AŋRomans 8:2 - Ȧŋlemrȧnɛ Ȧfu

² Ȧtesoma-e ȧŋthɔ ŋa ɔYina məsəm ka aŋesəm rokor ka Yisɔs Krayst aŋ po səli mi kəwur ka ȧŋthɔ ŋa ahakɛ yi rȧfi.

AŋRomans 8:2 ပူးပေါင်းရင်းမြစ်များ

Yɔn 4:10

Yisɔsȧŋ ɔ pa ro ŋɔŋ, Bepi mə tȧrȧ ȧŋboya ŋa Kuru, yi ɔwe pa ro mu, Yer mi i mun, mə tə yif kɔ naŋ, ɔwa ɔ tə sɔŋ mu ȧmȧnt ma aŋesəm.

Yɔn 4:14

kɛrɛ wuni o wuni ɔwe mə mun ȧmȧnt ama i ti sɔŋ kɔ-e, rəmun rə wop hɛ kɔ sɔ thəbana; kɛrɛ ȧmȧnt ama i ti sɔŋ kɔ mə tə səkɛ rəfɔr ra mȧnt rokor kɔŋ, ara mə gbuthɛ ka aŋesəm thəbana.

Yɔn 6:63

Aŋyina kɔnɔ mə sɔŋ aŋesəm; madɛr mə yi hɛ koko: ȧsim ȧte i po kanɛ nu, tə yi ayina, yi ŋesəm.

Yɔn 8:32

ɔwa nə tə tȧrȧ tȧteŋ, ɔwa tȧteŋ tə tə yɔ nu nə yi awuth akom.

Yɔn 8:36

Tiyȧŋ bepi ɔWan ɔ səki nu awuth akom-e, nə tə yi awuth akom tɛntɛnɛ.

AŋRomans 16:3

Kori Prisila yi Akuyla aŋkos a mi ka mapanth ma Yisɔs Krayst;

AŋRomans 3:27

Kəkolonɛ, reke kə yi thɔŋ sɔ-a? Kə gbəli hɛ yi. Kɔyɛŋ kə te gbəli yi-e? Ta asabu ŋa mȧyɔs-i? Sako, pə yi ta ȧŋsabu ŋa kȧlanɛ.

AŋRomans 5:21

kȧmȧ mɔ ahakɛ aŋ gbəka salata rəfi, yaŋ sɔ aboŋa aŋ gbəka salata mȧlompi kəkɔ ka aŋesəm thəbana asabu ŋa Yisɔs Krayst ɔMarki kȧsu.

AŋRomans 6:14

kotȧy-e ahakɛ aŋ gbəli hɛ sɔ gbəka nu kȧbi nə yi hɛ sɔ ka anthɔ-e, nə yi roratha ka ȧŋboŋa ŋa Kuru.

AŋRomans 6:18

Ma a wurɔ nu ka ratar ra ahakɛ-e, nə səkɛ atar ŋa mȧlompi.

AŋRomans 6:22

Kɛrɛ ka-ake ma nə po wur ka ratar ra ahakɛ-e, ɔwa nə səkɛ antar ŋa Kuru-e, nə ba ȧŋrȧm ŋa kəsəməsnɛ dɛ yi ka ɔthalnɛ wati sɔ-e, aŋesəm thəbana.

AŋRomans 7:21

Tiyȧŋ i fir athɔ aŋ yi ro rɔmi kəpa ye, ma i yema yɔ ɔlompi ahakɛ aŋ bəpər.

AŋRomans 7:23

Kɛrɛ i nənk athɔ alɔm ka malaŋktha ma ȧŋdɛr a mi aŋa mə timanɛ ȧŋthɔ ŋa ȧŋmerȧ a mi tə kəgbasi mi mɔ ukɛndɛbira ratha ka ȧŋthɔ ŋa ahakɛ aŋa yi ka malaŋktha ma ȧŋdɛr a mi.

AŋRomans 7:4

Ɔwa aŋwɔnt a mi, naŋ sɔ nə po fi salata ȧŋthɔ asabu ŋa ȧŋdɛr ŋa Krayst, kȧmȧ nə gbəli balȧ ka ulɔm, pə yi mɔ ka kɔn ɔwe po yokanɛ ka rəfi, kȧmȧ sə wur məkomi ta Kuru Məsaba-əŋ.

AŋRomans 8:1

Tiyȧŋ mətheri mə gbəli hɛ sɔ yi ta ȧtȧ ŋaŋ aŋa yi rokor ka Yisɔs Kraystȧŋ, aŋa mə te kɔth ka mafela ma madɛr, kɛrɛ ka ɔYina məsəm.

1 AŋKɔrenth 15:45

Tiyȧŋ a gbal ti kəpa, Ɔwuni utɔtɔkɔ Adȧmȧŋ a səki kɔ wuni ba ŋesəm; kɛrɛ ɔAdȧm uləpsɔ kɔnɔ yi ɔYina ɔwe sɔŋ aŋesəm.

2 AŋKɔrenth 3:17

Ɔwa ɔMarki kɔnɔ yi ɔYina; ɔwa ro ɔYina ka ɔMarki ɔ yi, di rəwaŋkom rə yi.

2 AŋKɔrenth 3:6

kɔnɔ sɔ ɔ po yɔ su saŋ abeki tə kəyi ɛbɔy ya aŋlemranɛ afu; pə yi hɛ ka asikra, pə yi ka ɔYina; kotȧy-e asikra, ŋə mə dif, kɛrɛ ɔYina kɔnɔ mə sɔŋ ŋesəm.

AŋKȧletia 2:19

kotȧy-e kətȧŋȧnɛ ka ȧŋthɔ i po fi ka ȧŋthɔ kȧmȧ i gbəli ba ŋesəm salata Kurɔŋ.

AŋKȧletia 5:1

Təmȧ nu kəŋkəŋ ka rȧwankom rəfinɔ ara Krayst ɔ sɔŋ su; te sɔ sɔndnɛ ka kȧronke ka rȧtar.

AŋKȧletia 6:2

Marsanɛ nu kəsara ɛtothe kȧmȧ nə lasər ȧŋthɔ ŋa Krayst.

Yeməs 1:25

Kɛrɛ kɔn ɔwe mə kəli ka ȧŋthɔ ŋa rȧwankom rəgbenthis-e, ɔwa ɔ bȧkər ri-e, ɔwe-e, ma ɔ te yi utəl ɔwe mə pənɛ, kɛrɛ ɔ yi uyɔ ȧrim, ɔkati ɔ tə sɔthɔ aruba ka kayɔ kɔŋ.

Kȧŋȧibinɛ 11:11

Kɛrɛ kədarəŋ ka mərey məsas ratɔŋ-e, ɔYina ka aŋesəm ŋa Kuru ɔ wɔŋ ŋa, kaŋ təmȧ ka tatək taŋ; ɔwa rənes rəbana rə wop ŋa aŋa nənk ŋa.

Kȧŋȧibinɛ 22:1

Kɔ tɔri mi kȧbȧŋ ka ȧmȧnt ma aŋesəm, mətempi yereŋ, mə wur ka kawaŋ ka rȧbȧy ra Kuru yi ka kaLɔmɛ kəfɛth;