AŋRomans 7:24 - Ȧŋlemrȧnɛ Ȧfu

²⁴ O minɛŋ i yi wuni mɔnɛ! Kanɛ mə kisis mi ka ȧŋdɛr ŋa rafi aŋe-e?

AŋRomans 7:24 ပူးပေါင်းရင်းမြစ်များ

Mathiu 5:4

Aruba ŋaŋ aŋa saŋ amɔl, kotȧy-e a ba kǝthɔnthɔ ŋa.

Mathiu 5:6

Aruba ŋaŋ aŋa ba afela ta mȧlompi mɔ dor, kotȧy-e aŋ ba kǝnȧmrȧ.

Luk 4:18

ƆYina ka ɔMarki ɔ rensa mi, Pəkasifɛ ɔ po səməs mi tə kətɔri ȧkɛra kəfinɔ ka Kuru ka ȧŋmɔnɛ. Ɔ som mi tə kətaməs kasəli ka atɛndɛbira, Yi kakal kəli ka aŋfith, Tə kəsɔŋ rȧwankom ka aŋa a thiŋkər rə afɔsɔ rəkɔm.

AŋRomans 6:6

Sə tȧrȧ kəpa ɔwuni kur kȧsu a po tȧŋ kɔ ka akənt kəpəŋkinɛ yi kɔn kȧmȧ mayi ma su ma ahakɛ mə gbəli dinɛ, ɔwa kȧmȧ sə te sɔ yi atar ŋa ahakɛ.

AŋRomans 8:13

pəkasifɛ bepi nə yi kətȧŋȧnɛ ka aŋfɔsɔ ŋa mafela ma madɛr-e, nə tə fi. Kɛrɛ bepi nə difəth mȧyɔs ma madɛr rə aŋfɔsɔ ŋa ɔYina-e, nə tə ba aŋesəm.

AŋRomans 8:2

Ȧtesoma-e ȧŋthɔ ŋa ɔYina məsəm ka aŋesəm rokor ka Yisɔs Krayst aŋ po səli mi kəwur ka ȧŋthɔ ŋa ahakɛ yi rȧfi.

AŋRomans 8:23

Ka pə yi hɛ gbo yaŋ-e, kɛrɛ saŋ sɔ gbeŋ aŋa ba mȧkomi mətɔtɔkɔ ma ɔYina-e, hali saŋ sə laŋ rə ȧmerȧ, ma sə kar ȧŋlɔkɔ ma a ba kəsəki su mɔ awuth, pə yi mɔ-e kabani ka mȧdɛr ma su.

AŋRomans 8:26

Yaŋ ɔYina məsəm sɔ ɔ mar su ka mȧrȧnt ma su; ȧtesoma-e sə tɛ hɛ tə kəramnɛ mɔ mə sə yi naŋ tə kəramnɛ, kɛrɛ ɔYina məsəm-e, kɔn kɔnɔnɛ ɔ nɛmthɛnɛ ta ȧtȧ su yi təlaŋ ȧtȧ a te gbəli pa.

AŋKɔlɔsi 2:11

A birons nu do rɔŋɔŋ sɔ yi kabirons ȧke te yi rə məta, ma nə bus mayi mələs ma madɛr ka kabirons ka Krayst.

2 Timɔthi 4:18

ƆMarki kɔnɔŋ ɔ tə kisis mi ka mȧləs bɛ, ɔwa ɔ tə bɛnɛ mi ka rȧbȧy rɔŋ rəsəm. Ta kɔn yi ayiki haŋ thȧnkȧŋ thəbana. Amina.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

AŋHibru 2:15

Ɔwa sɔ-e, kȧmȧ ɔ bani ŋaŋ aŋa yi atar ka marey maŋ bɛ asabu ŋa ranes ra rəfi.

Kȧŋȧibinɛ 21:4

Ɔwa Kuru ɔ tə nasi ȧmȧntər bɛ ka ɛfɔr yaŋ. Rəfi rə ba hɛ sɔ kəyi. Ɔwa ɔnɔsinɛ-o, kəbok-o, ta a pa ras ɔbaŋ-o, ɛ ba hɛ sɔ kəyi hali. Kotȧy-e mȧtȧy mətɔtɔkɔ mə po thas.