AŋRomans 8:27 - Ȧŋlemrȧnɛ Ȧfu

²⁷ Ɔwa kɔn ɔwe mə gbɛlɛŋ ɛmerȧ ɔ tȧrȧ ko ȧŋmerȧ ŋa ɔYina məsəm aŋ yi, pəkasifɛ ɔ nɛmthɛnɛ ta salata aŋfəm ŋa Kuru kətȧŋȧnɛ ka mȧselɔ ma Kuru.

AŋRomans 8:27 ပူးပေါင်းရင်းမြစ်များ

Mathiu 6:8

Tiyȧŋ te nu yi mɔ ŋaŋ, ȧtesoma-e ɔKas ka nu ɔ tȧrȧ ɛyɛt ɛyɛ nǝ yema yeŋka nǝ yif kɔ.

Luk 16:15

kɔ pa ro ŋaŋ, Naŋ nə yema yɔ kȧmȧ afəm aŋ nənk nu alompi kɛrɛ Kuru ɔ tȧrȧ ɛmerȧ ɛ nu, kotȧy-e ȧte aŋfəm mə aŋ wop mɔ tȧy təbana tə yi təfarkɛ rodi ka Kuru.

Yɔn 14:13

Ɔwa tȧy o tȧy ȧte mə nə yif ka ȧŋes a mi, i ti yɔ ti, kȧmȧ ɔKas ɔ sɔthɔ ayiki ka ɔWan.

Yɔn 21:17

Yisɔsȧŋ ɔ kȧl pa ro ŋɔŋ kəbeka məsas, Saymɔn, ɔwan ka Yɔnas, mə bɔthər mi-i? Ɔwa Pita ɔ saŋ amɔl ta ma Yisɔs ɔ pa ro ŋɔŋ kəbeka məsas, Mə bɔthər mi-i? kɔ pa ro ŋɔŋ, Pa, mə tȧrȧ mȧtȧy bɛ; mə tȧrȧ kəpa i bɔthər mu. Yisɔsȧŋ ɔ pa ro ŋɔŋ, Wɔnthər talɔmɛ ta mi.

Mȧyɔs ma aŋsom 1:24

kaŋ ramnɛ, aŋ pa, Munɔ ɔMarki, mə tȧrȧ ɛmerȧ ya afəm bɛ, tɔri su ɔreke ka aŋarəŋ aŋe mə po thith,

Mȧyɔs ma aŋsom 15:8

Ɔwa Kurɔŋ ɔwe tȧrȧ ɛmerȧ-e, ɔ sɔŋ ŋa məseri ma ɔ sɔŋ ŋa ɔYina məsəm, mɔ mɔ po sɔŋ su.

AŋRomans 8:34

Kanɛ yi tə kəsɔŋ ŋa mətheri-e? Pə yi Krayst Yisɔs ɔwe fi, aŋko, ɔwe kȧl yokanɛ ka rəfi, ɔwe yi thɔŋ ka kȧdiyɔ ka Kuru, ro mɔ nɛmthɛnɛ ta ȧtȧ su.

AŋRomans 8:6

kotȧy-e mayi ma madɛr ma ahakɛ mə kȧrȧ rəfi; kɛrɛ mayi ma ɔYina məsəm mə yi aŋesəm yi məthɔfəl.

AŋƐfisɔs 2:18

Ȧtesoma-e kətaŋ do rɔŋɔŋ-e, saŋ bɛ sə sɔthɔ roŋ ra kəwɔŋ ka ɔKas kətȧŋȧnɛ ka ɔYina ukin.

1 AŋThɛsȧlonika 2:4

kɛrɛ mɔ mə Kuru ɔ nənk su abɔthi lanɛ tə kətɔri ȧkɛra kəfinɔ kɔŋ, yaŋ mə sə fɔf; pə yi hɛ tə kəbɔnɛs wuni kəpet, kɛrɛ tə kəbɔnɛs Kuru ɔwe mɛm ɛmerȧ ɛ su.

AŋHibru 4:13

Ɔwa rəka o rəka rəbɛmpa rə yi hɛ ara ɔ te nəŋka rəfɔr; kɛrɛ koko rə yi rətiŋ dɛ yi rəgbafəth ka kakəli ka ɔwe sə ba tə kəgbakia.

Yeməs 5:16

Gbithanɛ nu ɛhakɛ ɛ nu, ukin ka ulɔm, ɔwa ramnɛ nu ukin ta ulɔm, kȧmȧ a damər nu. Kȧramnɛ kəfey fey ka wuni lompi kə gbəli tȧy.

Kȧŋȧibinɛ 2:23

Ɔwa i ti dif aŋwuth ŋɔŋ, kȧmȧ ɛchɔch bɛ aŋ tȧrȧ kəpa minɛŋ, minɛ mə thekthek ɛnanɛ dɛ yi ɛmerȧ ya afəm; ɔwa i ti sɔŋ kin o kin kətɔŋ ka mu mɔlɔ ma mapanth mɔŋ mɔ yi.