kuru ɔwe thith mi yeŋka a kom mi, dɛ yi ɔ muti mi ka ȧŋboŋa ŋɔŋ-e,

AŋKȧletia 1:6

I kabanɛ ma nə yeŋk gbapɛ ɔwe muti nu ka ȧŋboŋa ŋa Krayst tə kəlafthɛ ka kɛra kəlɔm.

AŋKȧletia 5:8

Kəthəksa kəwunɔŋ kə wur hɛ ka ɔwe muti nu.

AŋƐfisɔs 3:11

Mȧtȧy ame mə yi kətȧŋȧnɛ ka mabotəs mɔŋ ma thəbana ama po yi rokor ka Yisɔs Krayst ɔMarki kȧsu.

AŋƐfisɔs 4:1

Tiyȧŋ minɛŋ, ɔkɛndɛbira ka ɔMarki, i nɛmthɛnɛ nu kȧmȧ nə kɔth mɔ mə nə yi tə kəkɔth ka katela ȧke a poŋ tela nu,

AŋFilipai 3:14

ka i lomanɛ toloŋ ka ɔber wa ȧŋrȧm ŋa katela kəbɔli rəkɔm ȧke Kuru ɔ sɔŋ rokor ka Yisɔs Kraystȧŋ.

1 AŋThɛsȧlonika 5:9

kotȧy-e Kuru ɔ thith hɛ su ta rəbaŋ, kɛrɛ tə kəsɔthɔ kəkisi kətȧŋȧnɛ ka ɔMarki kȧsu Yisɔs Kraystȧŋ;

2 Timɔthi 1:9

ɔwe po kisis su, ɔwa ɔ po tela su yi kətela kəsəm, pə yi hɛ mɔlɔ ma mapanth ma su mə yi, kɛrɛ salata mȧselɔ yi ȧŋboŋa ŋɔŋ, aŋa ɔ po sɔŋ su ka Yisɔs Kraystȧŋ yeŋka ȧdȧru rə təpɛ,

2 Timɔthi 2:19

Halisa ɔtəmər wa Kuru ɔ təmȧ kəŋkəŋ, ɔwa ȧŋmȧthlɛ ŋati ŋi aŋe, kəpa, ƆMariki ɔ tȧrȧ aŋfəm ŋɔŋ gbeŋ. Ɔwa sɔ-e, Ta wuni o wuni ɔwe bont ȧŋes ŋa Kraystȧŋ ɔ gbapɛ mȧkənə.

AŋHibru 9:15

Te ba ti ɔ yi ukasa ka aŋlemranɛ afu, kȧbi ɔ po fi tə kəbani ɛhakɛ yaŋ aŋa la yi roratha ka aŋlemranɛ ȧtɔtɔkɔ, kȧmȧ ŋaŋ aŋa a po tela aŋ gbəli sɔthɔ aŋlahiri ŋa akɛŋ ka thəbana.

Yeməs 1:12

Wuni ka aruba wɔŋ ɔwe mə muyu ɛgbɔnsanɛ, kotȧy-e bepi a po gbɔns kɔ-e, ɔ tə sɔthɔ ȧniyɔ ŋa aŋesəm, aŋa ɔMarki ɔ po lahiri ŋaŋ aŋa bɔthər kɔ.

Yeməs 2:5

Su aləns aŋwɔnt a mi abɔthər, ŋaŋ aŋa ȧdȧru rə bont amɔnɛ-e, Kuru ɔ thith hɛ ŋa tə kəyi ayola ka kȧlanɛ-i, yi tə kəsɔthɔ rȧbȧy ara ɔ po lahiri ŋaŋ aŋa bɔthər kɔ-i?

1 Pitar 2:9

Kɛrɛ naŋ nə yi ȧbɔnshɔ ȧthith, rəfode ra rȧbȧy, abona asəm, afəm agbaskɛ; kȧmȧ nə taməs akori kori ŋa ɔKuru ɔwe po tela nu tə kəwur ka ȧŋsum kəkɔ ka kawalɛ kɔŋ kəkabanɛ.

1 Pitar 3:9

Te nu kala ɔləs ta ɔləs, thalɔm kənal ta kənal; kɛrɛ kala aruba, pəkasifɛ nə tȧrȧ kəpa a po muti nu tə kəsɔthɔ aruba.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

1 Yɔn 4:10

Mabɔthər mi ame, pə yi hɛ kəpa saŋ sə po bɔthər Kuru, kɛrɛ kɔnɔ ɔ po bɔthər su, kɔ somra ɔWan kɔŋ tə kəyi asathka ta kənɛmthɛnɛ ta ɛhakɛ ɛ su.

1 Yɔn 4:19

Sə bɔthər kɔ, pəkasifɛ kɔnɔ mɔtha bɔthər su.

Kȧŋȧibinɛ 3:19

I ŋal ŋa bɛ aŋa i bɔthər, ɔwa i sirans ŋa sɔ; tiyȧŋ ta mə yi uyasyas, ɔwa thupi thɔŋ.