AŋRomans 7:4 - Ȧŋlemrȧnɛ Ȧfu

⁴ Ɔwa aŋwɔnt a mi, naŋ sɔ nə po fi salata ȧŋthɔ asabu ŋa ȧŋdɛr ŋa Krayst, kȧmȧ nə gbəli balȧ ka ulɔm, pə yi mɔ ka kɔn ɔwe po yokanɛ ka rəfi, kȧmȧ sə wur məkomi ta Kuru Məsaba-əŋ.

AŋRomans 7:4 ပူးပေါင်းရင်းမြစ်များ

Mathiu 26:26

Ɔwa mɔ mǝ aŋ di-e, Yisɔsȧŋ ɔ gbasi kǝbo, ɔ ruba ki kɔ sim ki, ɔ sɔŋ ki ka aŋkarande, ɔ pa, Gbasi nu, nǝ di. Ake-e, kǝ yi aŋdɛr a mi.

Mark 4:20

Ɔwa aŋa a sak ka ȧŋthɔf afinɔ, maŋ təl ȧrim aŋ malanɛ ri, ɔwa aŋ kom məkomi mɔlɔ ma kəgba tɔfɔt, məlɔm təgba təsas, məlɔm kɛmɛ kin.

Yɔn 15:8

Ka ȧte a tə yikis ɔKas kȧmi, bepi nə wur məkomi məgbathi; ɔwa ya nə tə yi akarande a mi.

Yɔn 3:29

Kɔnɔ ɔwe ba ɔbɛra ufath-e kɔnɔ yi ɔruni ufath: kɛrɛ ɔyathki ka ɔruni ufath, ɔwe təmȧ kɔ rayɛr ɔwa ɔ təlȧ kɔ-e, ɔ ba məbɔnɛ məbana ta kətəl ȧrim ra ɔruni ufath: tiyȧŋ mabɔnɛ ma mi ame mə gbenthis.

Yɔn 6:51

Minɛ yi kabo kəkəli ȧke wur ro riyana; bepi wuni o wuni ɔ di kabo ake, ɔ tə kəli thəbana: ɔwa kabo ȧke mə i sɔŋ kə yi aŋdɛr a mi, ta aŋesəm ŋa ȧdȧru.

AŋRomans 6:11

Yaŋ sɔ naŋ nə yi tə kəlɔmnɛ kəpa ye nə yi nia afi ta ahakɛ, kɛrɛ nə yi akəli ta Kuru salata Yisɔs Krayst ɔMarki kȧsu.

AŋRomans 6:14

kotȧy-e ahakɛ aŋ gbəli hɛ sɔ gbəka nu kȧbi nə yi hɛ sɔ ka anthɔ-e, nə yi roratha ka ȧŋboŋa ŋa Kuru.

AŋRomans 6:2

Saki ti; saŋ aŋa po fi ta ahakɛ-e, to mə sə gbəli tiyȧ ri sɔ-e?

AŋRomans 6:22

Kɛrɛ ka-ake ma nə po wur ka ratar ra ahakɛ-e, ɔwa nə səkɛ antar ŋa Kuru-e, nə ba ȧŋrȧm ŋa kəsəməsnɛ dɛ yi ka ɔthalnɛ wati sɔ-e, aŋesəm thəbana.

AŋRomans 7:3

Tiyȧŋ bepi ɔ balȧ ka wuni lɔm ma ɔwos kɔŋ ɔ yi ras ukəli-e, a tə bont kɔ ubɛra urəpi; kɛrɛ bepi ɔwos ɔ fi thɔŋ-e, ȧŋthɔ ŋati aŋ ba hɛ sɔ afɔsɔ rokɔm kɔŋ. Hali ɔ kȧl sɔ balȧ rə wuni lɔm-e, ɔ yi hɛ sɔ ubɛra urəpi.

AŋRomans 7:6

Kɛrɛ ka-ake sə po fisȧ kəwur ka ȧŋthɔ, ma pə yi sə poŋ fi salata aŋa wop su. Tiyȧŋ sə bȧtho rə aŋesəm afu ka ɔYina, pə yi hɛ ka mȧgbal məkur gbo gbɛt.

AŋRomans 8:2

Ȧtesoma-e ȧŋthɔ ŋa ɔYina məsəm ka aŋesəm rokor ka Yisɔs Krayst aŋ po səli mi kəwur ka ȧŋthɔ ŋa ahakɛ yi rȧfi.

1 AŋKɔrenth 10:16

Ampɔthi ŋa aruba aŋa sə ruba-e, aŋ yi hɛ kayeranɛ ka mȧtir ma Kraist-i? Kabo ȧke sə siməth-e, kə yi hɛ kayeranɛ ka ȧŋdɛr ŋa Kraist-i?

2 AŋKɔrenth 11:2

Kəbi i ba kətut ta ȧtȧ nu, pə yi mɔ-e katut ka Kuru, kotȧy-e i po fath nu ka Krayst mɔ a fathȧ ufanɛ ulompi ka uwos ukin.

AŋKȧletia 3:13

Krayst ɔ po bani su ka ȧŋranka ŋa ȧŋthɔ, ma ɔ po səkɛ uranka ta ȧtȧ su; kotȧy-e a po gbal kəpa, Wuni o wuni ɔwe a gbak ka ŋənt-e, uraŋka wɔŋ;

AŋKȧletia 5:18

Kɛrɛ bepi ɔYina ɔ kɔtha nu-e, nə yi hɛ sɔ ka ȧŋthɔ ratha.

AŋƐfisɔs 2:15

ma ɔ po nɔy ka ȧŋdɛr ŋɔŋ magbɛŋanɛ, pə yi mɔ-e ȧŋthɔ ŋa ɛyamari ɛyɛ a po gbal, kȧmȧ pə re yi rokor ka aŋyɛthɛ ŋɔŋ-e, afəm ŋarəŋ aŋe aŋ səkɛ wuni kin ufu, ɔwa yaŋ ɔ bɛmpa məthɔfəl.

AŋFilipai 1:11

Kama nə la yi mȧkomi ma mȧlompi ama der kətȧŋȧnɛ ka Yisɔs Krayst kəkɔ ka aŋyiki dɛ yi kathɔkəs ka Kuru Məsaba.

AŋFilipai 4:17

Pə yi hɛ kəpa i thɛns aboya, kɛrɛ i thɛns kȧmȧ nə wurɔ məkomi məgbathi.

AŋKɔlɔsi 1:10

Kama nə kɔth ɔbeki ka ɔMarki yi kəbɔnɛs tȧy bɛ, dɛ yi kȧmȧ nə wurɔ məkomi rə məyɔs o məyɔs məfinɔ, kȧmȧ nə bȧrnɛ sɔ-e ka kȧtȧrȧ ka Kuru.

AŋKɔlɔsi 1:22

halisa ka-ake ka ȧŋdɛr ŋɔŋ ŋa rawuni kəpet, ɔ po yɔ kȧmȧ nə kȧl manɛ kətȧŋȧnɛ ka rafi rɔŋ, kȧmȧ ɔ təmər nu asəm dɛ yi agbəraŋ kəte ba məthɛkɛ rodi kɔŋ.

AŋKɔlɔsi 1:6

Ȧrim rati rə bek do rɔnu mɔ mȧ rə po yɔ ka ȧdȧru rəlolok bɛ. Ɔwa rə kȧl wurɔ ŋani mɔ mə rə yɔ do rɔnu kȧbi ka ȧŋrey ma nə mɔtha təl, ɔwa nə mɔtha tȧrȧ ȧŋboŋa ŋa Kuru təteŋ;

AŋKɔlɔsi 2:14

kɔ nasi maseri ma ȧŋthɔ ama təmȧ kəŋamnɛ su dɛ yi kələsər su, kɔ tɔŋa ma, ɔwa ɔ tȧŋ tȧŋ ma ka akənt kɔŋ kəpəŋkinɛ;

AŋKɔlɔsi 2:20

Tiyȧŋ bepi nə po fi yi Krayst ka matanstans ma raru-e to pə som nə yɔ ras mɔ mȧ pə yi ȧdȧru rə ba nu-e, tə kəyi nə taŋanɛ ɛsiraŋ mɔ-e,

AŋHibru 10:10

Ɔwa kətȧŋȧnɛ ka mȧselɔ mati a po səməs su asabu ŋa kasɔndnɛ ka ȧŋdɛr ŋa Yisɔs Krayst win haŋ thəbana.

1 Pitar 2:24

Kɔnɔ kati gbeŋ ɔ sara ɛhakɛ ɛ su ka ȧŋdɛr ŋɔŋ ka ȧŋpənki kȧmȧ saŋ ma sə yi sa afi ka ɛhakɛ-e, sə gbəli yi sa akəli ka mȧlompi, ɔwa a yenkəs nu ka tȧsam tɔŋ.

Kȧŋȧibinɛ 19:7

Maŋ yasanɛ nu rə kəsel məbɔnɛ məthasər. Ɔwa maŋ sɔŋ kɔ nu ayiki, ȧtesoma-e kanantə ka kaLɔmɛ kəfɛth kə po bek, ka ɔbɛra ufath ɔ po bɛnɛnɛ.

Kȧŋȧibinɛ 21:9

Ka ukin ka aŋmȧleka tȧmthədɛrəŋ aŋa ba ɛbɔl tȧmthədɛrəŋ ya ɛfithina tȧmthədɛrəŋ ɛləpsɔ-e, ɔ kanɛ mi hɔ, Der anɔ kȧmȧ i tɔri mu ɔbɛra ufath ɔwe yi mɔ-e ɔrani ka kaLɔmɛ kəfɛth.