AŋRomans 8:17 - Ȧŋlemrȧnɛ Ȧfu

¹⁷ Ɔwa bepi sə yi awuth-e, sə yi thɔŋ abȧki ŋa akɛŋ, abȧki ŋa Kuru, yi aŋyeranɛ dɛ yi Krayst salata rabȧki, bepi pə yi sə nakasi yi kɔn, kȧmȧ sə sɔthɔ aŋyiki yi kɔn.

AŋRomans 8:17 ပူးပေါင်းရင်းမြစ်များ

Mathiu 16:24

Ka Yisɔsȧŋ ɔ pa ka aŋkarande ŋɔŋ, Bepi wuni ɔ wuni ɔ yema tȧŋ mi-e, ta ɔ pɛnsanɛ, ɔ gbasi akǝnt kɔŋ kǝpǝŋkinɛ, ɔ tȧŋ mi.

Mathiu 25:21

Ɔmariki kɔŋ ɔ pa ro ŋɔŋ, Mǝ yɔ ɔlompi, munɔ mun bɔy ufinɔ ubɔthi lanɛ. Mǝ po yi ubɔthi lanɛ rǝ yɛt ɛthan. I ti bot mu rokɔm ka yɛt ɛgbathi. Wɔŋ ka mabɔnɛ ma ɔmarki ka mu.

Luk 12:32

Kuthi kəlɔl, te nu nesa; pəkasifɛ pə thesis ɔKas ka nu tə kəsɔŋ nu rȧbȧy.

Luk 24:26

ƆKrayst ɔ mar hɛ tə kənakasi mȧtȧy ame dɛ yi tə kəwɔŋ ka aŋyiki ŋɔŋ-i?

Yɔn 17:24

Pa, aŋfəm aŋa mə po sɔŋ mi, i yema kȧmȧ ŋaŋ sɔ aŋ yi ro minɛŋ i yi; kȧmȧ aŋ nənk aŋyiki a mi aŋa mə po sɔŋ mi: ȧtesoma-e mə bɔthər mi yeŋka a bot ɔtəmər wa ȧdȧru.

Mȧyɔs ma aŋsom 14:22

kaŋ bȧksər ɛmerȧ ya aŋkarande, aŋ maŋ ŋa tə kəbasər ka kȧlanɛ, ɔwa aŋ kanɛ ŋa sɔ kəpa, ka ɛsɔmpanɛ ɛgbathi sə tə wɔŋ ka rȧbȧy ra Kuru.

Mȧyɔs ma aŋsom 20:32

Ɔwa ka-ake i lȧnki nu ka Kuru yi ka ȧrim ra ȧŋboŋa ŋɔŋ, ara ba afɔsɔ tə kəbaksər nu, dɛ yi tə kəsɔŋ nu ani kətɔŋ ka ŋaŋ aŋa a po səməs.

Mȧyɔs ma aŋsom 26:18

tə kəkanthi ɛfɔr yaŋ kȧmȧ aŋ wur ka ȧŋsum, aŋ der ka kawalɛ, kȧmȧ aŋ wur ka aŋfɔsɔ ŋa Sethani kəkɔ ka Kuru, kȧmȧ aŋ sɔthɔ katerɔ ka ɛhakɛ yi kɛŋ kətɔŋ ka ŋaŋ aŋa a səməs rə kəlanɛ mi.

AŋRomans 5:17

Pəkasifɛ bepi-e, salata aŋhakɛ ŋa wuni kin rəfi rə gbəka asabu ŋa ɔkin-e, pə tha gbethi ŋaŋ aŋa sɔthɔ ȧŋboŋa ȧbana ŋa Kuru dɛ yi ȧŋboya ŋa malompi aŋ tə gbəka ka aŋesəm, asabu ŋa ɔkin Yisɔs Kraystȧŋ.

AŋRomans 8:3

kotȧy-e ȧtȧ ȧŋthɔ aŋ te gbəli yɔ, maŋ yi ayay asabu ŋa madɛr-e, Kuru ɔ yɔ ti ma ɔ somra ɔWan kɔŋ ka mȧbȧlȧnɛ ma ȧŋdɛr ŋa wuni ka ahakɛ-e, tə kəyi sathka ta salata ahakɛ, kɔ ŋapas ahakɛ ka madɛr;

1 AŋKɔrenth 2:9

Kɛrɛ mɔ mȧgbal mə pa hɔ, Rafɔr rə te tha nənk, aŋləns aŋ te tha təl, Thalɔm ȧŋmerȧ ŋa wuni aŋ te tha nanɛ Mȧtȧy ama Kuru ɔ po bɛnɛnɛ ta ȧtȧ ŋaŋ aŋa bɔthər kɔ.

2 AŋKɔrenth 1:5

kotȧy-e mɔ mə ɛnakasi ya Kraystȧŋ ɛ la do rɔsu-e, yaŋ sɔ kȧbɛfəth kȧsu kə la asabu ŋa Kraystȧŋ.

2 AŋKɔrenth 1:7

Ɔwa kagbak ȧmerȧ kȧsu ta ȧtȧ nu kə yi kəbaksər, ma sə tȧrȧ kəpa, mɔ mə nə yi apantnɛ ka ɛsɔmpanɛ-e, yaŋ sɔ nə yi ka kȧbɛfəth.

AŋKȧletia 3:29

Ɔwa bepi Krayst ɔ ba nu-e, nə yi aŋwuth ŋa Ebraham, yi asɔthɔ kɛŋ kətȧŋȧnɛ ka aŋlahiri.

AŋKȧletia 4:7

Tiyȧŋ mə yi hɛ sɔ utar, mə yi uwan; ɔwa bepi mə yi uwan-e, mə yi usɔthɔ kɛŋ ka Kuru asabu ŋa Krayst.

AŋƐfisɔs 3:6

tə kəyi tȧbona təlɔm aŋ sɔthɔ kɛŋ yi saŋ ka aŋ yi adɛr ŋin dɛ yi saŋ, ɔwa aŋ yi ayeranɛ ŋa aŋlahiri rokor ka Yisɔs Kraystȧŋ asabu ŋa mapa məfinɔ ma Kuru.

AŋFilipai 1:29

A po sɔŋ nu afɔsɔ, pə yi hɛ gbo tə kəlanɛ Kraystȧŋ, kɛrɛ tə kənakasi ta sala tɔŋ.

AŋFilipai 3:10

Kaŋka gbo i gbəli tȧrȧ kɔ yi aŋfɔsɔ ŋa kakal yokanɛ kɔŋ ka rafi, tə kəyeranɛ ȧŋsɔmpanɛŋ ŋɔŋ, ɔwa sɔ-e, kȧmȧ i fi hali mɔ kɔnɔ ɔ fi.

AŋKɔlɔsi 1:24

Ka-ake i ba məbɔnɛ asabu ŋa ɛsɔmpanɛ ɛ mi ta ȧtȧ nu, ka i lasər ȧŋsɔmpanɛŋ ŋa Krayst ka ȧŋdɛr a mi salata ȧŋdɛr ŋɔŋ, pə yi mɔ-e, aŋchɔch.

Taytɔs 3:7

kȧmȧ ma sə po sɔthɔ məmari ka ȧŋboŋa ŋɔŋ-e, sə tə səkɛ aŋa mə ba akɛŋ kətȧŋȧnɛ ka kȧgbȧk ȧmerȧ ka aŋesəm thəbana.

AŋHibru 1:14

Aŋmȧleka bɛ aŋ yi hɛ gbo ɛyina ɛyɛ yɔna Kuru-i, ɛyɛ ɔ som tə kəmar ŋaŋ aŋa mə re sɔthɔ kəkisi-i?

AŋHibru 1:2

kɛrɛ ka marey mələpsɔ ame ɔ fɔfȧnɛ su ka ɔWan kɔŋ, ɔwe Kuru ɔ thith tə kəsɔthɔ mȧtȧy bɛ kɛŋ, ɔwa kətaŋ do rɔŋɔŋ sɔ ɔ la po bɛmpa ȧdȧru bɛ;

AŋHibru 6:17

Tiyȧŋ ma Kuru ɔ yema tɔri ŋaŋ aŋa ba kəsɔthɔ aŋlahiri ŋɔŋ to mȧselɔ mɔŋ mə gbəli hɛ siŋkar-e, ɔ bȧksər ŋi yi agbiŋ,

Yeməs 2:5

Su aləns aŋwɔnt a mi abɔthər, ŋaŋ aŋa ȧdȧru rə bont amɔnɛ-e, Kuru ɔ thith hɛ ŋa tə kəyi ayola ka kȧlanɛ-i, yi tə kəsɔthɔ rȧbȧy ara ɔ po lahiri ŋaŋ aŋa bɔthər kɔ-i?

1 Pitar 1:4

dɛ yi tə kəsɔthɔ kɛŋ kəthəbana, kəgbəraŋ ȧke mə te gbəŋkɛ, ȧke a bɛnɛ ro riyana ta ȧtȧ nu,

1 Pitar 4:13

Kɛrɛ ba ti məbɔnɛ ma nə ba ȧgbȧp ka ȧŋnȧkȧsi ŋa Krayst, kȧmȧ ma aŋyiki ŋɔŋ aŋ ŋaibinɛ-e, nə tə yasanɛ yi məbɔnɛ məbana.

Kȧŋȧibinɛ 21:7

Ɔwe tham ɔ tə sɔthɔ mȧtȧy ame bɛ kəŋ. Ɔwa minɛŋ i ti yi ɔKuru kɔŋ-e, ɔwa kɔnɔ ɔ tə yi ɔwan kȧmi.

Kȧŋȧibinɛ 3:21

Ɔwe mə tham i ti sɔŋ kɔ mamari tə kəyira yi minɛŋ ka kawaŋ ka rȧbȧy ra mi, mɔ mə minɛ sɔ i po tham, ka i yirȧ yi ɔKas kȧmi ka kawaŋ ka rȧbȧy rɔŋ.