AŋRomans 8:26 - Ȧŋlemrȧnɛ Ȧfu

²⁶ Yaŋ ɔYina məsəm sɔ ɔ mar su ka mȧrȧnt ma su; ȧtesoma-e sə tɛ hɛ tə kəramnɛ mɔ mə sə yi naŋ tə kəramnɛ, kɛrɛ ɔYina məsəm-e, kɔn kɔnɔnɛ ɔ nɛmthɛnɛ ta ȧtȧ su yi təlaŋ ȧtȧ a te gbəli pa.

AŋRomans 8:26 ပူးပေါင်းရင်းမြစ်များ

Mathiu 10:20

kotȧy-e naŋ tha mǝ fɔf, kɛrɛ ɔYina mǝsǝm ka ɔKas ka nu kɔnɔ mǝ fɔf rokor ka nu.

Mathiu 20:22

Kɛrɛ Yisɔsȧŋ ɔ wosa ɔ pa, Nǝ tɛ hɛ ȧte nǝ yif. Nǝ gbǝli mun ka ampɔthi mǝ i re mun-i? A gbǝli baftays nu yi ȧŋbaftisəm aŋa a baftays mi-i? kaŋ pa ro ŋɔŋ, Sǝ gbǝli.

Luk 22:44

Ɔwa ma ɔ yi ka anakasi abana-e ɔ ramnɛ thuŋ, ɔwa mȧranɛ mɔŋ mə path mɔ ɛbȧlək ya mȧtir mə fumpɔ ro thɔf.

Yɔn 14:16

Ɔwa i ti nɛmthɛnɛ ɔKas, ɔwa ɔ tə sɔŋ nu uBɛfəth ulɔm, kȧmȧ ɔ yi ro nu thəbana.

AŋRomans 15:1

Ɔwa saŋ aŋa yi abȧki mədɛr-e, sə yi tə kəmar mȧrȧnt maŋ aŋa te ba afɔsɔ, pə mar hɛ sə thesisnɛ gbo.

AŋRomans 7:24

O minɛŋ i yi wuni mɔnɛ! Kanɛ mə kisis mi ka ȧŋdɛr ŋa rafi aŋe-e?

AŋRomans 8:15

kotȧy-e nə sɔthɔ hɛ sɔ ɛmerȧ ya rətar tə kəkal nesa; kɛrɛ nə sɔthɔ ɛmerȧ ya rəwaŋkom, ɔwa di kati sə pa, Aba, Pa.

2 AŋKɔrenth 5:2

Ȧtesoma-e ka-ake sə laŋ tə tɛntɛnɛ, sə bosinɛ tə kəlopra yi madɛr ma su ama mə wur ro riyana;

2 AŋKɔrenth 5:4

kotȧy-e, tɛntɛnɛ saŋ ka ȧŋdɛr aŋe sə laŋ mɔ mə sə ba kothe rə ȧmerȧ. Pə yi hɛ kəpa sə yema kȧmȧ a te su lonsər, kɛrɛ kȧmȧ a bȧr lonsər su kȧmȧ aŋesəm thəbana aŋ dim aŋesəm ŋa ȧdȧru are.

AŋKȧletia 4:6

Ɔwa ma pə yi nə yi awuth-e, Kuru ɔ som ɔYina ka ɔWan kɔŋ ka ɛmerȧ ɛ nu, kɔ pa, Aba ɔKas.

AŋƐfisɔs 2:18

Ȧtesoma-e kətaŋ do rɔŋɔŋ-e, saŋ bɛ sə sɔthɔ roŋ ra kəwɔŋ ka ɔKas kətȧŋȧnɛ ka ɔYina ukin.

AŋƐfisɔs 6:18

Lɔkɔ o lɔkɔ ramnɛ nu rə kənɛmthɛnɛ bɛ ro Yina, ɔwa bum nu rə kəmuyu bɛ dɛ yi təramnɛ salata aŋfəm asəm bɛ.

AŋHibru 4:15

pəkasifɛ sə ba hɛ ufode ubana ɔwe te gbəli təlnɛ mȧrȧnt ma su; kɛrɛ a la mɛmər kɔ yi ɛgbɔns rə roŋ o roŋ mɔlɔ min mɔ saŋ, kɛrɛ ɔ tha yɔ hɛ ahakɛ bɛ.

AŋHibru 5:2

Ɔwa, ma kɔnɔ gbeŋ ɔ təlnɛ mȧrȧnt ma madɛr-e, ɔ gbəli sɔ muyu ante tȧrȧ tȧy dɛ yi aŋsɔkar.

Yeməs 4:3

Nə yif, ɔwa nə sɔthɔ hɛ pəkasifɛ nə yif ɔkənȧ kȧmȧ nə ləsər ŋi salata mafela ma nu.