AŋRomans 8:24 - Ȧŋlemrȧnɛ Ȧfu

²⁴ kotȧy-e rə kəgbak ȧmerȧ sə po sɔthɔ kəkisi; kɛrɛ ȧtȧy ȧtȧ mə sə nəŋka rəfɔr tə yi hɛ tȧy təgbak ȧmerȧ, kotȧy-e kanɛ mə gbak ȧmerȧ ta ȧtȧ ɔ nəŋka rəfɔr-e?

AŋRomans 8:24 ပူးပေါင်းရင်းမြစ်များ

AŋRomans 12:12

Ba nu məbɔnɛ ka kəgbȧk ȧmerȧ; muyu nu ka kəsɔmpanɛ, bȧsər nu ka kəramnɛ alɔkɔ bɛ.

AŋRomans 15:13

Kaŋka ɔKuru ka kəgbak ȧmerȧ ɔ lasər nu rə məbɔnɛ yi məthɔfəl salata kȧlanɛ, kȧmȧ mə gbəli la yi kəgbak ȧmerȧ ka aŋfɔsɔ ŋa ɔYina məsəm.

AŋRomans 15:4

Tiyȧŋ tȧy o tȧy ȧtȧ a gbal thəpaŋ-e, a gbal ti salata kathəkəs kȧsu kȧmȧ sə gbəli ba kəgbak ȧmerȧ salata kamuyu yi kȧbɛfəth ka mȧgbal məsəm.

AŋRomans 4:18

Ebraham-əŋ ma ɔ te sɔ ba rə ɔ gbak amera-e, halisa ɔ lanɛ rə kəgbak ȧmerȧ, kȧmȧ ɔ səkɛ ɔkas ka təbona təgbȧthi; mɔ mə ȧsim tə pa, Yaŋ aŋwuth a mu aŋ tə yi.

AŋRomans 5:2

ka ɔwe sə sɔthɔ roŋ rə kəlanɛ ka ȧŋboŋa ŋa Kuru ro sə təmȧ. Ɔwa ta pə bɔnɛ su salata kagbak ȧmerȧ ka aŋyiki ŋa Kuru.

AŋRomans 8:20

kotȧy-e ɛyɛt ɛbɛmpa ɛ yi hɛ ras ɛgbenthis, pə yi hɛ ka mȧselɔ mati, kɛrɛ ka mȧselɔ ma kɔn ɔwe səki ti yaŋ.

1 AŋKɔrenth 13:13

Ɔwa kȧlanɛ-o, kȧgbak amera-o, dɛ yi mȧbɔthər-o, mȧtȧy məsas ame maa yi; kɛrɛ mȧbɔthər miȧ tha bondȧ.

2 AŋKɔrenth 4:18

pəkasifɛ sə kəli hɛ ka mȧtȧy ama a nəŋka rəfɔr-e, kɛrɛ ka mȧtȧy ama a te nəŋka rəfɔr. Ȧtesoma-e mȧtȧy ama a nənk mə yi gbo ta alɔkɔ agbut; kɛrɛ mȧtȧy ama a te nənk mə yi ta thȧnkȧŋ thəbana.

2 AŋKɔrenth 5:7

ȧtesoma-e sə kɔth rə kəlanɛ, pə yi hɛ rə kəkəli.

AŋKȧletia 5:5

kotȧy-e saŋ, kətȧŋȧnɛ ka ɔYina-e, sə kar kagbak ȧmerȧ ka mȧlompi ama mə der ka kəlanɛ.

AŋKɔlɔsi 1:23

Bepi pə yi gbo-e nə bȧkər asɔbɛ ka kȧlanɛ, ɔwa nə təmȧ kəŋkəŋ abȧki gbaŋ, nə gbapɛ hɛ kagbak ȧmerȧ ka nu ka ȧkɛra kəfinɔ ȧke nə po təl, dɛ yi ȧke a po kawandi ka wuni o wuni nɔru. Ɔwa minɛŋ, Pɔl, a səki mi ukɔtha ka ȧkɛra kati.

AŋKɔlɔsi 1:27

Pə bɔnɛs Kuru sɔ tə kətɔri ŋa rayola ra aŋyiki ŋa aŋgbundu aŋe kətɔŋ ka tȧbona təlɔm; aŋa mə yi Krayst rokor ka nu, kagbak ȧmerȧ ka ayiki.

AŋKɔlɔsi 1:5

asabu ŋa kagbak ȧmerȧ ȧke a bɛnɛ ta ȧtȧ nu ro riyana, ȧke nə po təl kətȧŋȧnɛ ka ȧrim ra tȧteŋ ta ȧkɛra kəfinɔ ka Kuru.

1 AŋThɛsȧlonika 5:8

Kɛrɛ saŋ, ma sə yi ka rəyaŋ, ta sə yi saŋ agbɛt, maŋ wɔŋ nu ɛfȧt ya aŋkəpəth ya kəlanɛ dɛ yi məbɔthər; ɔwa ta ɛsənder ɛ su-e, kəgbak ȧmerȧ ka kȧkisi.

2 AŋThɛsȧlonika 2:16

Ɔwa ka-ake, ɔMarki kȧsu Yisɔs Krayst kɔn kɔnɔnɛ, yi Kuru ɔKas kȧsu ɔwe po bɔthər su, dɛ yi ɔwe sɔŋ su kəbɛfəth dɛ yi kəgbak ȧmerȧ kəthəbana kətȧŋȧnɛ ȧŋboŋa ŋɔŋ,

Taytɔs 3:7

kȧmȧ ma sə po sɔthɔ məmari ka ȧŋboŋa ŋɔŋ-e, sə tə səkɛ aŋa mə ba akɛŋ kətȧŋȧnɛ ka kȧgbȧk ȧmerȧ ka aŋesəm thəbana.

AŋHibru 11:1

Tiyȧŋ kȧlanɛ kə yi kapələnɛ ka mȧtȧy ta ama mə sə gbakər ȧmerȧ, ɔwa kə yi sɔ maseri ma mȧtȧy ama mə sə te tha nəŋka rəfɔr.

1 Pitar 1:21

Ro rɔŋɔŋ nə lanɛ Kuru Məsaba ɔwe yokas kɔ ka rȧfi, ɔwe sɔŋ kɔ yiki, soma kȧlanɛ yi kagbak ȧmerȧ ka nu kə gbəli yi ka ȧŋgbȧp ŋa Kuru.

1 Pitar 1:3

Ta aruba aŋ yi ka Kuru ɔKas ka ɔMarki kȧsu Yisɔs Kraystȧŋ. Ka ȧŋney ŋɔŋ abana ɔ po kom su ɔfu tə kəba kəgbak ȧmerȧ ȧke yi kəkəli salata kakal yokanɛ ka Yisɔs Krayst ka aŋfi,

1 Yɔn 3:3

Ɔwa wuni o wuni ɔwe ba kabot ȧmerȧ ake ɔ tə gbəransnɛ, mɔ mə Krayst ɔ yi ugbəraŋ.